قصة ولادتي بحبيب قلبي//مروان//

[ملكة الغربة]

السلام عليكم ورحمة الله وبركاته

كيفكم يا نفافيس ويا كراريش

احم احم انا صرت نفوسة نحيفة ههههه

الحمد لله ولدت يوم الخميس 18-8-2011......الساعة 10:25 ص بغرفة رقم 6 خخخخخخخ

مو عارفة كيف ابدأ.....بس اللي بعرفه اني كنت حامل وخلفت>>>ههههه
وهاد احلى شعور بالعالم

وبما اني هلأ رضعت ابني ونيمته وزوجي مناوب......يالله نبدأ بالقصة الحلوة

الحمد لله حملت بعد زواجي تقريباً ب 3 شهور وكان وحامي خفيف كتير.....وبعد 4 شهور كشفنا وحكت انو ولد....زوجي طار من الفرحة لانو نفسو يكون البكر عنده ولد حتى يدير باله البيت ويمسك اخواته هههههه
ومرت الشهور بسلامة لحد ما وصلنا للشهر التامن.......حكتلنا الدكتورة انو معه سوائل بالرئة وعملنا كشوفات بشكل مستمر بالبداية زادت وقالت احتمال نولدك بكير
......وكنت بس ابكي.....بعدها حكيت لازم استغفر وادعي "وما احط الحزن بالجرن"
والحمد لله بعد اسبوعين خفت السوائل.....وبلشت تخف تدريجاً لحد ما راحت وقت الولادة....الحمد لله.......""يا بنات الاستغفار رهييييب"

المهم خليني احكيلكم قصتي بالتفصيل.....
موعد ولادتي ب 1-9-2011
وانا كنت حابة اخلص التاسع.....حتى ما افطر برمضان
بس اغلب صاحباتي وقريباتي خاطبين واعراسهم بعد العيد.....قلت ازا ولدت بالعيد ما رح احضر الاعراس لأنو انا عايشة ببلد تاني لحالي ولازم اقل شي بعد اسبوعين من الولادة اسافر.....حتى الامور تكون تمام......
وبلشت وسواويس النسوان تدور براسي...صار جلدي يحكني لازم اشوف العرايس خخخخخ

