قصة ولادتي

[Noor Ali 12]

بسم الله الرحمن الرحيم
السلام عليكم بنات أخباركم وأخبار الحمل والأمومة معاكم
طبعا جايه لكم بقصة ولادتي اللي تمة من شهرين
طول فترة حملي أموري كلها تمام بس في الشهر الثامن صار عندي زياده في كمية السوال وقالت لي الدكتوره انتبهي من الولاده المبكرة يعني لو حسيتي بأي علامة ولاده تعالي المستشفى على طول بس الحمدالله ما صار معاي ولا شي دخلت التاسع وقالت الدكتوره لازم نحدد موعد للولاده لان كمية السوال بعدها زايده مو زين زيادة السوال قالت الدكتوره يمكن تنفصل المشيمة او ينفجر كيس الماء وينزل معاه الحبل السري عطتني موعد كان في نهاية الاسبوع 38 وكان يوم جمعه رحت الساعه ست الصباح دخلت غرفة الولاده لبست لبس المستشفى ركبو علي جهاز التخطيط وكشفت علي كان مفتوح 2 سم وبعدها فتحو كيس الماء وعطوني طلق صناعي بالوريد ولدت العصر جبت أحلى قمر ولدي حسن وبعد ثمان ساعات من الولاده تم اكتشاف ان ولدي عنده ضيق في الصمام الرائوي ولازم يسون له عملية توسيع هذا الصمام بس المشكلة مستشفى بروكيرما عندهم دكتور يسوي هذي العملية واضطرين ندور في المستشفيات عشان احد يأخذه ويساوي له العملية لكن بدون فايده لان ولدت في ويكاند والمستشفيات الحكومة مقفل بس الحمد الله رب العالمين يوم الأحد أخذوه مستشفى البابطين ويوم الاثنين عملو له القسطره والحمد الله رب العالمين هو الآن في صحه جيده وممتازه
دعواتكم له ان الله يتمم عليه الصحه والعافية

[ام مهند 2]

الف الحمد لله على سلامتك ومبروك المولود

ويارب يشفيه ويعافيه

[افنان الحربي]

ما شاء الله الف مبروك حبيبتي والحمدلله على سلامتكي والله يعافي ولدكي ان شاء الله

[υм вtℓαα]

الحمدالله على سلامتك
الف مبرؤؤؤؤؤك يتربى بعزكم يارب
الله يشفيه ويعافيه ويحفظه يارب

[ام ديووومه]

ماشاء الله الف الف مبرووك. ربي يجعله من مواليد السعاده ويرزقك بره

والله يشفيه ويعافيه ويخليه لك يارب الحمد لله على سلامتكم

[أم ولاء]

الْحٍمَدٍللـّہ على سلامتك وسلامة الصغير
رَبّـ❤ـيٌ يحفظه ويخليه لج

[أسيرة زوجي]

الحمد لله على سلامتك و على سلامته

الله يقومكم بالسلامة يا رب

الله يشفيه و يعافيه و يطلع سليم معافى

[ام جوري&&]

الحمدالله ع السلامه ....

[ام وصوفه]

الحمدلله ع السلامه و يتربا بعزكم ، والله يشفيه و يعافيه ويبارك فيه و تشوفينه معرس ان شاء الله