استفسار بسيط..حركة الجنين عندي مو منتظمه

[الريم الشارد]

السلا م عليكم ورحمة الله وبركاته

هلا فيكم حوامل عندي استفسار بسيط

انا حامل بنهاية الشهر الرابع وقبل اسبوعين حسيت بحركة الجنين لاكن حركه ممو مستمر يعني اول مره حسيت بحركته كنت نايمه على بطني وبعدها وقف كم يوم
وصار على هالحال مايتحرك الا كل يومين او ثلاثه مره وحده نادر ما احس فيه
وانا مو بكريه هذا الثالث يعني المفروض توضح الحركه اكثر من حملي الي قبل
واحس احيانا بتحجر اسفل البطن مع الم تتوقعون هذا طبيعي؟!

[لوووورا]

حبيتي امر جد طبيعي تو النونو صغير انا جنيني ماتحرك الا اخر اسبوع بالخامس
فالايضيق صدرك والحمد الله لاتنسدحين على بطنك خلاص ودعي الحركه هذي ترى يكتمه ويمووت بسم الله عليه من غير شر يارب
والله يهون عليك
دعواتك لي بتهوين ولادتي واشوف بتني بالف صحه وعافيه

[al-johara]

عادي حبيبتي توه اصغنوون

لاتنامين على بطنج حاسبي

الله يسهل علينا وعليج ويقرر عينج بشوفته

[الريم الشارد]

مشكووورين حبيباتي طمنتوني الله يسهل عليكم وعلي

[kokee]

ليش ما تراجعي دكتوره حتى تضبط الامر ؟

[rose]

ياقلبي هذا طبيعي
تحسي فيها منتظمة بنهاية الخامس
يمكن انت استوعبتي حركاته بدري او اول حركة له كونك مجربة
لكن البكرية ماتعرف هالحركات اللي تقولي عليها
التحجر هو النونو يكون متمركككككككز بمكان مايتحرك
انا بكرية وجربت التحجررررر مرة وحدة وكانت اول شعور لي بانه هو النونو
شي زي الكوووورة محجرررة اسفل البطن
ربي يتمملك على خير

[الريم الشارد]

كوكي .. انا موعدي مع الدكتوره بعد 10 ايام بسالها عن الموووضووع وان شاء الله تطمني اكثر

روز.. يعطيج العافيه على مرورج الظاهر مثل ماقلتي مع انه هالمره بالنسبه لي تاخرت حركة البيبي انا بحملي الي قبل من نهاية الثالث تنتظم عندي الحركه هذا الي خوفيني ان شاء الله خير يارب

[lo0ols]

حتى انا يصير لي زيك ان شاء الله خير يارب