صينية المنتو الكذاب....ادماااااااااان

[ايلاف]

هذي الصينيه ادماااااااان بشكل غير طبيعي







::








::

~..المقادير ..~

رقاق سمبوسه وانا استخدم دايم غوار

~..الحشوه..~
لحم مفروم او جاج مفروم
بصل مقطع مربعات صغيره
جزر مقطع مربعات صغيره
ثوم مهروس
1 مكعب ماجي .. (مكعب مهوب كرتون)
ملح .. فلفل اسود.. كمون .. بهارات مشكله .. بهارات لحم او جاج

~..الحشوه 2 ..~

::



::
بصله كبيره مقطعه جوانج
فلفل رومي حبه كبيره مقطعه جوانح
مشروم ( فطر) حسب الرغبه
شوي ثوم
1 مكعب ماجي
(( وكل ماكثرنا من هالحشوه طلع الطعم احلى واحلى ))

~.. الصلصة البيضا ..~

علبة قشطه التاج وحده
2 ملعقه كبيره مايونيز
2 ملعقه كبيره جبن كرافت سايل
ربع كاس مويه


~..الطريقه..~

نحط في مقلاة شوي زيت ونحمر البصل والماجي ( مكعب واحد بس ) والثوم
نضيف اللحم او الدجاج ونتركه على النار لين تنشف مويته
بعدين نضيف الجزر والبهارات كلها

ونقلبها شويات ونبعدها من على النار.. لا نزود ملح كثير على الحشوه لان الطبقه البيضا بتكون فيها ملح من الجبن ..

::



::

نبدأ نحشي الرقاق

افرد الرقاق بالطول واحط الحشوه بالطرف وابدا الفها روووول .. مانلف كل الرقاق يادوب لفتين او ثلاث اذا كان الرقاق متين شوي واذا رهيف مره 3- 4 لفات عشان يكون سهل تقطيعها واكلها.

بعدين نمسك اطراف الرول ونضغط عليها بأصابعنا

::



::

نبدأ بعمل الحشوه الثانيه

برضو في مقلاة شوي زيت والبصل والماجي والثوم بعدين الفلفل الرومي والمشروم

نخليها شوي على النار..

نبدأ بتوزيع الحشوه 2 على الصينيه

::



::
ونرص الرولات

::


::

حتى نفاذ الكميه

::



::


نخلط مقادير الصلصة البيضا بهذاك وش اسمه <<- نسته

ايه الشبك الي يخفق <- والله والوصف

ونصبها فوق الصينيه

::



::

طبعا نكون مشغلين الفرن قبل ماندخلها بشوي ..

ندخلها الفرن لمدة ربع ساعه او ثلث ساعه على درجه حراره ( 180 او 360) <- للفرن الكهربائي.

ونحمرها فوق .. تحمير خفيف وتقدم فورا ..

::



::

ملاحظه مهمه جداً..
ماتخلي الصينيه تنشف من الصلصه البيضاء ابدا .. لان حلاتها بالصلصه وهي تتمطرس <-

::



::


وهني وعافيه ..