طلاقي سبب جارتي

[القلوب الجريحه]

صباح الخير
انا الصراحه بزف لكم خبر ماكنت متوقعه اقولها اصلا في حياتي
المهم
انا ناويه اطلق من زوجي لانه خاني مع جارتي المطلقه بالرسايل والمكالمات
وانا كشفته
ليش كذاوانامقهوره منه وناوي يتزوجها
الي قاهرني عندها ولد عمره 16سنه الكبير والصغير 11سنه وعندها اربع عيال بالي ذكرتهم
ترجيته يتركها وحبيت على يدينه عشان يتركها قال خلاص عطاها كلمه والي قاهرني تونا ناقلين الى بيت جديد وكل شي جديد
انا مقهوره منه يمكن عمرها 34 وعندها عيال وانا الصغيره عمري 23سنه شورو علي وللمعلوميه الي بيصير طليقي يحب يقارني باي احد والي يقهر ولد عمي والي يقهر عشرة ثمانية سنين تروح في لحظة خيانه
والي يقهر اهله عارضوه والناس لاموه الا اصدقائه وباقي متمسك فيها
حبيت تنصحوني وش اسوي
وللمعلوميه انا سليمه وهو سليم وصار بينا
كم حمله لكن الله سبحانه مايثبت وهو مو خذاها عشان الخلفه لانه حبها
ابيكم تنصحوني وكأنك خضتي التجربه وبعيد الشر عنكم
لان مايحس فيني الا الي ذاقها
والسلام ختام

[شموسه]

اسال الله ان يسخره لج

خلي يذوق فراقكج علشان يرجع لج

مااقصد انج تروحين عنه لا بالعكس

اقعدي في شقتج وخلي المشاكل تجيله من اعيالهاا

يمكن ربي يهديه ويرجع لج بروحج

اذا هو مصمم خليه
وانتي حاولي مره ومرتين وثالثه

وقوليله صل صلاة الاستخاره ارقيه

وشغلي في البيت سورة البقره 3 مرات كل يوم
وحاولي تشربينه ماي مقري عليه الايات الرقيه الشرعيه

اخاف انه مسحور ياعمري انتي
توكلي على الله والطلاق مو حل

اشكثر صارت هالسوالف وبالاخير رجع لزوجته ....

[سمار]

بصراحه ماأدري وش أقول من شدة الصدمه لمن شفت مواضيعك تذكرتك وماتوقع بيوم تكتبين اللي كتبتي والله لايحطنا بهالمواقف أبداً
أفضل حل تستخيري لأن الله وحده هو اللي بيدلك على الطريق الصحيح بكل أمورك
ولو جينا وتكلمنا من ناحية الفرص فالعمر قدامك طويل لو فكرتي تتطلقي وتعيشي تجربة زواج ثانيه بما إنك بهالعمر والحمدلله ماعندك عيال... ولو من ناحيه ثانيه بنقول لاتعطينها فرصه تاخذ اللي لك حتى لو أغتر فيها في البدايه فصدقيني مع مرور الوقت حتى لو بعيد راح يبدا الشك بينهم بما أنه كلمته فراح يفكر أنها كلمت غيرها وبتتزعزع الثقه بينهم
ماأدري إذا أشجعك على الطلاق او لا لأني فعلاً محتاره ومصدومه في خيانة الرجال وسهولتها عندهم
عزيزتي لو تشوفي أنه فيه ولو حاجه وحده تستاهل أنك تنغصي حياتها معاه علشان هالصفه فيه فلا تتركيها تاخذ الفرصه وتحرمك منه
وإذا تشوفي أنه مايستاهل أي تضحيه بعمرك وبشبابك وبكل ماعندك فأتركيه بدون أدنى حسافه أوندم عليه وأدعي أن ربي يعوضك باللي أفضل منه فمثل ماقلت لك العمر بإذن الله قدامك طويل
وعمرها بإذن واحد أحد قصيييييير
لاتضيعيه على شي مايستاهل وصدقيني زي ماكان يقارن بينك وبين أي أحد وأنتي بزهرة شبابك
أجل هي وش راح يسوي معاها وهي بهالعمر أنا ماأقصد العمر نفسه بس أقصد الصفه هذه عند زوجك وأستخدامه لها معاك

أوقات وأنا أسترجع كلامك أستغرب شلون كنتي صابره على مقارناته وأساليبه وليش ماوضعتي لها حد

أعذريني بس زي ماقلت الإستخاره أفضل حل وبإذن الله ربي يكتب لك اللي فيه الخير
وأستشيري أي أحد من أخوانك وأطلبي رأيه كرجل رزين وعاقل وعارف شخصية زوجك وأسأليه إذا يشوف أن زوجك يستحق أنك تضحي وتعيشي معاه أو مايستحق خاصة بعد كل تصرفاته وتعامله معك مو بس قصة الخيانه مو كأخ





وعلى فكره يمكن تفيدك هالقصه بس وحده من قريباتي حصل لها نفس اللي صار لك مع إختلاف بسيط أنها مو جارتها بس كان يجيبها للبيت
ورفض يتخلى عن الخويه علشان الزوجه وطلق قريبتي اللي هي بنت عمه
بس الله سبحانه وتعالى عوضها بزوج يشوف الدنيا بعيونها الله لايغير عليهم


