منتديات حوامل النسائية - منقوووول... نفاس وتبين تطهرين بسرعه تعالي...

::

بسم الله الرحمن الرحيم

اليوم يا كروشات ووالدات حبيت أفيدكم بطريقتي الي أتبعتها في ولادتي عشان أنظف من دم النفاس بسرعه

وبأذن الله في خلال 25يوم أو أكثر ها تكوني طاهره تماما
انا ولله الحمد في ال27 يوم من نفاسي طهرت تماما وصليت ولله الحمد وأرتحت من دم النفاس
طبعا الي ها قوله لازم تتبعيه تمام وهي عباره عن مشروبات ساخنه وراح تكون سهله مررررره وما فيها صعوبه غير كذا راح تفيدك في نفاسك تماما
راح ابتدي بأول مشروب ساخن
وهو شاي الاعشاب

http://forum.hwaml.com/imgcache2/hwa...748550_138.jpg http://forum.hwaml.com/imgcache2/hwa...748550_138.jpg

والصوره تعبر أكثر
شاي الاعشاب عباره عن زعتر ويانسون ومتوفر في السوبر ماركت
ها تاخذي 4 مغلفات من كل واحد وتحطيه في ترمس حافض للحراره

http://forum.hwaml.com/imgcache2/hwa...748550_413.jpg http://forum.hwaml.com/imgcache2/hwa...748550_413.jpg

وتصبي عليه الماء الحار وتتركيه 10 دقايق وبعدين تشربيه في الصباح وتخلصي الترمس كله ويفضل يكون معها خبز حااار تاكليه عشان يمسك البطن وما تحسي بالجوع

فوايد ها المشروب.....

ها ينزل الوسخ منك بشكل سريع وكمان الغازات ها تروح منك وراح تسمعي صوت الهواء وهو يطلع منك والي عندها أأأأأأأأأأأمساك راح تنسى الامساك وايامه مع ها المشروب لانه ها يمشي بطنك بسرررررعه

وطبعا ملاحظه مهمه جدا--
أول ما تولدي وتروحي ع غرفتك الخاصه اطلبي من امك او زوجك يحضرلك ها المشروب لانه ها ينزل منك أشياء راح تهبلك وكمان كل الهواء الي دخل وقت الولاده راح يطلع أقسم بالله عجيب وانا جربته اول ما طلعت من غرفة الولاده
غير كذا ها يريح بطنك مرررره

نجي للمشروب الثاني---
وهو قشر الزنجبيل ويا عيني عليه
نحتاج الى

قشر القهوه
http://forum.hwaml.com/imgcache2/hwa...748551_945.jpg http://forum.hwaml.com/imgcache2/hwa...748551_945.jpg

وزنجبيل طازج
http://forum.hwaml.com/imgcache2/hwa...748551_160.jpg http://forum.hwaml.com/imgcache2/hwa...748551_160.jpg

طبعا هاتخذي من القشر وتطحنيه طحن ناعم وبعدين تاخذي ملعقتين منه وتغليه في ابريق على النار
وتبشري الزنجبيل وتحطيه في ترمس حافض للحراره مثل الي فوق وبعدها تصبي مغلي القشر في الترمس
واتركيه 5 دقايق لين ما تطلع حرارة الزنجبيل واشربيه كله وهذي ها تكون قهوتك
وكلي معاه تمررر
الفايده من ها المشروب
هايساعد على طهارتك بسرعه وغير كذا ينزل المويات الوسخه الي بالرحم وراح تلاحظي ها الشي في الفوطه انه ها ينزل منك مويه لونها بني
ولازم تستمري عليه كل يوم لين ما تخلصي من نفاسك
لانه مفيد ايضا في أخفاء الكرش

نجي لاخر مشروب وأسمه الرشوف
والله يا بنات انه رووووووعه وغير كذا راح يحسسك بالشبع ويمسك بطنك مسسسسسك
ومفيد جدا جدا جدا
وأنصحكم فيه
وهو عباره عن

دخن مطحون
http://forum.hwaml.com/imgcache2/hwa...748551_351.jpg http://forum.hwaml.com/imgcache2/hwa...748551_351.jpg

فلفل حار مطحون
http://forum.hwaml.com/imgcache2/hwa...748552_125.jpg http://forum.hwaml.com/imgcache2/hwa...748552_125.jpg

حليب
http://forum.hwaml.com/imgcache2/hwa...748552_675.jpg http://forum.hwaml.com/imgcache2/hwa...748552_675.jpg

الطريقه
ها تاخذي من الدخن قد بيالة الشاي تماما وتحطيه بقدر وتذوبيه بالماء وبعدين الحليب وتزيدي الماء وتذوبيه جيدا واخر شي تحطي ملعقه فلفل وياسلام لما يكون الفلف كثيررر
مره ها يطلع طعمه خطير وحار وكلنا نعرف فوايد الفلفل في شد المنطقه
وشوي ملح
وبعده حطيه على النار وابدئي في تحركيه واذا حسيتيه ثقل زيدي في الماء لاننا نبيه يصير مشروب
ولما تشوفيه صار قوامه جيد وخفبف وقفي عن أظافه الماء وأتركيه على النار 10 دقايق حتى يغلي جيدا واسكبيه في ترمس حافض للحراره واشربي منه في كل وقت
سواء بالظهر او العصر او بالمغرب
لانه ها يكفيك 4 أكواب تماما في اليوم

وهذي هي مشروباتي الي استخدمتها طوال فترة نفاسي والحمد لله طلعت من الاربعين وانا تمام التمام
وغير كذا طهرت قبل ما اكمل 30 يوم والحمد لله
وقبل ما اطلع من الاربعين تمرخت مرتين عشان ترفع الرحم عندي اذا كان فيه نزول او ميلان

طبعا لا ننسى السفوف واهميته يا بنات والسفوف على الريق وقبل النوم
ولا ننسى كمان أكلاتنا الشعبيه لانها مفيده للنفاس
واهم حاجه انك تطلعي من نفاسك وانت ما فيك خراب او صوت ونكون راضين عن نفسنا
قبل ما يرضى علينا زوجنا
وفي الاخير حبيت اقول انه هذي وصفاتي الخاصه وعن تجربه أقسم بالله وما فيها اي خطوره عليك
نهائيا
واتمنا اكون أفدتكم
وما ابي منكم في الاخير غير دعوه طيبه ان ربي يحفظلي زوجي واطفالي ويباركلي فيهم

واذا عجبكم موضوعي فقيموني