الله يخليكم ردوا علي

[أسميه]

السلام عليكم ورحمة الله وبركاته
كيفكم ؟؟
والله لكم وووحشه ..
بنات الله يخليكم ولدي عمره شهر وانا ارضعه طبيعي وصناعي (اعطيه بريميم كير) لاني حليبي قليل وما يشبعه ودايما عنده مغص تعب وتعبت معاه لانه طوال اليوم بكاء وصياااااح
وديته المستشفى وقاللي الدكتور السبب الحليب الصناااعي وسالته اغير الحليب ؟؟ قال لا كلها نفس بعض تسبب المغص رضعيه طبيعي
لكن المشكله ان حليبي مرره مايشبعه يظل يبكي طووول الوقت جايع وصدري مايدر

فياليت اللي تعرف ترد ايش اسووي اغير الحليب؟
او ارضعه طبيعي .. لكن ما يشبع
وانا استخدمت كل شي قالوا عنه يدر الحليب بدون فائده ؟

بانتــــــــــــــــــــــــــــــــــــظاركم

[أم البطل]

اعطيه حليب صناعي بالنهار وبالليل رضعية طبيعي,هذا افضل
الله يحفظه لك

[ليتني]

الله يعينك حبيبتي
اول شي غيري الحليب اكيد مايناسب ولدك
وثاني شي عادي اعطيه اول شي من صدرك ارضعيه تالي عطيه صناعي عشان يشبع انا اسوي جذي

ثالث شي اعطيه اشياء تخفف من المغص
عندج ماء الغريب - منقووع التمر - اليانسوون - المرقدوش - الخ
والله يعينك كلها مسأله وقت وتنتهي

[جنة]

غيري الحليب احسن ونصيحتي لج حق المغص عطيه منقوع اليانسون مرتين باليوم