حكيت لزوجي انا زهقت من الحمل شو رأيك اخلي الدكتورة تعمللي توسييع.....حكالي شو يعني؟؟؟؟؟؟
وقعدت معه قعدة وفهمته.......وعالسريع سألني....يعني امتى بشوف البيبي؟؟؟؟؟؟؟>>>>هاد همه وانا همي الاعراس ههههه
قلتله بالكتير اسبوع
حكالي اوك.....قلتله بس قبلها بستخير
وكان عندي تاني يوم موعد......وعأساس دكتورتي تكون موجودة.....وبالصدفة عالساعة 9 ونص بعد الصلاة بتتصل فيي الدكتورة وبتقلي انها بكرى مو مداومة تغير برنامجها وهي الليلة مداومة ازا كنت بحب اجيها بالليل
قلتلها:دكتورة بصراحة انا زهقت بدي اخلف
حكتلي طيب تعالي وبعملك تحريض......واااااااو طرت من الفرح وزوجي طار اكتر مني>>>ههه
كملت صلاة التراويح واستخرت ورحت رتبت اموري وتحممت وانطلقنا عالمشفى......كانت 11 بالليل
عملوا كشف وتخطيط......وبعدها اجت الدكتورة وكشفت وعملت التحريض.....كان بيوجع بس مو كتير حسب ما حكوا البنات......قالتلي مفتوح عندك 2 سم ولمست راس البيبي نازل بالحوض......قالتلي بالكتير اسبوع بتكوني والدة.......بس اهم شي تمشي& جماع يومي& تدليك الحلمات كل 6 ساعات
قلتلها من عنوني يا ضو عيوني
مشينــــــــــا
رجعنا عالبيت وزوجي عنفس السؤال>>يعني امتى بشوف البيبي؟؟؟؟؟......هيهيهيه
تاني يوم صحيت ورحنا موعد الصورة ورجعت نضفت البيت ولما كنت انظف سيراميك الاراضي حسيت شي نزل مني
رحت الحمام ولقيت السدادة.......فرحتي عبت خدودي ناديت زوجي وفرجيته وخلاني احكي مع الدكتورة......حكيت معها قالتلي خلص ولادتك هاليومين اي شي بصير معك خبريني
زوجي سألني السؤال:يعني امتى بنشوف البيبي؟؟؟؟؟هههههه
وبالليل مشينا بالمول....بس مشي كزابي.....قضيناها بالملاهي والمطعم بس زوجي ما عجبه المشي قلتله وعد غير امشي بالبيت تحت المكيف ابردلي........صدقني ورجعنا البيت وما مشيت ههههه
قبل ما انام حطيت نص قنينة زيت خروع بكاسة عصير وشربتها....
صحيت تاني يوم شوي ممغوصة....زوجي راح دوامه مناوب 12 ساعة.......بعد ما طلع رحت الحمام عالسريع.....الخروع عمل مفعوله "اسهال عجيب"
رجعت نمت لل11 وصحيت كمان عمغص وفتت الحمام على اسهال
ورحت كملت يومي متل اي يوم......فتحت النت وحكيت مع اهلي وقلت لإمي تحجز تذكرتها عبكرى....وبلشت تيجيني مغصات وينزل مني نقط دم.....قلت اكيد هاد طلق.....وصرت اتمشى بالبيت والمسبحة بإيدي واستغفر على نية تيسير ولادتي
وكل شوي زوجي يتصل علي واحكيلي المغص عم بشد.....لحد ما اجى وقت الفطور.....افطرت لحالي وفجأة اجتني مغصة قووووية
قلت خلص يا بلحق حالي يا ما بلحق>>>>بكرية مصدقة حالي هههههه
واجى زوجي عالسريع ورحنا المشفى.....بس المشكلة انو المغص اختفى اختفى......عملتلي تخطيط وكان الطلق صفر 0000 ههههه
وقتها حسيت حالي قد النملة....جننت زوجي بالطلق تبعي وبالاخر ما في طلق.......طبعاً تنكدت.....ليه راحت المغصات اللي كانت تيجي.....حكتلي القابلة لا تيجي الا ازا كان الام منتظم او يصير نزيف او تنزل مي الراس
تمشينا شوي حولين المشفى
ولا تنسوا سؤال زوجي:يعني امتى نشوف البيبي؟؟؟
وكانت نفسيتي مسكرة وتخانقنا عإسم البيبي لأنو لسى ما كنا مقررين......
روحت البيت وكملت على قنينة الخروع.....وشربت ملعقتين ماء ورد....وكاسة يانسون
وما سهرت مع زوجي صرت ابكي واحكيله بدي انام.....رحت نمت
وعالوحدة صحيت على مغصة قووووية ونمت.....وصارت كل شوي تيجيني مغصة قوية وارجع انام.......ما اهتميت عبالي متل اليوم اللي قبل.....المهم صحيت عال4 عالوجع ورحت الحمام ولسى ما كنت عارفة انو طلق......صرت احسبله كان كل 6 دقايق وبيووووجع
قلت يمكن طلق
وضليت عالحالة لنص ساعة صحيت زوجي وانا ببكي من الوجع.....قلتله خلص وديني المشفى مو قادرة اتحمل.....حكالي بس لا يكون متل امبارح....قلتله لأ هاد غير قوم صلي ونطلع.......وانا إيدي عقلبي لا يصير فيي متل اليوم اللي قبل وكل ما تيجي طلقة احمد ربنا.....وركبنا السيارة وزوجي يسألني متاكدة وانا خاييييييفة
لحد ما اتأكدت لما اجتني الطلقة عباب المشفى.......قلت اكيد ما بتوهم
>
>
عفكرة الطلق عادي متل وجع الدورة بس اقوى وبيجي كل 4-5 دقايق ومدته نص دقيقة......يعني بس تخلص الطلقة بعقد اضحك واحكي مع زوجي
واول ما دخلت القسم كلهم يطلعوا علي....لأنو نفس ممرضات الشفت اللي كنت عندهم قبل بيوم
متل كأنهم بيحكوا شو جابها هالكزابة خخخخخخخخ
وانا احكي يا رب يكون طلق وما اطلع متل الصغار
حطوني عالتخطيط والحمد لله عندي طلق قوي كان يوصل 113


فاصل ونواصل
ابني عم بيتمطمط
>
>
>
>
>
رجعنا
ايد بتكتب وايد بترضع

المهم حكولي فيييييي طلق واجت الدكتورة وكشفت علي
حكتلي ما شاء الله 6 سم......وزوجي بيشتغل بنفس المشفى بالعمليات وكان مداوم...... راح يعمل أوراقي وانا ودوني على غرفتي اللي كان رقمها 6 ههههه
وكانت الغرفة اللي جنبي وحدة بتولد وهربت وصرت امشي بالكارادور......وكل ما تيجي الطلقة امسك بالحيط وبعدها تروح وارجع امشي......ولما سمعت صوت البيبي رجعت عغرفتي قلت اكيد اللي جنبي ولدت.....
وصرت اكتشف الغرفة.....زهقت ولا حد فات عندي.....اتصلت بزوجي وقلتله زهقت تعال سليني....واجى وانا كنت نايمة عالتخت كل ما تيجيني طلقة اقوم وامسك براس التخت>>>>ليه ما بعرف بس كنت ارتاح بهالحركة.....

