عاجل الي جربت الطلق الصناعي تدخل الله يفرج ويرزق من تدخل

[حنان 1985]

السلام عليكم ورحمة الله وبركاته
بسم الله الرحمن الرحيم


خواتي انا توي جايه من المستشفى قالت
دكتورتي الاسبوع الجاي موعدك في الولاده
وطلق صناعي

خفت كثير ناس يقولون يوجع اكثر من الطبيعي
اذا الطبيعي ماتحملته كيف اجل الصناعي

عشان كذا خواتي تكفون الي جربته لاتبخل علينا وترد علا اسالتي
جزاها الله خير الجزاء

اول شي صدق اقوى من الطلق الطبيعي
وكم ساعه وولدتي
ومن الي خذته ولا فاد فيها ماولدت يعني
واهم شي الوقت كم وولدتي
ويعطونك مسكن عادي والامايصير
وبس
ولله تعبانه مانام زين عشان كذا تكفون ابي ردود واضحه
حتى لو مولمه
وجزاكم الله خير

[أحلى حلم]

عسانا مانجربه يالين ويجعل ولادتنا طبيعه سهله يااااارب العالمين ،،،،
حاولي تكثري شوي مشي ـوتجلسي جلسه القرفصاء اكثري من الدعاء والاستغفار

[sweety]

يا حبيبتي يالين ما عليك من كلام الناس
هذي كلها تساهيل من رب العالمين واغلب الحرريم اليوم ما يولدون الابالطلق الصناعي وبعضهم ما تدري يحطونه بالمغذي
انا مجربته ويعطوني اياه لاني الطلق عندي بارد مره يعني اروح للمستشف وانا مادري انها ولاده ويلقون الرحم فاتح فيعطوني طلق هو يالم بس زي الطبيعي والدكتور شرح لي يقول نفس الطلق الطبيعي لانك ما جربتتي الطلق الطبيعي فتقولين يوجع لو جربتيه حيكون نفس الالم وبالنسبه للمسكن اذا انتي طالبه يعطونك يا كمام يا ابرة ظهر حسب طلبك
وبصراحه انا عطوني الطلق الساعه 9 وولدتت الساعه11
والله يهون عليك يا قلبي لاتخافين ولا تفكرين كثير وكلي امرك لله

[أرنوبة]

يا قلبي وكلي امرك لله ولا يتعلق قلبك بكلام الناس ولا الدكاترة
والله لا يضيع لك تعب وتفرحين بشوفة ضناك بين ايديك سليم معافى
انا اخذته الفرق بينه وبين العادي انه اسرع وعشان كذا يحسونه اقوى
يعني مرات الطلق بارد والفترات متباعدة بس الصناعي قريب من بعض
اكثري الدعاء والسجود واللجوء لله وقراءة القرآن وتوكلي عليه لانه هو اللطيف الخبير الله يقومك بالسلامة وتبشرينا بولادتك السهلة الميسرة يارب

[سمو الاميره]

مادري انا ماجربت بس ماقصدي اخوفك بس وحده توه والده قالو لها طلق ويم حاولت ماقدرت حولوها قيصري يعني عباره كانها ولدت مرتين لو كانو ولدوها من البدايه قيصري كان فكوها من الالم بس انا انصحك سوي ابرة ظهر هي اوجاعها متقاربه ورى بعض يعني مافي فرصه تردين نفسك بس هي نفس اوجاع الطلق الطبيعي مثل ماقالت الاخت وهي تشبه الطلق يوم خروج الراس يكون ورى بعض ويطلع وتولدين اسرع من الطلق الطبيعي هذا على حد وصف قريبتي بس ربي يسهل عليكي وبالنهايه كله وجع بس اذذا تقدرين سوي ابرة ظهر وفكي روحك

[ام رتيل]

الله يسهل عليك وتقومي بالسلامه ياااااارب

[وجودي]

الله يسهل عليك يارب

توكلي على الله وحده

اكثري من الاستغفار والصلاه والدعاء والصدقه

[حنان 1985]

السلام عليكم
مشكورات خواتي الله يحققلكم الي في بالكم
ويوفقكم. ولله ارتحت بعد كلامكم.

مشكورات حبايبي

[شذى الايمان]

الله يسهلك يارب وتقومي بالسلامه ويفرح نظرتك بالذريه الصالحه

اختي انا جربته نفس الطبيعي عادي مايفرق عنه اخذت تحميلتين وحده الصباح اول مادخلت للتنويم ولاسوت لي شىء بس فتحت الرحم والثانيه الساعة 12 باليل ومن بعدها بداء الطلق والحمدلله بعد الفجر وانا الحمدلله تيسرت ولادتي من فضل الله ..دعواتك لي ان يسرلي ولادتي الجايه ويرزقني مولود طيب متعافي من عبدالله الصالحين

[ام النوني]

لين حبيبتي لاتخافين ولاشي انا مااولد الا بطلق صناعي لان طلقي بارد وياربي لك الحمد كلها سهاله من رب العالمين وترا الطلق الصناعي نفس الطبيعي بالضبط بس الفرق ان الصناعي يكون اسرع ،،قولي اميييييين الله يرزقج بالولاده الميسره ولاتخافين ابد ترا مافيه شي يخوف