منتديات حوامل النسائية - الشمر شوفوا وش عمل فيني هزأني الدكتور عليه

السلام عليكم ورحمة الله وبركاته
كيفكم حبيباتي ..
ان شاءالله بخير ..
................

اولا اكتب لكم وانا مقهوره وكلامي مخربط فالعذر والسموحه<<<كلامي طويل بس اقرأوه كامل للفائده لي ولكم

حبيباااااااااااتي

بالبدايه خلينا نسأل :
متى نصحى لانفسنا؟؟؟
الى متى نخدعها ونطارد سراااب ؟؟؟
الى متى نصدق كل كذبه تقال ...احيانا اقرا كلام بهالقسم عجيب والعقل يرفضه لكن الاحلام والاماني تجبرني اصدقه غصب http://forum.hwaml.com/imgcache2/hwa...532909_477.gif

من فتره طويله وانا اقرا عن الزنجبيل والكركم والليمون والشمر....الخ
انك تبلعييييييييييييين بلع وتشربين هالمشروب السحري ويذوب الشحوم المتراكمه من عشرات السنين مو بس كذا ويشد الجسم بعد تصيرين منيكان <<<شغلوا عقولكم يصدق هالكلام انا حاولت اصدقه غصب مثلكم >>>

وبالاخص الشمر<<وهو محور حديثنا

قريت وحده كاتبه عنه تقول ان قريباتهم نحفوا كثير واكلهم نفسه بس لو قللتي اكل تنحفين اكثر
قالت ان وحده باقل من اسبوعين نحفت اكثر من 15كيلو مع تخفيف و10 بدون تخفيف <<ماذكر الارقام بالضبط بس تقريبا كذا ارقام كبيره
وسألناها يسف سف او ينقع وقالت يسف ووحده قالت ينقع

والردود بالمئات والعالم متحمسه واشتغلت القروبات للشمر اما لحاله او مع اضافات وانا مع هالجموع بس لحالي ما اتبع لاحد
وطرت للعطار كالعاده <<احسه صار يرحمني من كثر ماربحته http://forum.hwaml.com/imgcache2/hwa...532909_104.gif

واشري لي كم كيلو ويالله شي سف وشي مع زنجبيل وهلم جرااا

واداوم عليه اكثر من شهر بس ماوزنت سف وتنقيع وكل مايكتب اطبقه
وبديت احس اننا فئران تجارب من كثر هالوصفات

ومع الاستخدام حسيت ان صدري والمؤخره انشدت http://forum.hwaml.com/imgcache2/hwa...532910_735.gif
طرت من الفرحه قلت والله انه صدق بدون رجيم ولارياضه شد وانتي نايمه شي سحري

المهم اني لاحظت مع الوقت ان الموضوع مو شد السالفه ان الحجم كبر وانا احسبه ينشد
ابلبس الحمالات الصدر لقيتها ماتتسكر والا التنوره صراع مع السحااااااااب http://forum.hwaml.com/imgcache2/hwa...532910_735.gif

تروعت
ورحت ابحث بمواقع علميه موثوقه عن الاعشاب ولقيت الطامهhttp://forum.hwaml.com/imgcache2/hwa...532910_465.gif
انه يزيد هرمون الحليب وانتن حريم وتعرفن كيف هو مضر زيادته ويمنع الحمل ويحتاج علاج وطويل احيانا على حسب معدل ارتفاعه

وانا لي سنتين متزوجه وماعندي اطفال ورحت للدكتور في عيادات سمير عباس وسوينا فحوصات وكل شي سليييم

عدا

هرمون الحليب اللي ارتفع عندي وكان طبيعي سابقا ولله الحمد http://forum.hwaml.com/imgcache2/hwa...532910_866.gif

مره استغربت وذكرت الشمر واللي قريته عنه فسالت الدكتور قلت له :
استخدمت الشمر تقريبا 5 اسابيع وانا تاركته لي شهرين واكثر له علاقه؟؟
وناظرني ذيك النظره وهو متنرفز قال طبعا هو السببب ويرفع هرمون الحليب وبقوه
قالي اكيد شاربته للتخسيس ؟؟http://forum.hwaml.com/imgcache2/hwa...532910_465.gif
مره استحيت وقلت ايه قالي كثير يراجعن عندي ونفس مشكلتك
قال انا طبيب والتخسيس دايت +رياضه فقط ولاتصدقون
الاوهام اللي انتم عايشينها اصحوا منها معقول هالمشروب الاعشاب بتذوب الشحوم انتم تضرون نفسكم وتسببون لانفسكم الكثير من المشاكل الصحيه
الاعشاب مثل الادويه لازم تكون مقننه ولحالات معينه
قالي الادويه مستخلصه من الاعشاب بنسب معينه وتحت ايدي باحثين الموضوع خطييييييير ليش انتم بالسعوديه تتهاونون بالاعشاب وتقولون مالها اضرار وتستخدمونها بشكل عشوائي وباي كميه

مره استحيت لانه صادق ويتكلم بحماسه الله يجزاه خييييييييييير وحاولت ابرر موقفي قلت انا تاكدت قبل لا استخدمه<<<قصدي من البنت اللي كاتبه عنه
قالي مين الدكتور اللي سألتيه؟؟؟
فشييييييييله اقوله بالنت اقرا واطبق وانا جامعيه ومتعلمه حتى زوجي ناظرني نظره استخفاف وقال للدكتور اكيد من النت ماغير تقرا وتطبق

المهم قالي الشمر لو انك داومتي عليه اكثر ممكن يتسبب لك بارتفاع اكثر لهرمون الحليب ويمنع الانجاب واليانسون بعد

والاعشاب بشكل عام ممكن تتسبب لكم بفشل كلوي وتعطل البنكرياس اقراو واسالوا قبل الاستخدام وخاصه اللي تخلط مع بعضها وممكن تتفاعل مكوناتها
الله انعم عليكم بالصحه فليش تضيعونها؟!
قلت في نفسي وش بيقول لو يدري ان بعض البنات السليمات يستخدمون حبوب الجلوكوفاج http://forum.hwaml.com/imgcache2/hwa...532910_465.gif

بنات انا الحين اتعالج لارتفاع هرمون الحليب وعندي تحليل بعد اسبوع ادعوالي بالشفاء والذريه الصالحه
ويشهد الله اني صادقه واسألوا اطباء عن الشمر وغيره قبل استخدامه

اللي تبي تنحف مالها الا رجيم ينحف والرياضه لشد الجسم وغيره ماله علاقه <<<خلينا نصحى من اوهااااامنا ونحافظ على صحتنا

اللهم بلغت اللهم فاشهد....اللهم بلغت اللهم فاشهد....اللهم بلغت اللهم فاشهد
سبحانك الله وبحمدك استغفرك واتوب اليك
.......................
للأمااااااااااانه منقووووووووول ..
وليس أنا من كتبت الموضوع شخصيا ..
حبيت أنقله للفايده ..
عني أنا ماأحب الأعشااااااب ابداااا ..