شوفولي حل مع زوج اختي

[شمس]

السلام عليكم
يابنوتات ياعسولات ياليت تشوفولي حل مع زوج اختي


انا واختي كنا متل التوائم مع انه الفرق بينا ثلاث سنين


من كثر حبنا لبعض كل من شافنا يحسبنا توائم اتزوجت


انا قبل سنه بس الحمدلله علاقتنا كانت مستمره بس والله


تزوجت هي بعدي بست شهور والحين بعد ماتزوجت صرنا


كأنا غرب لمن تكلمني تكلمني برسميه زايده ومابين كم وكم فتره تكلمني


انا عارفه ان السبب زوجها دايم يهزئها اذا كلمتني وما تكلمني الا لمن يكون موجود


عشان يسمع كل الكلام الي اتقال انا ماهمني هو بس اختي قاهرتني لها الدرجه تسمع كلامه يعني قالها قاطعي اختك تقاطعني هذا الشي لا يرضي الله ولا خلقه
بس وش بيدي اسوي مااقول الا حسبي الله ونعم الوكيل

[يارب ترزقني بطفل أضمه]

ياقلبي الله يؤلف بين وبينك ولايقطعكم يارب يالغالية احسن حل اذا قابلتيها صارحيها بكل شي مافيه احلى من الصراحة صابون القلوب بس لاتجرحينها يمكن مغلوب على امرها قولي وشفيك ليش تغيرتي علي وتكلمك اذ طلع زوجها ويمكن فيه شي ماتدرين عنه اوقد زعليتها بدون ماتحسين شوفي خاطر اختك ومهما صار طولي بالك وولو قطعتك اوصليها ياقلبي والله يجمعكم وترجع علاقتكم مثل اول واحسن ياقلبي

[**سماسم**]

طيب يالغاليه ليش شكيتي أنه السبب زوجها مانعها تتكلم وياج ؟
إذا عرف السبب يالغاليه عرفنا بطل العجب..
ومثل ماقالت الـ يارب ترزقني بطفل أضمه صارحيها وسوفي ردت فعلها ..

[ميمــو بينــك]

اهلين اختي ماشاء الله الاخوات ماقصروا
انا معاهم

[سموة الشوق]

غريبة
لازم تصارحينها وجها لوجه خيتو

وتسألينها وش اللي مغيرها عليكي

لو في شئ بقلبها خليها تصارحك فيه

وبالكلام الحلو والهدوء

والله لايفرق بينكم ويزيل اللي بينكم

والله يودد قلب أختك عليكي وترجعون أخوات مثل ماكنتوا وأكثر يارب

[شمس]

أنا موشاكه الامتاكده انه هو بس الله يصبرني والله وحشتني اختي الاوليه الله لا يسامح الي فرق بينا

[**سماسم**]

يالغاليه لاتظلمينه ترا الظلم مو زين صارحي أختج وشوفي ردها شنو ..
يمكن موقف او أحد موصل لها كلام بقصد التفرقه مابينكم ..
والله يخليكم حق بعض سند وعون ومايفرق بينكم ويبعد عنكم الحسد ..

[أم دجانة]

صارحي اختك أو دخلي طرف تالت بيناتكم متل أمك مثلا...

والله بيعينك..

[منو عبادي]

ياقلبي
صارحي اخنك
يالغلا
ومتاكده انك راح تعرفين السبب

[شمس]

انا متاكده ليش لانها في اول ايام زواجها اختي كانت تكلمني وطول معايه ولمن يشوف سجل المكالمات تقولي كان يعصب هو مفكر انه انا لمن اكلمها اجلس على قولتهم احرشها عليه وهو اصلا كان متزوج من قبل وتركته زوجته عشان كذا صاير ماعنده ثقه فنفسه حتى عند ابوي ما يجيبها الا بطلوع الروح بعد مايتصل عليه ابوي ويترجاه من جد قاهرني الله يعين اختي ويصبرني على بعدها