عاجل سمعوا قصتي مع كيس الحمل

[ام ليان دشتي]

اشلونكم بنات قصدي حريم خخخخخ سمعوا قصتي وأخذوها عبره انا حامل ب8 أسابيع اول سونار سويته كنت بالأسبوع ال6 وقالولي مستشفى لندن فيج كيس على المبيض كبير وغريب وكيس الحمل عمره 4 أسابيع ومافي جنين ولانبض وفيج تجمع دموي يم كيس الحمل وأتوقع تتخيلون شكلي الدموع أرباع أرباع وقالي تعالي بعد10 ايام نعيد السونار وانا دوده مانطر رحت لدار الشفاء عند دكتوره اسمها. جنه جورجيت سوريه وسوت السونار تخيلوا مؤ بس سونار خارجي هم داخلي وطلعت روحي تدرون شنو قالت قالت بس كيس فاضي عمره 6 أسابيع ولانبض ولا جنين قالتلي اكيد يافاضي يامتحلل ولا زم تنظيفات قلت لها اشلون ماكو عوار ولادم نهائيا قالتلي احتمال 80 بالميه إجهاض وطلعت ابجي وانعزلت 6ايام وكرهت العالم وطلعت الحره بريلي خخخخخخ حراام المهم بعد 6 ايام رفيجتي لوعت جبدي بالحنه واصرت توديني عند ماجده اليتامى ورحت واستقبلتني دكتوره مصريه جنه اسمها رنده او رويده حبوبه وعسل وقدمت لها التقارير القديمه وسوت السونار وبغيت أموت من الصدمه اول ماحطت الجهاز على بطني سمعت صوت النبض قولوا ماشاءالله وعمره 7اسابيع و6ايام وأي بجيت تخيلي موعد التنظيفات بعدها بيوم والله ستر ----صدقوني خلوا إيمانكم بالله قوي ولاتستعيلون بالقرارات وأخذوا كلام اكثر من طبيب ولاتطلعون الحره برياييلكم - سامحني بوعبدالله وبأكون لك خوش مره

[om almahdi]

الحمدله على كل حال انا حالتي غير وأتمنى تكون شبيهة لقصتك في النهاية
انا اول حمل ضاع مني في لأسبوع 8 وأنا حامل بعد 3سنوات من الإنتضار رحت اول مرة عند الطبيبة بالأسبوع7و4أيام قالت الجنين و النبض ممتاز مع كيس لا خافي منه رحت مرة ثانية في الأسبوع 12 قالت لي لم اسمع نبض الجنين تعالي بعد 10أيام رحت البيت بكيت وحزنت وبسبب الحزن نزل دم خفيف أسود رحت لعيادة أخرى المرة هاذي طبيب قالي الجنين عايش لكن نبضه ضعيف إستمري على هذا المثبت و أسيدفوليك إستمر انزيف 15يوما وتوقف البارحة ولن انتضر حتى يمر الشهر و ساذهب اليوم عند طبيب اخر إدعو لي بتمام الحمل وأن يكون الجنين بخير يا رب المشتاقة للأطفال

[ام ليان دشتي]

الله يحفظ حملج نصيحه مني لا تيأسين راجعي اكثر من دكتور روحي لماجده اليتامى او محمود الاسطل وأيد يمدحون فيهم واستمري على المثبت والراحه التامه وطمنيني بأسرع وقت والله حاسه فيح 😘

[جالكسيoo]

اله يثبت حملك ياام ليان وتشوفينه بصه وعافيه يارب امةالمهدي الله يسهلك يارب وتطمني على جنينك ياقلبي

[أسوووم]

الله يثبت حملك ..

الحمد الله ربي يسهلك

[فال]

الله يثبت حملك ودايما ادعي بالله وقولي اللهم اني استودعك نفسي واستودعك ما في بطني

[نبعة الحب]

صحيح كلامج والله انا شفت العجايب بحملي الواحد مو لازم يسمع كلام الاطباء بكل شي انا ابني الثاني الدكتور قال لازم نطلعة ما ينمو توقف النمو عنة ووزنة 800 غرام والله الدنيا ضاقت بية وانا اول طفل الية نفس الحالة ولدوني قيصري وابني كيلو وزنة والثاني قالولي نفس الشي رفضت وهربت للبيت والحمدالله كملت التاسع وجبتة كيلوين و800 غرام مثل الورد والله وهمة قالو لي توقف النمو وما ينمو الجنين لازم نطلعة بسرعة بقيصرية مثل ابني الاول لعبو بية لعب لازم واحد يروح لاكثر من دكتور حتى يتاكد الله يثبت حملج وحملنا جميعا ان شاء الله

[صمتي حكاية]

الله يتمم حملكم وحملي على خير

[قرعوطه]

انا مرت علي تجربتك بكل فصولها لدرجه احس انك تتكلمين عني بس انا الاسف نهايه قصتي اجهضت والله عوضني بحمل ثاني حمد الله

[دلع الأحساء]

صحيح كلامك المفروض نانستعجل الا لين ينزل دم ويجي الم الدوره
لان انا حنلت قبل ثلاث مرات وكلهم كيس من غير جنين بس ما استعجل وانزله
لين ينزل مني دم ويجيني الام الدوره لان يكون خلاص اجهاض
والحمدلله نزل من غير تنضيف لان يكون صغير حيييل ومن غير جنين
والحين حامل للمره الرابعه ويارب يثبت ههالمره