الشمر شوفوا وش عمل فيني هزأني الدكتور عليه_تجربتي الشخصيه ..

[لن أيئس]

السلام عليكم ورحمة الله وبركاته
كيفكم حبيباتي ..
ان شاءالله بخير ..
................

اولا اكتب لكم وانا مقهوره وكلامي مخربط فالعذر والسموحه<<<كلامي طويل بس اقرأوه كامل للفائده لي ولكم

حبيباااااااااااتي

بالبدايه خلينا نسأل :
متى نصحى لانفسنا؟؟؟
الى متى نخدعها ونطارد سراااب ؟؟؟
الى متى نصدق كل كذبه تقال ...احيانا اقرا كلام بهالقسم عجيب والعقل يرفضه لكن الاحلام والاماني تجبرني اصدقه غصب

من فتره طويله وانا اقرا عن الزنجبيل والكركم والليمون والشمر....الخ
انك تبلعييييييييييييين بلع وتشربين هالمشروب السحري ويذوب الشحوم المتراكمه من عشرات السنين مو بس كذا ويشد الجسم بعد تصيرين منيكان <<<شغلوا عقولكم يصدق هالكلام انا حاولت اصدقه غصب مثلكم >>>


وبالاخص الشمر<<وهو محور حديثنا

قريت وحده كاتبه عنه تقول ان قريباتهم نحفوا كثير واكلهم نفسه بس لو قللتي اكل تنحفين اكثر
قالت ان وحده باقل من اسبوعين نحفت اكثر من 15كيلو مع تخفيف و10 بدون تخفيف <<ماذكر الارقام بالضبط بس تقريبا كذا ارقام كبيره
وسألناها يسف سف او ينقع وقالت يسف ووحده قالت ينقع

والردود بالمئات والعالم متحمسه واشتغلت القروبات للشمر اما لحاله او مع اضافات وانا مع هالجموع بس لحالي ما اتبع لاحد
وطرت للعطار كالعاده <<احسه صار يرحمني من كثر ماربحته

واشري لي كم كيلو ويالله شي سف وشي مع زنجبيل وهلم جرااا

واداوم عليه اكثر من شهر بس ماوزنت سف وتنقيع وكل مايكتب اطبقه
وبديت احس اننا فئران تجارب من كثر هالوصفات

ومع الاستخدام حسيت ان صدري والمؤخره انشدت
طرت من الفرحه قلت والله انه صدق بدون رجيم ولارياضه شد وانتي نايمه شي سحري

المهم اني لاحظت مع الوقت ان الموضوع مو شد السالفه ان الحجم كبر وانا احسبه ينشد
ابلبس الحمالات الصدر لقيتها ماتتسكر والا التنوره صراع مع السحااااااااب


تروعت
ورحت ابحث بمواقع علميه موثوقه عن الاعشاب ولقيت الطامه
انه يزيد هرمون الحليب وانتن حريم وتعرفن كيف هو مضر زيادته ويمنع الحمل ويحتاج علاج وطويل احيانا على حسب معدل ارتفاعه



وانا لي سنتين متزوجه وماعندي اطفال ورحت للدكتور في عيادات سمير عباس وسوينا فحوصات وكل شي سليييم


عدا










هرمون الحليب اللي ارتفع عندي وكان طبيعي سابقا ولله الحمد




مره استغربت وذكرت الشمر واللي قريته عنه فسالت الدكتور قلت له :
استخدمت الشمر تقريبا 5 اسابيع وانا تاركته لي شهرين واكثر له علاقه؟؟
وناظرني ذيك النظره وهو متنرفز قال طبعا هو السببب ويرفع هرمون الحليب وبقوه
قالي اكيد شاربته للتخسيس ؟؟
مره استحيت وقلت ايه قالي كثير يراجعن عندي ونفس مشكلتك
قال انا طبيب والتخسيس دايت +رياضه فقط ولاتصدقون
الاوهام اللي انتم عايشينها اصحوا منها معقول هالمشروب الاعشاب بتذوب الشحوم انتم تضرون نفسكم وتسببون لانفسكم الكثير من المشاكل الصحيه
الاعشاب مثل الادويه لازم تكون مقننه ولحالات معينه
قالي الادويه مستخلصه من الاعشاب بنسب معينه وتحت ايدي باحثين الموضوع خطييييييير ليش انتم بالسعوديه تتهاونون بالاعشاب وتقولون مالها اضرار وتستخدمونها بشكل عشوائي وباي كميه

