قصتي

[غاليه بدلعها]

مراحب
قبل مااسجل بالمنتدى حست ولفيت اغلب المنتديات وقريت معاناه أغلب النساء مع الدوره الشهريه والخلبطه اللي تصير وتجربه المستشفيات الادويه ووووووو............الخ
ومن واقع تجربه مريره مريت فيها وعانيت حبيت اني اسجل واتبادل المعلومات وياكم
وانا مو جايه اتفلسف عليكم لكن اللي تجرب أكيد بتكون عرفت لو القليل اللي يخليها تتعلم


اللي تتخلبط عندها الدوره أو نتقطع عنها فجأه .... لا تخاف اهو صحيح الوضع يخوف أنا وياكم بس لاتنسين انو العوامل النفسيه تخليك مشدوده ومتوتره وقلقانه وهالشيء يصعب الموضوع أكثر عليك .... الحل أنك تبدين تدورين على الاسباب ... طبعا أنا أتكلم في الاوضاع الغير الطبيعيه ...
أنت نزلتي وزن أو زدتي وزن بشكل كبير؟؟
كنت مأخذه حبوب تأخرها ؟ وأثرت عليك سلبا ؟
مريت بظروف صعبه خلتك دايما متوتره وكئيبه ؟
يمكن يكون ولا سبب من الاسباب اللي ذكرتها ....ممكن يكون السبب داخلي بالرحم نفسه
أنسداد ... أكياس ... الرحم نازل عن وضعه الطبيعي ... التفاف بالرحم ... أنقلاب ... ؟؟؟؟
في هالحاله أنا ماانصح أنو الوحده تعتمد على كلام المستشفيات بس والاشعه بتسألوني ليش ؟؟؟
كثيييييييييييييييير من الاخوات اللي مروا بتجربه مع خربطه التحاليل والفحوصات والاخطاء الطبيه اللي يمرون فيها .... أنا وحده منهم ... رحت عند دكتوره سامعه عنها انها شاطره كثير وتعرف وماأدري شنو ؟؟؟؟؟
وطبعا لان مااعندي خبره ولا خلفيه كنت أصدقها وأخذ من الادويه اللي توصفها لي ؟؟؟
سويت لي تحاليل وفحص بالسونار ..وكل مره أزورها أدفع حدود 500 وأكثر ومرات أدفه 1500
قالت انو عندي تكيسات بالمبايض ... أنا كنت في البدايه مو مصدقه اني عندي هالمشكله بس أكدت لي هالشيء .. رحت البيت وانا بنفسيه زفت وصارت الوساوس تدب في عقلي حسيت اني بنجن وكل مره نروح لها تحطمني أكثر وأكثر حتى زوجي تعبت نفسيته وصارت بينا مشاكل وحوارات ساخنه وهو يحب العيال كثيرررر ويتمنى انو يكون بينا طفل واللي زاد الطين بله انو المبالغ كثيره تضغط على ماديتنا ..كنت أبكي بحرقه قلب ومو عارفه شسوي وسويت بحث عن التكيس وشفت انو الحمد لله ماعندي الاعراض اللي تشكتي منها مريضه التكيس .. فصرت أفكر ليش يمكن لانها بالبدايه توها تظهر لي ... يمكن ويمكن ؟؟؟؟
لحد ماوحده الله يوفقها دلتني على وحده تمرخ رحت لها وقالت لي انو ماعندك لا اكياس ولا انتفاخات برحمك صارت تدهني بالصلاه على محمد وال محمد والايات القرانيه 3أيام قالتي انو عندك الرحم نازل مو في مكانه الطبيعي شكلك تشيل أشياء ثقيله وماترحمين نفسك .. قلت لها اي وبقوه بعد قالت لي انو هذا يأثر على الرحم ويخليه ينزاح عن محله بصراحه انا خفت وتندمت كثير على اللي سويته بنفسي ...
بعده شطبت على الدكتوره ذيك نهائيا ... المهم بعد فتره وانا بالمستشفى بغرفه الانتظار سمعت الحريم يتكلمون عن دكتوره شاطره وكل وحده تتكلم عن تجربتها وياها
اكيد بتقولون ماتتوبين من تجربتك ؟؟؟ بقولكم حرقه قلب المحرق على العيال اهو اللي دفعني على هالشيء بس أطمنكم أنا وقبلها بكم يوم أمي الله يجزها خير ورتني أعلان بالجريده حق دكتوره شاطره وقالتي روحي لها يمكن تستفدين
والمفاجاه انه اهي اللي يتكلمون عنها الحريم وكلمت زوجي وعيأ حاولت فيه
واقتنع وهددني انو هاذي اخر دكتوره وبعدها مافي لو يصير اللي يصير
على طول رحت لها وقلبها كنت رايحه مااخذه اوراق التحاليل من الدكتوره اللي قبل مارضت تعطيني اباها بسهوله وعصبت لمن قلت لها بروح عند كتوره ثانيه مااقدر على الدفع والصرف


الدكتوره لمن شافت التحاليل انبهرت وقالت انو تحاليلك سليمه قلتها تقول كذا وكذا قالت لا بسوي اعاده تحليل لهرمون واحد بس لانو اهو فوق المعدل الطبيعي برقم بس بتأكد منه وسويته وطلع طبيعي الحمد لله سوت لي سنوار وماشافت شيء ابدا ورتني الشاشه وقالت شوفي وضعك الحمدلله طبيعي مافي تكياسات بس طلع عندي رحمي طفولي والبطانه خفيفه ..
والحمد لله انا اتعالج عندها اللحين وان شاء الله اتحسن .... توني من شهر بديت اتعالج عندها
اللي حابه تسأل عن أسم هالدكتوره أسمها أشجان بمستوصف الروضه بالدمام
نصيحه رحوا لها والله يسهلها عليكم ولا تخلون نفسكم حقل تجارب ...

[درين]

تسلمي ماعليكي الا بالصبر انا كمان حكولي مافيي شي و صايرلي 9 سنين متزوجة و لسا ما حملت

بس الله كريم و قادر على كلشي
اكثري من الاستغفار و الصدقة بنية الانجاب و اكثري من قول ربي لا تذرني فردا وانت خير الوارثين
ربي ارزقنا وهبنا انا و جميع اخواتي الذرية الطيبة الصالحة عاجلا غير آجل يا رب العالمين

[ملاك الروووح]

الله يرزقك يااااااااااااااااااااااااااااااااااارب

[السعاده بطاعة الله]

الله يرزقنا يارب

[غاليه بدلعها]

تسلمون على المرور

[المتفائله خير]

الله يرزقك يارب

ونحن وياااااااك

[غاليه بدلعها]

اه من الناس اللي ماترحم ولا تخاف ربها مليت من الحنه وكثر السؤال متى بتحملين ... حملتي وليش ما حملتي كأنك الشيء بيدي

[no0ora]

الله يشفيكى ان شاء الله ويكرمك الذرية الصالحة قريبا ان شاء الله عليكى بالتوكل على الله والاخذ بالاسباب
اقرأى سورة البقرة كل يوم ان شاء الله ربنا هيكرمك واكثرى من الدعاء والاستغفار
واعرفى ان ربنا مش بينسى اى انسان فاكرة وبيطلب منة شىء وان شاء الله ربنا بيعطيكى الحمل السليم عن قريب ان شاء الله

[كلمة ماما]

وانا صرلي 10 سنين وما تركت شي الا جربتو وهلشي ضرني اكتر بس يارب لا تحرمنا كلمة ماما يااااااااااااااارب