وضلينا عالحكي تقريباً نص ساعة.....لحد ما زوجي راح نادى وحدة تشوف وضعي......اعطتني الكمامة في مسكن....قالتلي شوي وبتيجي القابلة تبعتك....وصرت كل ما تيجي الطلقة اشفط....بس عالفاضي ما سكن شي
وزوجي بيحكيلي كنت مفكر الولادة اكشن....قلتله استنى شوي وبتشوف الاكشن
ا
جت القابلة....وبلشت تجهز الامور وتعرفني عحالها...واجت دكتورتي تتطمن علي مع انها كانت بالعيادة بس اجت مشاني.....حكتلي خلص خلينا نكشف.....ما شاء الله 9 سم....انا ما صدقت من الفرحة...حكتلي بدي افتح المي....يااااااااي شو دافية...بس بعدها اجت طلقة وما سكتت ورا بعض وزوجي يحط الكمامة عتمي وانا خلص مو قادرة اتحمل....وانادي عليه وامسك بقميصه كنت بدي اهرب هههه
وبلشت المغامرة الحقيقية
زوجي عجنبي اليسار والقابلة تحت وفي وحدة تستنى البيبي يطلع
وحكتلي كل ما تيجي طلقة امسكي فخادك بايديكي وارفعي حالك وشدي كأنك تتبرزي.....ولما تروح الطلقة ارتاحي
وانا مطيعة سمعت الحكي

وتيجي الطلقة واعمل الحكي وزوجي يرفع راسي....وكل شوي تحكيلي يالله يالله شطورة هي الراس واضح وتبلش تلف
يمكن نص ساعة واحنا عالحكي هاد....وكل ما تخلص الطلقة زوجي يبوس ايدي ويمسح راسي ويدعيلي
اخ اخ من طلعة الراس.....حسيت حالي ما رح اخلف
وكل ما اشد تحكيلي هي الراس يالله شدي اخر مرة وبتخلصي.....بس طلعوا بياكلوا بعقلي حلاوة ههههه
حكيت لزوجي احكيلي الصراحة الراس طلع ولا لأ
حكالي والله طلع وخلتني القابلة ألمسه...والطلقة اللي بعدها نفس الشي قالتلي ازا مو مصدقة بقصلك من شعره
قلتلها لأ كملي......طبعاً القابلة حكتلي من اول انها رح تساعدني وما تشقني......بس من الوجع قلتلها مشااااان الله شقيني بس ما قبلت
وطول الوقت تحمس فيي
على قولة هي الراس هي الراس
وبالفعل طلع نص الراس وانا تعبت خلص
وزوجي يشجع فيي.......بحكيله انتو بتمزحوا معي الراس ما طلع
ويحلف انو الراس طالع بالاخر فتح الكاميرا وصوره.......
وفرجاني الراس
انا وقتها تشجعت
ويمكن بعد 6 دفعات طلع الراس ومجرد ما يطلع الراس خلص الجسم بيطلع بسرعة
وشفت البيبي استغربت.......الكل الوجع راح
الاحاسيس والمشاعر عندي تجمدت
مو مصدقة عيوني......اصلاً انا لهلأ مو مصدقة
اتصلت بإمي وخبرتها وتفاجأت لأني ما خبرتها وبعدها مسحوا جسمه ولبسوه واعطوني ارضعه
شعووووور غريب بيجنن
الحمد لله كانت الولادة ميسرة يعني دخلت عالستة وولدت عالعشرة ونص الا خمسة

بس اللي شفته انو الطلق اهون بألف مرة من طلوع الراس
يعني لازم انتي وشطارتك بالشد......الحمد لله كلهم بيحكولوا زوجتك كتير ساعدتنا وما غلبتنا خصوصاً انها بكرية وزوجي رفع راسه فيي هههههه
واجت الدكتورة لقت عندي شق من الشد وقطبتني 3 قطب....
والحمد لله رب العالمين على هالنعمة