مره استحيت لانه صادق ويتكلم بحماسه الله يجزاه خييييييييييير وحاولت ابرر موقفي قلت انا تاكدت قبل لا استخدمه<<<قصدي من البنت اللي كاتبه عنه
قالي مين الدكتور اللي سألتيه؟؟؟
فشييييييييله اقوله بالنت اقرا واطبق وانا جامعيه ومتعلمه حتى زوجي ناظرني نظره استخفاف وقال للدكتور اكيد من النت ماغير تقرا وتطبق





المهم قالي الشمر لو انك داومتي عليه اكثر ممكن يتسبب لك بارتفاع اكثر لهرمون الحليب ويمنع الانجاب واليانسون بعد

والاعشاب بشكل عام ممكن تتسبب لكم بفشل كلوي وتعطل البنكرياس اقراو واسالوا قبل الاستخدام وخاصه اللي تخلط مع بعضها وممكن تتفاعل مكوناتها
الله انعم عليكم بالصحه فليش تضيعونها؟!
قلت في نفسي وش بيقول لو يدري ان بعض البنات السليمات يستخدمون حبوب الجلوكوفاج




بنات انا الحين اتعالج لارتفاع هرمون الحليب وعندي تحليل بعد اسبوع ادعوالي بالشفاء والذريه الصالحه
ويشهد الله اني صادقه واسألوا اطباء عن الشمر وغيره قبل استخدامه


اللي تبي تنحف مالها الا رجيم ينحف والرياضه لشد الجسم وغيره ماله علاقه <<<خلينا نصحى من اوهااااامنا ونحافظ على صحتنا






اللهم بلغت اللهم فاشهد....اللهم بلغت اللهم فاشهد....اللهم بلغت اللهم فاشهد
سبحانك الله وبحمدك استغفرك واتوب اليك
.......................
للأمااااااااااانه منقووووووووول ..
وليس أنا من كتبت الموضوع شخصيا ..
حبيت أنقله للفايده ..
عني أنا ماأحب الأعشااااااب ابداااا ..

[أورجه البنفسج]

تسلمين يالغلا وربي انصدمت انا احبه وماارضى احد يتكلم فيه بس مااشربه الا اذا اشتقت له يعني نااادر اما انا اشوف اهل زوجي مدمنين يانسون وماشاء الله الوحده عليها 9 او7 بس مو باستمرار..

[xRano0x]

انا مااعررف الشمر ..؟؟
عمووما مشكوووورة حبيبة قلبــي ع الطرررح ..
انا مااحوووب الاعشاااب ولا الخلطااات ولا الخررربطه الله سخرلنا
الاطبااء والعلللم يعني ليه نعمل زي ايام الجاهليه والله فضلنا بوجود الطب والعللم بيننا
مافي احلا من انك تستمري مع طبيب ممتاز يفحصك ويعطيك دوااء
تحتااجو حاااالتك ولا يكثثثثر ياجماااعه .. هع
يسلـــموو حيااتي ع النقل وربنا يرزقناا ياااارب ..

[سكـره]

ياربي متى بكون عندنا وعي
الله يرزقك الحمل السليم يالغاليه
ومشكوره للتنبيه

[mooon]

أي شي اذا زاد عن حده انقلب ضده ،،
انت بالغتي كثير ،،
الله يشفيك ويعافيك وكل مسلم ،

[ام تميم 66]

الله يرزقك الحمل السلييم ياارب,,,,

[همسة دلع]

تسلمين يا الغلا على التنبيه
يعطيك الف عافيه

[fouzia]

مشكورة حبيبتي على الافادة و انا كمان ما بحب الخلطات و بخاف كتير على روحي

[تعبت اعاني]

مشكورة يا قلبي ان شاء الله ربي يرزقك قريباً بإذن الله،،
انا لي يومين اشربه مع البردقوش جزاك الله خير انك بلغتينا

[ياسمين الشام]

مشكوره حبيبتي على المعلومات