القلم رخيص

[حب ومرح]

فيه شخص ثقيل دم كل ماقابل خويه يدور شيء ينتقده
وكل سوالفه كنها سوالف نسوان ..

مره يقول (نعالك مو ماركه)

ومره (قماش ثوبك صيني)

وآخر مره قاله
(قلمك رخيص مو زي قلمي الـ dior)







فكتب له بقلمه [الرخيص] هذي الأبيات


في جيبي العلوي قلم بأربعه ريال
وأخطّ به مالا يخطّه (ديورك)

هذي علومك،،، كلها عوج وهزال
اسمعني، اللــه لايجبّر كسورك

فرحان.. تشري بـ(ألف وشويه) نعال!
تمشي بك دروب المذله بـ شورك

ومفصّل بـ (حول الثلاثميه) عقال!
وتحته عقل فارغ سوى مـن غرورك

يا تافه .. ارخ السمع للي بينقال
وتراه ماهو مـن دواعي سرورك

اللبس ماعمره ستر عيب رجّال
هذا انت ماتستر خَواك بـ قشورك

ومادامك تقيس الأوادم بالأشكال
عندي تساوت غيبتك مع حضورك

رح خاو خاوي مثلك أشبه بـ تمثال
يرضي برستيجك ويسعد شعورك

ما اتشرف بمعرفتك ولا انت فـ البال
ولا عاد أشوفك عندي ولا بأزورك

مغنيني اللـه عنك برجالٍ ثقال
مافيهم اللي حب تمثيل دورك

أقلّهم لو شاف تقصير وإهمال
يسد نقصك ما يدوّر قصورك...!!!

[حب ومرح]

ماعجبكم؟؟؟؟؟؟؟؟

[demah]

والله يستاهل هل الرد انسان تافه تسلمي حبيبتي عل طرح

[خجل الورود]

اهنيك على قلمك الراقي
عوـآآفي ي قلبي
اهنيكـ ع انتقاائك الكلماات المعبرهـ لهــأأ
سلمت يمنــأأكـ

[مريوومة]

رروعه الكلماات يستاهل واكثر بعد