كيف نجمع بين العباده والاعمال المنزليه في شهر الخير

[ملكه بعيون زوجي]

السلام عليكم ورحمة الله وبركاته
اخواتي الغاليات اقترب شهر رمضان (اللهم بلغنا رمضان)
اْرجو من الاخوات المشاركة باقتراحات لاستغلال الوقت الاستغلال الامثل والجمع بين المصالح ,قد يكون الامر سهل علي الفتاة , ولكن قد يكون شاق علي الزوجة والام والحامل , وارجو ان تتضمن الاقتراحات الاتي:

-انسب الاوقات لاعداد الطعام للتفرغ التام للعبادة خاصة في اوقات الذكر والطاعة
متل بعض العصر الذي قد يضيع من بعض الاخوات لانشغالهن باعداد الطعام قرب المغرب
-افكار لاطعمة سهلة لا تاْخذ مجهود ولا وقت في الاعداد
- طرق سهلة لتنظيف البيت ومحاولة الحفاظ عليه نظيفاً
- افكار لتنظيف البيت قرب نهاية رمضان (ارى البعض يضيعن العشرة الاواخر في التنظيف )
-افكار لاطعمة للاطفال ممكن الاحتفاظ بها في الثلاجة تكون جاهزة للاطفال (عندي طفلين الاول سنتين وشهرين والثاني عشره اشهر يعني الله الله بالاكل المناسب )
- بعض الامهات يعانون من عدم انتظام نوم اطفالهم للتفرغ للصلاة والعبادات واعمال المنزل
ارجو ان تتفضل من عندها خبرة باقتراحات
- هل من الافضل ان تستمر الزوجة في برنامج الزينة والاهتمام حتى في ايام رمضان (ارجو التفضل براي من وجهة نظر الشرع لنستفيد جميعاً )
- اقتراح برنامج بسيط للعبادة يتضمن ورد القران والذكر والصلاة المفروضة والقيام
-اقتراح برنامج للعشرة الاواخر لاستغلالها افضل استغلال
- ماهي الاشياء التي من الممكن اعدادها وتجهيزهامن شهر شعبان لتكون لنا عوناً علي استغلال رمضان
ياليت تضعون جدول لتنظيم الوقت في رمضان ( كل وحده تكتب جدولها حتى لوكان بسيط ممكن نستفيد منه )
وكــــــــــــــــــــــــــــــل عــــــــــــــــــــــــــام وانـــــــــــــتـــــــــــــم بــــــــــــــــخـــــــــــيـــــــــــــــر

[P!nk tul!p]

موضوووع مفيييد وفكره حووول نستفيد من الكل

اللهم بلغنا رمضان بصحه وعافيه ولا تشغلنا عن عبادتك

انا صراحه اول مره راح يمر علي رمضان وانا حامل وبكريه
وبكون بالثامن الله يعين

وماعرف كيف راح يكون الوضع

بس مخططه اني راح اجهز لرمضان من قبل
خطة التخزين هههههه

بحاول اغلب الاشياء افرزنها
مثل السمبوسه واي شي ممكن انه يتفرزن

واشوف ان اغلب وقتنا يكون للعباده

وانسب وقت للاعداد الطعام وقت العصر مابين العصر والمغرب بحيث اني قبل المغرب بساعه اكون مخلصه ومتفرغه

والصناف تكون خفيفه وتشبع مو شرط اعبي السفره
يكفي سنمبوسه وشوربه وتمر وعصير وصنف واحد مختلف او صنفين بالكثير

والشوربه ممكن تتفرزن يومين او 3 بالكثير اذا كانت شوفان

وشوربة الذره سهله الطريقه والاعداد
(مويه - وعلبه ذره مهروسه جاهزه -ودجاج مسلوق ومفتت بنفس موية الشربه - شويه ملح وشويه سكر وفلفل ونشا ) تنطبخ شوي 5 دقايق وبالعافيه

السمبوسه صراحه اخذها من محل بجده معروف وحلوو معجناته مفرزنه جاهزه بس احطها بالفريزر وقت احتاجها اطلع كميه منها وانتظرها تفك واقليها او بالفرن

