لااريد الانصيحه فالهم قتلني

[nono11]

السلام عليكم
اهلين بنات ابي نصيحه منكم ونتوا زيي خواتي انا عندي مشكله مع زوجي انا انسانه خلوقه جدا وتخاف الله كثير رزقني الله طفلين ابناء مشكلتي هي مع زوجي انه طول الوقت خارج البيت ولكن تعودت على هذا الشي وتقبلته زوجي احس انه شخص يخاف الله ولكنه ليس ملتزم جدا مشكلتي انه اول زواجي اكتشفت ان زوجي مع علاقه سابقه مع بنات وتركهم بس المشكله انه شديد قووه معي كاني انا الي مسويه هذا الشي الا كان له اي علاقه ابدا وبعد مرور اربع سنوات اكتشفت عن طريق الصدفه بجوله بالرسائل انه مع بنت يسولف وقالت وينك من زمان عنك وش هالقطعه هو الي مرسل لهاا ومسل صوته كاثبات لها انه هو ونفس قصته كنا برا وقالت كيف الدراسه بر انا انسانه على طول وجهته وجلست ابكي من الصدمه انصدم هو وتغير قال هذا واحد اخذ جوالي من اصدقي ولاادريت السالفه كذب ولاصدقت كيف ايميلك وصورتك وتقول وش هالغيبه الصرحه بينت اني مصدقت بس بالاخير تحسفت وقلت خليني اصدق وابين اني واثقه لكن المشكله الشك ذابحني وبموت وكل ليله افرش سجدتي واصيح عطوني حل ارجوكم كيف اتعامل مع الموضوع

[حياتي توأمي]

حبيبتي مثل ماقلتي افرشي سجادتك وادعي ربك الله يهديه ويسخره لك يارب
مافي حل عير انك تدعيله

عندك منه اطفال الله يحفظهم ويهديه لكم

[صابونة وردية]

تكشفين خيانته وتبكين عنده ؟؟؟؟؟؟؟؟/؟؟؟؟؟؟
ليه تحبون تذلون انفسكم وربي كرمكم ؟
انتي ماتبين نصيحه ولا شي بس فضفضه
واحنا خواتك بنسمعلك ونقرا كتاباتك وندعيلك ربي يفرج همك ويسخرلك من تولئ امرك
واسمعي زين لاتذلين نفسك عند الرجال والله يستصغر عقلك وبيعيدها مرة ثانيه بذكاء ازعلي عليه واجهيه عاتبيه صدي عنه اشغلي نفسك باي شي هذي اليومين عنه لما ضميره يحاسبه وصدقيني بيكرهه هالطريق ويرجعلك لاانه بيحس بقيمتك


وترئ اي رجال يكلم بنت وهو متزوج قسم بالله انه يستحقرها وماتساوي غلاة زوجته لكن الشيطان شاطر ولو يبيها صدق تزوجها لكن مستحيل ياخذ وحدة بايعه نفسها يبي العفيفه بنت الاصول ولاعاد تفتحين جواله تكفيييييين ولاتفتشين وراه والله بيجيك المرض كذا انا حلفت علئ نفسي مااشيل جوال زوجي مهما صار ولو يبي هالوصخات اللي بايعات انفسهم ماكان تزوجني وذنبه بيحاسبه ربي عليه

ادعي ربك ولاتشكين لااحد معارفك او معارف زوجك مكن صديقتك او منتدي لكن القراب ترئ يفشووون السررر
وصدقيني بيتغير اذا شافك عاتبتيه وبينتي انك زعلانه منه

[بحــ العيون ــــــــر]

الله يرررررررررررريح خواطركم ويسعدك يارب

[ayato]

الله يهديه اشغلي وقتك معك لاتخلي اله وقت فراغ ابدا

[ام ضحى الحلوة]

يقولون خليها في القلب تجرح ولا تطالعيها تذبح
كلنا مررنا بهذه المشاكل اصبري لاجل عيونك اولادك ولا تكثري التفكير
حبيت اسأل:
يرجع يبات في بيته معك و مع اولاده؟
ما هو مقصر معك في المصروف ولا في البيت(فاهم قصدي)؟
اذا كان غير هيك فلنا حديث ثاني

[Um sara1]

مين في هالزمن مايخون وله علاقات الا من رحم ربي !!

