ولادتي 00الحمدلله00

[3nood]

السلام عليكم

نبداء بسم الله انا كنت في الشهر التاسع على نهايته بقي لي يومين

وادخل العاشر بحككم اني ما احب امشي اتعب مره زوجي الله يخليه

راح جاب لي ((حلتيت)) انا ما احب دي الاشياء فكنت رافضه مره

بالقوه خلاني اشم كان ثاني يوم العيد في الصبح ثالث يوم الساعه تسعه بتحديد

نزلت مويه خفيفه مع دم لونها وردي الحمدلله بدون مغص او اي شي بس مويه

صحيت ماما قالت لي دي علامة الولادة بس ماكنت مصدقه بدون الم قالت لي

صحي زوجك مارضيت((احب اعاند)) ماما الساعه11 اتصلت على زوجي وقالت له

اشوي زوجي اتصل قال انا تحت انزلوا طبعا انا كنت اشرب ((قرفه))_ رحنا مستوصف البدر لقيناه مقفل

_رحنا عيادة روحيه الشافعي مقفل _رحنا مستشفى الرفيع دكتور التخدير ماجا _ انا كدا سار شكلي

زوجي قرر يودينا &الولادة& كان نفسي اولد في خاص حظي كدا

بالنسبه لخدمتهم جدا سيئه كانو يضحكوا و يتريقوا وانا جدا متوتره قعت تقريبا ساعتين

استنى احد يكشف عليا لمن كشفت الدكتوره قالت مفتوح 3.5 دخلتني كشك الولادة طبعا نظيف

جلست لين الساعه 9الليل بدون الم بعدين بداء سبحان الله كلها جات ورا بعض طبعا كنت انادي

محد يجي سرت ابكي انادي محد في حرام عليهم بعدين جات النيرس قالت خلاص ولاده النونو باين

وانا اابكي محد معايه و اول بيبي مره تعبت دكتور ولدني الحمدلله مره ساعدني جبت((بنت ))

نجي للخياطه

كانت الخياطه ((سيئه )) بمعنا الكلمه ودوني غرفه تانيه و كانت بارده زي التلج اقولهم طفو التكييف

مايرضوا طبعا الله يسامحهم تعبت مره و كرهة الولادة زيادة

طبعا خلصت الاربعين و ينزل دم كثير جلست 4 ايام بس كان الدم مع الم فضيع

رحت عند دكتوره روحيه الشافعي قالت اكشف عليك بعدين قالت لي انتي تنزفي الخياطه مفتوحه و شافت من الداخل قالت متوسعه

طبعا حددت لي يوم تسوي لي خياطه الا هو اليوم الساعه12 و سويتها الحمدلله

الام كان متوسط عكس الي قريته في المنتديات

الالم لمن بداء يروح البنج الموضعي ديك الساعه بتجنن و بصراحه انا ((مدلعه))

اعطتني مضاد و مسكن و تحاميل شرجيه و ملين و غسول و مرهم اشتريته منها ب100

الحمدلله دحين ليا 7 ساعات من سويتها و خف الالم كثير مره و لله الحمد اعطتني موعد يوم السبت قالت كلها 10 ايام و تذوب الخياطه

$$الخياطه في مستشفى الولادة عاديه _الخياطه عند روحيه تجميليه$$

ان شاء الله النتيجه مرضيه و راح اخبركم بالنتيجه


احبكم