سلطة الشاورما (سهله وسريعه ولذيذه وزوجي يعشقها )
بقدونس مقطع وبصل امريكي مقطع شرائح خفيفه تنحط بالصحن ويرش عليها سماق
الطبقه اللي بعدها بطاطس عيدان ناسيه اسمها بس قديمه تجي بعلبه حمرا تنفتح من فوق
والطبقه اللي بعدها نحط بقدر صغير علبة زباي وعصير ليمونه وملح وفلفل وبهارات وملعقه كتشب وملعقه شطه كريستال وثوم مدقوق ودجاج مسلوق ومفتت وتنحط على نار هاديه يمكن 5 دقايق او اكثر لين تنشف المويه

وتنحط على البطاطس (الشيبس)

والطبقه الاخيره

علبة زبادي فلفل وملح ليمون ملعقه طحينيه ونص ملعقه مايونيز
تخلط وتصب عليها ويرش خبز محمص
وبالهنا


هذي بعض الافكار السهله والسريعه

افضل وقت لتنظيف البيت بعد الافطار للحامل عشان ماتحس بتعب
كل 3 ايام تمسح البلاط اذا ماعندها اطفال

وتكنيس وتمسيح طاولات كل يوم والمطبخ اهم شي والحمام الله يكرمكم مره بالاسبوع او مرتين

والتنظيف العميق بجيب خدامه كم يوم تنظفه لي على الايام الاخيره

انتي تقصدي العنايه الشخصيه والاهتمام
تقدري لو كل يوم 10 دقايق بعد المغرب وقبل العشا تستغلي بشي وقت التنظيف قناع او شي

او مرتين بالاسبوع

القرآن في موضوع بهذا القسم للي حابه تختم بايام معدوده


العشره الاواخر الافضل التفرغ التام للعباده
والبعد عن السووووق

الاشياء اللي تتجهز من شعبان كل شي محتاجته بعد رمضان عشان ماتنزلي السوق بالعشر الاواخر

وبعض الاطعمه ممكن تعمليها قبل رمضان بيوم او يومين وتتفرزن
وتنظيف البيت بشكل عميق عشان ماتتعبي برمضان ويكون التنظيف اسهل عليكي

وكل عام وانتي بالف خير

[لن أيئس]

ربي يعطيكم العافيه وجعلها في ميزان حسناتكم ياااااااااارب


P!nk tul!p تسلمين ياقلبي أفكارك مره حلوه

اللهم اعنا على ذكرك وطاعتك وشكرك وحسن عبادتك ..

وشكرا لصااااحبة الموضوع

[لن أيئس]

نسيت أقولكم أحنا عرس أختي رابع العيد والله ماندري كيف نسوي
حتى الفساتين لسى ماأشترينا ولا فصلنا ..

الله يسهلها من عنده يااااااااااااارب
ان شاءالله ربي يعينا ومايضيع وقتنا في الأسواق وافكار للعرس يااااارب

ادعولنا ياأخوات باالتوفيق والستر والسهاله من عنده سبحانه

[دافئة المشاعر]

طرح مهم ومفيد للجميع
بارك الله فيك وبلغنا اللهم شهرك الفضيل

لي عوده ان شاء الله
خالص تقديري

[ملكه بعيون زوجي]

شكرا لمروركم العطر وردودكم الاروع بس بصراحه تفاجات من الباقين يعني معقول الموضوع مايستحق التفاعل وانا تعبت حتى جمعت الموضوع
على الاقل دعوه او شكر
وبالنسبه لبرنامجي اقوم قبل العصر وارتب البيت ترتيب سريع وبعدين على بركة الله ادخل المطبخ واسوي العجينه للبيتزا او للفطاير او للمنتو او للبف او اي شي ثاني وبعدين العصير واحطه في الثلاجه وابدا بالفول (مهم عند زوجي والحمد لله سهل) وبعدين ابدا الف الفطاير او المنتو او البف اواللي بسويه واسوي حلا للقهوه وقبل الاذان بنصف ساعه اجهز السفره وبعد الصلاه القهوه والحلا وبعدها يروح زوجي يصلي العشا والتراويح وانا اشغل التلفزيون او الراديو على صلاة مكه وارفع الصوت شوي وارتب البيت واسوي ايدام او مكرونه للعشا اذا مازاد شي من الفطور بس اذا زاد كميه كافيه نتعشا منه ونشرب الشاي وبعدين ينام زوجي واروح اطلع من الفريزر اللحم او الدجاج او السمك
وانا اجلس للعباده ساعه ساعتين وبعدها اجهز السحور ونتسحر ونصلي الفجر واجلس ساعه او اقل او اكثر للعباده وبعدين انام