لو كان للخيانة رائحة ماستطعت امرأه العيش مع زوجها في بيت واحد

خصوصا من له علاقات قبل الزواج بنسبة 90% يعود لها ويعيش دور الشخص المحبوب ويبحث عن الحب خارج اسوار البيت لان ذاك الحب الرخيص ماكان يكلفه شي ويقدر من خلاله يمارس الشخصية المثالية الرائعة الجميلة والفارس الوسيم الأعزززب للمعلومية نادر احد فيهم يعترف بارتباطه وانه اب لاحساسه بان هالشي يقلل فرص الاعجاب والانجذاب

اول كانت ايميلات وماسنجر وشاتات الان عشرات البرامج على الجوال يبدى الموضوع بفضول وينتهي بعلاقات وممكن تأثر على حياته الزوجية بدون اي احساس بالذنب لان الرجل مايشوف خيانته ذنب وهذا عيب مجتماعتنا الذكورية حتى لو تششتكي لاهلك بيتضايقون ششوي بعدين يقولون اعتذر واعتبريها نزوة ولا تخربي بيتك والعكس تماما لو كان هذا الخطأ من الزوجة تعلق على رقبتها المشانق النفسيه والمعنوية !!

عشان كذا كثير من الاخصائيين النفسيين والاجتماعيين مايشجعون فكرة ان المرأه تفتش جوال زوجها او تبحث وراءه والموضوع مراح يفرق كثير عادة راح تدب االمشاكل وينكر ويعتذر ويرجع لطريق الي كان ماشي فيه بالمقابل حياتها بتصبح جحيم عاطفي مليء بالشك والاحساس بالحرمان خصوصا اذا كان بينكم اطفال هالشي بيزيد الامور تعقيد

لكن طالما انك اكتشفتي وواجهتيه والان صرتي واثقه انه مستحيل يترك العلاقات كوني حازمه وفعلا مثل ماقالت الاخت صابونة وردية ليش تبكين وتذلين نفسك بالعكس لو بلحظتها مديتي يدك واهنتيه مراح احد يلومك وهو كمان مراح يقدر يقاومك لانه عرف نفسه غلطان

عشان كذا اقولك المفروض عالجتي الموقف من بدايته وماتنازلتي عشان مايتطور ويتساهل بتصرفاته

الان امامك خيارين تستمري معاه عشان اطفالك بنفس البيت وبنفس الوقت تحطي حاجز منيع بينك وبينه الين يعرف قيمتك ويحس بحجم خسارته

أو تبتعدي عنه عشان يعالج الموقف بحكمة ويحدد خط لحياته اما زواج مبني على الاحترام والاخلاص وتربية ابناءه او علاقات محرمة والله اعلم وشش تنتهي فيه

بس ثقي ثقة تامه اي نقاش او مواجهه مراح يوصلك لنتيجة مع شخص يشوف 80% من المجتمع يتصرف مثله واسوأ وللاسف فيه منهم ملتزم ويصلي جماعه وفيه منهم الي ينصح الناس وهو افسدهم وفيه منهم تعدى الاربعين والخمسين وللاسف ماعاد احد يخجل صارو يتباهون فيما بينهم

لكن فكرة الطلاق ابعديها تماما عن تفكيرك لانك الان مسؤولة عن شخصين ولو تقدم لك شخص مطلق او ارمل او كبير بالسن مراح تضمنين انه مايكون مثل زوجك قلت لك احنا بزمن فتن ونادر الي يصون نفسه الله المستعان

[jojo 123456]

البنات ما قصروووو جزاهم الله خير وانتي لا بق تفتشي ورا زوجك 99 من الرجال عيونهن زايغة ويملو من الزواج ومسؤولياته

الله يسخر الازواج ويهديهن يااااااارب

[بلح الشام]

ماعندي اضافة على كلام البنات
مريت بتجربتك وحسيت باحساسك تميت متغيرة عليه سنة كاملة
وهو ماقدر لانه حاس بالذنب وخاف يخسر بيته
فترك كل البنات ورجع لي
والاهم من كذا انه ربعه يحاولون يردونه لذاك الطريق
حتى البنات كانوا يراسلونه ويترجونه يرجع لهم
بس لانه خاف يخسرني ترك كل هالشي
ماحد يبي يخسر حرمته وعياله عشان بنات الشوارع

[nono11]

مشكوره على الرد❤️❤️