تجربتي مع الصبغات

[Moshi]

مرحبا يا عسولااااااااات كيفكم ؟؟

بدي اسألكم مين منا ما بتحب التجديد والتغيير بمظهرها

وبنفس الوقت تحافظ على جمال وصحة شعرها

انا بالنسبه الي كنت كل شهرين اغير لون شعري

مره اشقر ثلجي مره اشقر رمادي مره بني فاتح ومره عسلي ومره اسود

مره صبغه ومره حنه ودايما ً ما كنت اهتم بالعلاج بعد الصبغه

لحد موصلت لمرحله انو شعري دمااااااااار خربان مقصف تعبان وناشف وما بيتسرح

فقررت اني اقاوم التغيير وما اصبغ ابداً واركز بهاي الفتره على اراحة الشعر من الصبغات وعلاجه بمواد طبيعيه بعيدة عن مستحضرات التجميل الجاهزه بالسوق

والحمدلله الي سنه وشهرين ما لعبت بشعري

وصار ناعم متل الحرير ما شاء الله ما شاء الله
والكل بيسألني عن الوصفات يلي بحطها لأني بصراحه ما تركت شي الا وعملته
ليرجع شعري منيح

رح احكيلكم عن الاشيا يلي بعملها لشعري وان شا الله بتستفيدو منها

1. زيت الزيتون : من اهم الزيوت المستخدمه للشعر وبيستخدموه الهنود وشعرهم ما شاء الله

من اهم ميزاته انه بقوي الشعر من الجذر , بنعم وبيغمق اللون
انا بستخدم زيت الزيتون مع قشور التوم (الفيتامينات موجوده كلها بالقشر)
وبسخنه عالنار وبستنى يدفى وبدلك فيه شعري وبتركه مده 4 ساعات
مره بالاسبوع

2.المايونيز : مرطب طبيعي للشعر خاصه المصبوغ والتالف

بستخدمه مره كل اسبوعين وبتركه مدة ساعتين ل 3 ساعات على شعري وبغلفه بكيس حتى يتغلل مفعوله بالجذور

3. روحي عالعطار وجيبي مجموعة الزيوت هاي

(زيت الخروع , زيت جوز الهند , زيت اللوز الحلو , زيت الصبار , زيت اللافندر , زيت التوم)

اعملي خلطه وحطيها مره كل اسبوعين واتركيها عشعرك من 3 الى 4 ساعات وشوفي الفرق سواءً بالطول او بالكثافه او بالنعومه

4. حاولي تريحي شعرك من السشوار المكوى او المجعد

واستخدمي طرق يدويه تانيه متل كبس الشعر او لفه بلفافات بدون استخدام مواد كيميائيه
ورح تحس انو شعرك جميل وانيق ومسرح بدون متخربيه

5. حاولي تقصي اطراف شعرك مره كل شهر

صحيح انو طول الشعر بيكون من الجذور وما اله علاقه باطرافه بس الاطراف الصحيه بتعكس صحة الشعر وبتساعده على النمو السليم
قصه شعرك بشكل مستمر بتساعديه وبتحفزيه انو يطول بشكل منتظم

بتمنى انكم تكونوا استفتدوا معي بمجموعة النصائح المجربه

وان شا الله بحطلكم وصفات اكتر لشعر صحي وجميل

دعواتكم