|
شوفولي حل مع زوج اختي
السلام عليكم
يابنوتات ياعسولات ياليت تشوفولي حل مع زوج اختي انا واختي كنا متل التوائم مع انه الفرق بينا ثلاث سنين من كثر حبنا لبعض كل من شافنا يحسبنا توائم اتزوجت انا قبل سنه بس الحمدلله علاقتنا كانت مستمره بس والله تزوجت هي بعدي بست شهور والحين بعد ماتزوجت صرنا كأنا غرب لمن تكلمني تكلمني برسميه زايده ومابين كم وكم فتره تكلمني انا عارفه ان السبب زوجها دايم يهزئها اذا كلمتني وما تكلمني الا لمن يكون موجود عشان يسمع كل الكلام الي اتقال انا ماهمني هو بس اختي قاهرتني لها الدرجه تسمع كلامه يعني قالها قاطعي اختك تقاطعني هذا الشي لا يرضي الله ولا خلقه بس وش بيدي اسوي مااقول الا حسبي الله ونعم الوكيل |
رد: شوفولي حل مع زوج اختي
ياقلبي الله يؤلف بين وبينك ولايقطعكم يارب يالغالية احسن حل اذا قابلتيها صارحيها بكل شي مافيه احلى من الصراحة صابون القلوب بس لاتجرحينها يمكن مغلوب على امرها قولي وشفيك ليش تغيرتي علي وتكلمك اذ طلع زوجها ويمكن فيه شي ماتدرين عنه اوقد زعليتها بدون ماتحسين شوفي خاطر اختك ومهما صار طولي بالك وولو قطعتك اوصليها ياقلبي والله يجمعكم وترجع علاقتكم مثل اول واحسن ياقلبي
|
رد: شوفولي حل مع زوج اختي
طيب يالغاليه ليش شكيتي أنه السبب زوجها مانعها تتكلم وياج ؟
إذا عرف السبب يالغاليه عرفنا بطل العجب.. ومثل ماقالت الـ يارب ترزقني بطفل أضمه صارحيها وسوفي ردت فعلها .. |
رد: شوفولي حل مع زوج اختي
اهلين اختي ماشاء الله الاخوات ماقصروا
انا معاهم |
رد: شوفولي حل مع زوج اختي
غريبة
لازم تصارحينها وجها لوجه خيتو وتسألينها وش اللي مغيرها عليكي لو في شئ بقلبها خليها تصارحك فيه وبالكلام الحلو والهدوء والله لايفرق بينكم ويزيل اللي بينكم والله يودد قلب أختك عليكي وترجعون أخوات مثل ماكنتوا وأكثر يارب |
رد: شوفولي حل مع زوج اختي
أنا موشاكه الامتاكده انه هو بس الله يصبرني والله وحشتني اختي الاوليه الله لا يسامح الي فرق بينا
|
رد: شوفولي حل مع زوج اختي
يالغاليه لاتظلمينه ترا الظلم مو زين صارحي أختج وشوفي ردها شنو ..
يمكن موقف او أحد موصل لها كلام بقصد التفرقه مابينكم .. والله يخليكم حق بعض سند وعون ومايفرق بينكم ويبعد عنكم الحسد .. |
رد: شوفولي حل مع زوج اختي
صارحي اختك أو دخلي طرف تالت بيناتكم متل أمك مثلا...
والله بيعينك.. |
رد: شوفولي حل مع زوج اختي
ياقلبي
صارحي اخنك يالغلا ومتاكده انك راح تعرفين السبب |
رد: شوفولي حل مع زوج اختي
انا متاكده ليش لانها في اول ايام زواجها اختي كانت تكلمني وطول معايه ولمن يشوف سجل المكالمات تقولي كان يعصب هو مفكر انه انا لمن اكلمها اجلس على قولتهم احرشها عليه وهو اصلا كان متزوج من قبل وتركته زوجته عشان كذا صاير ماعنده ثقه فنفسه حتى عند ابوي ما يجيبها الا بطلوع الروح بعد مايتصل عليه ابوي ويترجاه من جد قاهرني الله يعين اختي ويصبرني على بعدها
|
| الساعة الآن 10:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .