قصتي من البداية مع تأخر الحمل 😊😊 جزء 1

[rawza]

بسم الله
حبيت انا احكيلكم قصتي والصعوبات اللي مريت فيها وانشالله المرة القادمه بدي اكتب شو اللي عملتو بعد نجاح الحمل وكلو بتوفيق الله عز وجل
1
انا كان عمري 22 سنه لما تزوجت كنت بنت مرحة كتير مبسووطه بحياتي كتير ما عندي هموم ولا مشاكل كنت بفكر دايما بعريس المستقبل وكيف رح نعيش حياتنا المستقبلية وكيف رح سكون عنا اولاد
وكنت بحلم كيف بدي ربيهم وادللهم وهيك اشياء ... خطبت خطبة تقليدية لما شفتو ما حبيتو ابدا كنت اتخيل احيانا انو شيطان وبعد معاناه ومخاولات من اهلي انهم يقنعوني وانا ما حبيت ازعلهم حكيت خلص ماشي بعد ما تزوجت اكتشفت ان هاد الشخص حنون وكريم ولطيف وقمة بالاخلاق حبيتو كتير وما ندمت ابدا من هون بدات المعاناه
2
كنت عروسة مرحه كتير اهلو كتير حبوني وانسجمت معهم تماما كنت لطيفة كتير معهم بحياتي ما كسرت خاطر حدا مرت اول 6 شهور الكل بدأ يسهل ليش ما سار حمل واللي بسلم علي بيحكيلي الله يعوض عليك ،. او ليش ما حملتي لهلا احكيلهم لسا بدري مرت الايام وسار النا سنه وانا ما كنت مهتمه كتير بموضوع الاولاد على اساس بدي اعيش حياتي وانا موظفة وزوجي ما بتفرق معو كان يحكيلي لاحقين ما تردي عالعالم
مرو سنتين وبدأنا بالسنه التالته هون حسيت انو لازم يكون عنا اطفال لان الكل كان يسال وفي ناس كتير كانو يحكو عنا انو ما بنخلف او بالمزح يحكو لزوجي شو بدك فيها هي عندك وما بتقدر تخلف بيبي وكتير كلام جارح انا من هون بدأت اتحاشى الناس بطلة اطلع عليهم ما بختلط بحدا لدرجة انو دخلت بحالة اكتئاب لشهرين اضل ابكي نفسي ببيبي كنت كتير اتوجع كتير لما بشوف ناس بعدي تزوجوا وولادهم اعمارهم سنه او تنين كتير شعور بوجع ان تشوفي وحده حاضنه ابنها بيبي وانتي محرومه من اللحظه هاي او انو الامهات يخبوا اولادهم حتى ما احسدهم لانو انا ما عندي اطفال وكتير كتير مواقف بشعه انو لما تكوني بجلسة نسائية ويضلو يحكوا فيها عن البيبي والاطفال ولما تحكي شي بيكلعوا عليك انو انتي ما جربتي على اي اساس بتحكي .. كتير مواقف بتوجع القلب وبتبكي الحجر


3
في السنه الرابعه ههههههههه كانو ناس معينين كل فترة يرنوا علينا يحكولنا مبرووك ! طيب على شوو يحكو سمعنا انو زوجتك حامل ..؟ زوجي كان يحكيلهم ما في منو هالشيكتيير كنت احس زوجي بيتالم بصمت لكن ما كان يعلن انا مرت علي فترة انضفطت من العالم ومن نفسي ومن كل شي لدرجه لما يطلع زوجي على شغلو الف الوسادة واحملها مثل اليبي انو حبيت احس بشعور الام مسكينه انا كتيير كم عانيت من الحكي انا خلال هالفترات رحت لكتيرر دكاترة الكل بيحكي استنوا ما في ولا سبب بيمنع اخر شي قررت اعمل زراعه وانشاله رح اكتبلكم بتفصيل شو صارمعي والاعرلض وكل شي يوم بيوم

الان انا الي 6 سنوات متزوجه وبالفترات الماضية تعبت جسديا ونفسيا كان نفسي احمل طفلي بايدي والله تعبت وانا بانتظر اللحظه كل يوم بس اانام بتخيل عندي طفل وبلعب معو بيتي بارد .. نفسي بيتي يعمر نفسي افرح زوجي ببيبي انا حاسة انو انا بتحطم ببطئ
نفسي ارتاح من نظرات الشماته والعطف اللي بتحرقني ومن الاسئلة اللي بتموتني كل ما اسمع السؤال والله انا بضايق لما حدا يدعيلي لانو بتكون الدعوة بس لحتى يضايقوني ويبكوني بس انا بعمل حالي ريلاكس وعادي واللي من الله يا محلاه وراضية وانا فعلا راضية وصابرة والحمد لله
هلأ انا عندي شي انا متأكده ومتيقنه انو ربي رح يعطيني توم والله كتير حلمت بالتوائم وبحياتي لدرجه لما بفكر بفكر ب 2 توم مو واحد