على فكره زوجي اكله خفيف عشان كذا ما اطبخ كثير صنف او صنفين يكفي

يالله يابنات ابغا تجاوب وتفاعل منكم لاني كنت ناويه اكتب لكم وصفات للمنتو والبف واشيا كثييره بس للاسف مافي اي تفاعل

[دافئة المشاعر]

ملكه
حتى لو ماتفاعلو انتي حركي الموضوع
ومع الايام الكل بينسدح هنا
وبعدين ثبت لك الموضوع لـ الشجيع ولووو
ياالله همتك وهمت الجميع وان شاء الله انا معاكم
الله يجزك كل خير

[أم عبدالرحمن السلفية]

انا أول رمضان ح أكون ببيت لحالي فكرت أجيب شغالة ,, لكن زوجي قال ما في شغل كثير طمني شوي ..
وأنا في هذي الايام زبطت الزنجبيل و طحنته وفرزته و كمان ح أبدأ بالمعجنات لو حصلت وحدة تجي للبيت وتسوي ممكن أجيب ما أحب شغل برا كله دسم .
و ح يكون بعد الفجر:
قرآن ثم نوم .. وح أصحى إن شاء الله الظهر وأسوي حلا ع السريع ( كراميل أو خلايا أو كيك , ...الخ) وفي الثلاجه . .... وعبادة
العصر قبل المغرب بساعة:

او أكثر ح أجهز للفطور ( تمر , قهوة , شوربه , سنبوسه , انا أحب فول لكن زوجي لا , وعصير )
بعد المغرب:

تنظيف أولي سطحي و جلسة عائلية .

والعشاء:

تروايح و تواصل مع الاحباب ممكن نت شوي وترتيب البيت و قرآن .
الساعة 3ونص:
أجهز للسحور على حسب الطلب كبسة أو ادام أو نواشف ثــــم أترتب لاستقبال زوجي حبيبي وبعدها أنظف و عبادة,,,,,,,,,,,, ( طبعا وقت راحتك من تعب الشغل خليه للعبادة ,, وأحتسبي الأجر من الله ممكن وانتي ترتاحي تسبحي أو تقرأي قرآن أو تتابعي برنامج ديني مفيد ) وهكذا و طبعا برنامج كل وحدة يختلف على حسب وقت زوجها في العمل ,
و في أيام ح تكوني معزومه أو في مكة أو عند مامتك ح ترتاحي فيها شوي
وأحب أنبه قللي طلعاتك للخارج سوق ماركت .....الخ لانها تآخذ عليك الوقت .
والله كريم ويرحمنا برحمته و يجعلنا من المقبولين والدعاء يا بنات لكل من تحبوا و لجميع بنات المنتدى بالهداية و التوفيق

[وَرْدَة الْقُلُوْب]

السلام عليكم
ماقدر اقو شنو اسوي ما اسوي
خل يجي رمضان والله كريم
كل شي بوقته حلو
وفقرة الاكل الدرجة الثانية ومافي طبخ زيادة
انا عندي الصلاة والقران فيهم اكثر من الاكل والتحضير للاكل
اللهم بلغنا رمضان
وتقبلي مداخلتي البسيطة
وكل عام وانتم بخير

[أم عبدالرحمن السلفية]

ياليت يكون في تفاعل كل مرة أرجع للموضوع أبي أستفيد من تقضية الوقت عندهم كيف ألاقي محد رد ؟!!
أختي ملكة ياليت تعرضي الموضوع على البنات للرد