ساعدوني بتنظيم نوم أطفالي

[أم حمودي وعبودي]

أهلين بنات

توائمي ما شاء الله عليهم صاروا في الشهر التاسع ومن ثلاثة شهور نومهم مقلوب
نوم بالنهار وسهر بالليل
تقريبا ينامو من الساعة 5 الصبح إلى الساعة 4 العصر 10 - 11 ساعة ويجلسلوا مرة وحدة أو مرتين للرضاعة ما أدري إذا صح أرضعهم خلال هذه الفترة ولا لا !

وياخذوا قيلولتين أو ثلاث بالليل وهكذا

حاولت أضبط نومهم بس ما قدرت وصرت أنا أنام مثلهم ههههههه

أولادي حاليا ما عندهم غرفة خاصة ويناموا بغرفتي و هذا الشي مصعب علي الموضوع لأني إذا حاولت أنومهم بالليل أبوهم ينزعج عشان وراه عمل

نفسي يتظم نومهم عشان أطلعهم بالنهار يشوفوا نور الشمس

[بحــ العيون ــــــــر]

الله يحفظهم لكي يارب

ويصلحهم لكي

ان شاء الله البنات مااايقصررون معك يا الغلا

[υм вtℓαα]

صعب شوي وخاصة انهم تؤام يعني حتى لو واحد نام الثاني يصحى
لاكن انتي حاولى تنومينهم قبل وقت نومك بساعه ولاصحيتي صحيهم
عشان لو تبغين تاخذين قيلوله العصر تنومينهم ساعه فقط تكفيهم وتصحيهم وهكذا لين يتعودون لان الطفل يبيله فترة عشان
يتاقلم
الله يسهلك يارب

[أم حمودي وعبودي]

شكرا ام بتلاء حاولت وما استطعت
بنتي صاير نومها متعب منكد حياتي
ما تنام إلا بالهز وتصحى من نص النوم وتنام بس 6 ساعات وحتى القيلولة تنام أقل من اخوها
أنا ما أشبع نوم
لا وأبوهم يجي ويخرب نومتي

[" ملاك "]

ليش ل ٥ الفجر صاااحين
انتي صحيهم 12 الظهر تقريبا وسبحيهم وخليهم يفرفشون
تسع شهور حطيهم بالدراجة الا تعلم البيبي المشي وخليهم يلعبون
نيميهم العصر اشوي والليل ينامون ١٢
الله يعينك
الحياااااة تعب بالتوأم