الزراعه الاولى رحت بكل روح معنوية عالية لكن للاسف نيجاتيف والتانية نفس الشي اما التالته كانت اجنة مجمده رحت وانا متاكده انو رح تفشل يأست وانا رحت حتى ضميري ما يأنبني لبعدين حتى بعد الارجاع رحت للكافتيريا ضليت ساعتين اكلت بسكويت وعصير وروحت عالبيت وعملت فطور واكلت وتاني يوم عملت محشي كوسا وتالت يوم محشي باتنجان وما خليت شي زاكي وصعب الا عملتو ب اسبوعين الانتظار وكنت اشرب مي كتييبير كنت ببالي انو ما رح تزبط خفت أأمل نفسي لو شي بسيط وازعل وانتكس مرة تانية لما رحت المختبر حكولي بوساتيف ونسبة الهرمون عالية .. بكيت بكيت بكيت وخبرت زوجي اللي كان سندي طول الفترة انا الي الان 6 سنوات تقريبا وهلا انا حامل شهر ونص مبسوطه كتير وما حكيت ولا لحد حبيت يمر 3 شهور وبعدين بخبرهم كمان هلأ اللي بيحكيلي ليس ما عندكم اولاد بستمتع وانا برد لانو خلص رح يسير عندي قريبا الحمد لله الحمد لله الحمد لله

[أم الزين]

الله يثبت حملج ي رب

وتشووفينه بين يدينج


ولا يأس مع الحياه

[smile girl]

الف الحمدلله والشكر على حملج
والحمدلله رب العالمين كريم وميكسر بخاطر احد بس هو كلشي يكون بوقته
ويارب تفرحي بالنونو ويكون احلى نونو ويسعد ايامكم
وتكون جيته للدنيا حاملة وياه سعادة غير منتهية

[A..N]

حبيبتي ,,

الحمدلله والشكر يارب ،، الناس ماترحم والله ،،

الله يثبت حملج ويسعدج ويجازيج ع صبرج يااارب وعقبال ماتشوفي ابنج بإيدي بعد ٩ شهور ويااااارب توووووم مثل ماتتمني

[υм вtℓαα]

الناس يادافع البلا ماهي مخليه احد بحالها وغير كذا حاسدين اللي عايشين براحه

اللهم لك الحمد الف مبرؤؤؤؤؤؤك الله يثبت حملك ويتمملك بخير وعقبال ماتشوفينه بين يدينك

[ام فافي]

ماشاءالله تبارك الرحمن الف الف الف مبرووووك حبيتيي ربي يثبتهم ويجعلهم توأم سليمين معافين بكامل الصحه والعافيه باذن الله بتصرين احلى ام

وفككك من الناس عافانا الله منهم مافيهم خير شاطرين بخراب البيوت بسس انا احتقر الناس الي بس مشكلتها تسئل وليش ماصارحمل وليش وليش شو دخلكم اصلا بس شو نقول حبيتيي كل شي من مصلحتنا لربما كسره قلب من هالناس ربي جبر بخاطرك باحلى توأم

[سعاده الروح]

حبيبتي الله يثبت حملك
ان شاء اللة بعد9اشهر تبشرينه بأحلى بيبي

[ρυяỉтч •]

استودعي حملك رب العالمين كل يوم ، وان شاءالله توم ويفرح قلبك
والناس لا تعلمين احد دامهم جروحك وقت الانتظار م يستاهلون تبشرينهم لمن تطلع بطنك بيعرفون وانتهينا
بس اهلك واهله بشروهم اكيد بينبسطون منتظرين هاللحظه من زمان
ربي يتمملك ع خخير يارب

[rawza]

تسلموا حبيباتي والله والله عشت ايام ما يعلم فيها الا الله سبحانو مع اني مبسوطه انا وزوجي الحمد لله كتيير بس خلص بيحبوا ينكدوا علينا

والله فرحت بدعويكم الله يرب يجبر بخاطركم يا رب ويرزقكم ربنا رحيم بعبادو عنجد اللي بيدعي ربنا من قلبو ويلح بالدعاء بيستجيب ربنا الدعاء
رح نزللكم بالتفصيل كيف تمت اطفال الانابيب وشو عملت وكلو بالنهاية باراده ربنا

[nour karim]

مبروووووووووووووووووك الله يثبت حملك ياااااااااااااارب