زوجي وكفالة يتيم..!!

[غصة حنين]

السلام عليكم ورحمة الله وبركاته
كيف حالكم ياأخواتي؟
.
أراد الله عز وجل إني ما أحمل للآن..
وهاليومين زوجي مصمم يجيب طفل صغير
نربيه عندنا
يكفل يتيم يعني
لكن يجي يسكن معانا وإنه أحد يرضعه من أخواتي
أو أخواته..
والله ميته شووق لطفل
لكن مشكلتي في زوجي
ذكرت لكم من قبل انه كان يتعالج نفسيا
وأوقات يصير عصبي مررره
وأوقات يحب العزله والله إني أحيانا أعيش معه أيام عصيبه
مايعلمها إلا الله..لكني أحزن عليه لأنه طيب حيل ومرضه النفسي هو ابتلاء من الله.
ساعدوني
خايفه على هذا اليتيم اللي بيجيبه
يعصب عليه يوم أو يضربه أو يئذيه أذى نفسي
قلت له خلينا نكفل يتيم في المركز يعني مانجيبه لكن نتكفل بكل شي له
قال لأ..نجيبه عندنا ..
وش تنصحوني
والله شايله هم وبنفس الوقت مشتاقه حيل لطفل
مالي بعد الله غيركم ساعدوني
الله يفرح قلوبكم ويعطيكم حتى يرضيكم..
أختكم غصة حنين..