منقوووول... نفاس وتبين تطهرين بسرعه تعالي...

[مس ميرو]

::





بسم الله الرحمن الرحيم

اليوم يا كروشات ووالدات حبيت أفيدكم بطريقتي الي أتبعتها في ولادتي عشان أنظف من دم النفاس بسرعه

وبأذن الله في خلال 25يوم أو أكثر ها تكوني طاهره تماما
انا ولله الحمد في ال27 يوم من نفاسي طهرت تماما وصليت ولله الحمد وأرتحت من دم النفاس
طبعا الي ها قوله لازم تتبعيه تمام وهي عباره عن مشروبات ساخنه وراح تكون سهله مررررره وما فيها صعوبه غير كذا راح تفيدك في نفاسك تماما
راح ابتدي بأول مشروب ساخن
وهو شاي الاعشاب



والصوره تعبر أكثر
شاي الاعشاب عباره عن زعتر ويانسون ومتوفر في السوبر ماركت
ها تاخذي 4 مغلفات من كل واحد وتحطيه في ترمس حافض للحراره



وتصبي عليه الماء الحار وتتركيه 10 دقايق وبعدين تشربيه في الصباح وتخلصي الترمس كله ويفضل يكون معها خبز حااار تاكليه عشان يمسك البطن وما تحسي بالجوع

فوايد ها المشروب.....

ها ينزل الوسخ منك بشكل سريع وكمان الغازات ها تروح منك وراح تسمعي صوت الهواء وهو يطلع منك والي عندها أأأأأأأأأأأمساك راح تنسى الامساك وايامه مع ها المشروب لانه ها يمشي بطنك بسرررررعه

وطبعا ملاحظه مهمه جدا--
أول ما تولدي وتروحي ع غرفتك الخاصه اطلبي من امك او زوجك يحضرلك ها المشروب لانه ها ينزل منك أشياء راح تهبلك وكمان كل الهواء الي دخل وقت الولاده راح يطلع أقسم بالله عجيب وانا جربته اول ما طلعت من غرفة الولاده
غير كذا ها يريح بطنك مرررره

نجي للمشروب الثاني---
وهو قشر الزنجبيل ويا عيني عليه
نحتاج الى

قشر القهوه


وزنجبيل طازج


طبعا هاتخذي من القشر وتطحنيه طحن ناعم وبعدين تاخذي ملعقتين منه وتغليه في ابريق على النار
وتبشري الزنجبيل وتحطيه في ترمس حافض للحراره مثل الي فوق وبعدها تصبي مغلي القشر في الترمس
واتركيه 5 دقايق لين ما تطلع حرارة الزنجبيل واشربيه كله وهذي ها تكون قهوتك
وكلي معاه تمررر
الفايده من ها المشروب
هايساعد على طهارتك بسرعه وغير كذا ينزل المويات الوسخه الي بالرحم وراح تلاحظي ها الشي في الفوطه انه ها ينزل منك مويه لونها بني
ولازم تستمري عليه كل يوم لين ما تخلصي من نفاسك
لانه مفيد ايضا في أخفاء الكرش

نجي لاخر مشروب وأسمه الرشوف
والله يا بنات انه رووووووعه وغير كذا راح يحسسك بالشبع ويمسك بطنك مسسسسسك
ومفيد جدا جدا جدا
وأنصحكم فيه
وهو عباره عن

دخن مطحون


فلفل حار مطحون


حليب


الطريقه
ها تاخذي من الدخن قد بيالة الشاي تماما وتحطيه بقدر وتذوبيه بالماء وبعدين الحليب وتزيدي الماء وتذوبيه جيدا واخر شي تحطي ملعقه فلفل وياسلام لما يكون الفلف كثيررر
مره ها يطلع طعمه خطير وحار وكلنا نعرف فوايد الفلفل في شد المنطقه
وشوي ملح
وبعده حطيه على النار وابدئي في تحركيه واذا حسيتيه ثقل زيدي في الماء لاننا نبيه يصير مشروب
ولما تشوفيه صار قوامه جيد وخفبف وقفي عن أظافه الماء وأتركيه على النار 10 دقايق حتى يغلي جيدا واسكبيه في ترمس حافض للحراره واشربي منه في كل وقت
سواء بالظهر او العصر او بالمغرب
لانه ها يكفيك 4 أكواب تماما في اليوم

وهذي هي مشروباتي الي استخدمتها طوال فترة نفاسي والحمد لله طلعت من الاربعين وانا تمام التمام
وغير كذا طهرت قبل ما اكمل 30 يوم والحمد لله
وقبل ما اطلع من الاربعين تمرخت مرتين عشان ترفع الرحم عندي اذا كان فيه نزول او ميلان

طبعا لا ننسى السفوف واهميته يا بنات والسفوف على الريق وقبل النوم
ولا ننسى كمان أكلاتنا الشعبيه لانها مفيده للنفاس
واهم حاجه انك تطلعي من نفاسك وانت ما فيك خراب او صوت ونكون راضين عن نفسنا
قبل ما يرضى علينا زوجنا
وفي الاخير حبيت اقول انه هذي وصفاتي الخاصه وعن تجربه أقسم بالله وما فيها اي خطوره عليك
نهائيا
واتمنا اكون أفدتكم
وما ابي منكم في الاخير غير دعوه طيبه ان ربي يحفظلي زوجي واطفالي ويباركلي فيهم

واذا عجبكم موضوعي فقيموني

[ام تميم 66]

جزاك الله خير

[كآدي]

الله يخليلك زوجك وعيالك وتعيشو بسعااااااااااااده كل العمر

يارب

[ام حكوم]

يسلموووووووووووووووو والله يوفقك يارب

[ام الغاليه2]

الله يعطيك العافيه
عن جد مجهود رائع
الله يحفظك ويحفظ من يعز عليك