وسميته مروان على اسم ابو زوجي
بس لا تفكروا غصب عني لألألألألألأ
بخاطري وافقت ههههههههه

بعد ما ارتحت وتغديت رحت اتحمم......لقيت وجهي كله نقط حمراء انصدمت من الشكل
ناديت القابلة وسألتها
قالتلي لا عادي هاد من الشد توسعت عندك الشعيرات
وهلأ راحوا الحمد لله

ممممممم نصيحتي الكم يا حبايب
ديروا بالكم عالخياطة......وحالوا تتمدوا قد ما تقدروا
الولادة سهلة وصعبة بنفس الوقت وكل وحدة تختلف عن التانية.....لا تسمعي لحكي البنات.....اللي بتكون حابة تشوف ضناها بتكون مستعدة تشد وتساعد بالولادة قد ما تقدر
ولا تصرخي......الحمد لله انا ما صرخت نهائياً

ومبااارك علي الصبي

وعقبال كل الحوامل....... وخصوصاً حوامل شهر رمضان


بالنهاية زوجي اجاه شد عضل لأنو هو اللي ساعدني بالرفع والشد
والاحلى من هيك انو حس فيي كتير وحكالي انو ما في حمل من هون لسنتين اقل شي.....لازم تآخدي راحتك هههههه

ما شاء الله علي حاسة حالي كتبت كتير مع اني حكيت المختصر هههههه

يالله بنات باركولي

[سكـــر ناعـــم]

ههههههههههه ملكه والله انتي نهفه .>>هع هع هع بردهااا خخخخ

بس بجد استغربت منك وزوجك يصور راس البيبي وع تعرفين انا وقت ولادتي نهااااائي ماطالعت لتحت ولا شفت شي بس البيبي يوم حطوه بصدري خخخخخخخ...

شي ثاني كلامك صح الولاده تختلف من وحده لوحده أنا أشووف ان الولااده أحسن بمليوون مرره من الطلق يؤؤؤؤؤؤؤؤؤ لاتذكررروني هع هع ... وترا طلوع الراس ونااسه هع هع هع...

واهــم شي .. ألف ألف ألف ألف مبرووووووووووووووك ولادتك والحمد لله على سلااااااااااااامتك وسلااامة مروان وان شاء الله تشوفيه عريس ربي يحفظه لك ولابووه ...

[kingwow]

الف الف الف الف مبرووووووووووك يا عسل والحمدلله على سلامتك وسلامة مرواااان الله يحفظلك اياه ويجعله بار فيكي وبأبوه

[om aseel]

ماشاااء الله ولا حول ولاقوة الابالله الف الف مبرووووك ياااقمر يتربى بعزك ودلالك ياااااارب الف مبروووك.....|

[الغيوض]

ملكه
الف الف مبرووك يتربى بعزك يارب
قصتك كتير حلوه اهم شيء مافيها دراما مرعبه
والحمدالله عسلامتك...

[أم ح ــنونـہ]

ملووووكه يا قمر
مبرووووووك يا عمري
والحمد لله على سلامتك وسلامة النونو
ويتربى بعزكم ان شاء الله ^^
والله قصة ولادتك ريحتني كتير ما شاء الله
وعقبالنا ياااااارب

[rooraa]

ما شاء الله الف مليوووووووووووووووووووووون مبروووووووووووك
يترى بعزكم ودلالكم يارب

[روريتي]

ألف ألف الحمدلله عسلامتك وسلامة البيبي

وعقبااااااااااااااااالي يارب اولد اليوم قبل بكرة

ويارب تيسر ولادة كل حامل

ماشالله ولادتك كانت ميسرة..عقباااااالي وعقبال كل حامل

[تعبنا نشرب الغربة]

مبروووووووووووك ملكة الله يحفظه لكم ويبارك لكم فيه
بس اللي سويتيه مغامرة ليه تدخلين زوجك معك بكشك الولادة ؟
أنا مستحيييييل اخليه يدخل لإني أقرف من نفسي ذاك الوقت كيف لو زوجي معي يمكن مااولد من الأحراج ههههههه

[ملكة الغربة]

الله يبارك فيكم جميعاً

مستحييييل اولد من غير زوجي.......ما بعرف اعمل شي بدونه
وازيدكم من الشعر بيت
كمان كان مشرف عالخياطة ههههههه
وبيعرف مكان القطب اكتر مني