الله يوفقك ويرعاك

[#عيــ الجوريه ــون#]

هلافيك ياختي ،،

إنتظري لاتطلبي الطلاق ،،خليك عند اهلك الين يرجعك وهو نادم على فعلته ،،أو أجلسي في بيتك ،،

حتى لو تزوجها كلها نزوه وبعدها بيطفش مدامه يقارن ،،شي في النفس ،،وعيالها كبار مو صغار ماراح يخلونه يرتاح هو وأمهم ،،

أو خليه يكتب لك البيت الي ساكنينه أو شقه منه ،،شغلي مخك،،لاتروحين وتتركينه لها على طبق من ذهب ،،،

والله يعينك ويصبرك ويقويك عليه ،،

[القلوب الجريحه]

انا احس بقهر منه ليش تركني بهاسهوله
ليه نسي عشرة ثمانيه سنين بلحظة نزوه
هو الحين يطلب ويترجاني ارجع لبيتي
وكما تعرفون هو ولد عمي قبل يكون زوجي واخوه بيتزج اختي في شهر 10 وهو شكله حاسبه لان زوجته الثانيه عندها عيال كبار وماراح تستقبل اهله لان شققنا الي في العماره صغيره فيقول وهو عارفني ماراح اترك عمي بدون ضيافه وهو يعرفني كريمه وبنت اصل وهي مو مجبوره تستقبلهم لانها مدرسه وتصرف على نفسها وعيالها والايجار وانا ما الومها اذا مااستقبلتهم انا افكر بطلاق الصراحه واسال الله العظيم ان يعوضني بالي احسن منه واذا ما تزوجت عادي والافظل اكون خادمه لوالدي لاخر عمري بس ادعولي اتجاوز المصيبه بصبر وقوة ايمان
وشكرن على وقوفكن جنبي الله لايحرمني منكم

[doody]

يااااعمري الله يعينك ويصبرك

لاتستعجلي خليها على ربك وياااارب يكتبلك اللي فيه الخير
يااارب يندم ويندم ويندم وهيا حسبي الله عليها الله يردلها اللي سوته فيكي باغلى ماعندها
عليكي بالدعااااء والاستغفاااار وربي معاااااكي

[سموة الشوق]

الله يهون عليك حبيبتي

[ام هادي1]

الله يصبرك ويقويك ... بس نصيحتي لك لاتطلقين منه ...ترى جارتك راح تنبسط اكثر واكثر
خليك جالسه على قلبها لاتخليها تتهنى فيه... وانتي خليك ببيتك وصدقيني هي فترة راح ينبسط معاها وبعدها راح يحس بالفرق..
وهي مثل ماقلتي مدرسه يعني تروح وتجي وعايشه حياتها... وانتي جالسه ببيتك ومتفرغه لزوجك...
خليك ببيتك ولا تهدمي زواجك وعشرة عمر 8 سنوات بسبب وحده ماتستاهل .. انتي توك صغيره ومو حلو انك تكوني مطلقه وحزنت عشانك والله لانك مثل عمري 23 سنه..

ومثل ماقلتي هي لحظة نزوه وراح تزول ان شاء الله.. واختك راح تتزوج اخوه وراح تقوى العلاقه بينكم صدقيني ... لاتطلقي يااختي وتتركين زوجك لوحده ماتستاهل
وربي يوفقك ويسهل دربك غلاتي ..

[حبيبت حبيبي]

البنات ما قصروا اضيف رايي لهم
لا تستسلمين بسهوله تهون عليك 8 سنين من عمرك !!
اذ هو ما طلق انتي لا تطلبين الطلاق ولا تنسين انك الصغيره يعني بيجيك وهو ندمان
بس لا تفتحينلها مجال تاخذ زوجك بكل سهوله
مهما كان هذا اخذ من عمرك 8 سنين وابد مو حلوه كلمت مطلقه حتى لو تزوجتي بعدين باخذين على حرامه ولا كبير في العمر وحتى لو جلستي عند والدينك بيجي يوم ويروحون عند ربهم
فكري عدل
ولا تستسلمين
ربي يوفقك وشدي حيلك خليك قويه ازمه وتعدي
ويمكن مسويه ل زوجك سحر لا تستبعدين
في امان الله

[ماﺀ السماء]

انتي قلتي حطي نفسك مكاني انا لو مكاااانك
كااان خربت الدنياااااا فوق راسهم الاثنين و
عذبت زوجي وذوقته الويييييييييييييل قبل لا
اسيبه واتركه مثل ما رماني وارميه مو اقدمه
على طبق من ذهب لامثال هالحرمه الخبيثه
الله لا يبارك لها كل اللي تسرق زوج غيرها

اعذريني انا عصبيه شوي اتنرفزت من القصه
لا تتطلقي بس عذبي زوجك خليه يتمنى رجوعك
استغلي نقاااط ضعفه لا تقعدي تترجيه بضعف
خليه يرجعلك وارجعي انتي فكري واختاري اللي
يناسبك
اسال الله انو يعوضك باللي خير منه