ألم الدورة خفيف و أفرازات قليلة

[بسه]

مرحبا
انا لسه جديدة فالمنتدى
انا دورتي مو منتظمة المرة الماضيه كانت 32 يوم فقلت نفسي
احسب لها هالشهر نفس المرة الماضيه يعني بعد 32
الشهر الماضي اخذت كلوميد و ابر منشطة بس ما صار حمل الحمدلله على كل حال
هالشهر شربت مريمية و اناناس واخذت دوفاستون من اليوم 16 من الدورة لمدة عشر ايام
الحين صار 5 ايام من توقفت عن المثبت واحس الام ف ظهر كثير ماقدر اوقف كثير و عند الجلوس لفترة احس بألم بعد
وتجيني الام دورة خفيفة بعض الاحيان وصدري كثييييير لين ومافيه الم وافرازاتي قليلة بس مرات تنزل مثل افرازات التبويض
المهم من يومين حللت منزلي بجهاز كلير بلو وظهر خط واحد بس من رجعت من العمل حصلت خط ثاني خفيف بس واضح ينشاف بالعين
كان المفروض تنزل لي الدورة امس بس مانزلت لليوم
للعلم ما نزلت مني افرازات بنية لا بعد التبويض ولا الحين
طمنوني ممكن اكون حامل ؟؟؟؟

[بخيته نمبر ون]

مب شرط تنزل نقط بنيه وقت التبويض
يمكن تكوني حامل من الخطين اللي طلعو
وممكن لا عشان ماتتعب نفسيتك انتظري اسبوع وحللي مره ثانيه تتاكدين
وان شالله تكوني حامل

[حياتي توأمي]

حبيبتي حتى الحامل بشهرها الأول تنزل عليها احياناً افرازات دمويه يعني مو الكل
البعض
وانا وحده منهم قبل ماعرف بحملي تنزل علي هالافرازات
وتكون ناتجه احياناً من انغراس البويضه الملقحه بالرحم

يعني ان شاء الله نقول يااارب انتي حامل

وبما انه طلعلك خطين هذا مبشر خيررر
روحي حللي دم وان شاء الله تبشرينا بموضوعك الثاني

موفقه

[دلوعة بالحيل]

حللي دم و يارب تكوني حامل
ربي يفرح قلبك

[ناعسة العين]

وحده مره كتبت انو من المنشطاات مدري المثبت وانها مره حللت وطلع خطين وبالاخير طلع مافيه حمل

عاد اعرراضك باذن الله حمل
وحلو الاناناس مرره مفيد للمبايض

[qurtz]

انتظري يومين واذا ما نزلت حللي دم
ربي يرزقك بالحمل السليم التام

[بسه]

صباح الخير
اليوم عملت تست اسم الجهاز سمارت ستيم
كنت ابي كلير بلو بس زوجي ما حصل
ظهر لي خط واحد بس الحمدلله على كل حال
انا اللي مستغربة انه اني متوقفة عن الدوفاستون اسبوع بس ما نزلت

[υм вtℓαα]

الله يرزقك يارب بالحمل السليم

حللي دم مشان تتاكدي

[بسه]

ان شاء الله ربنا يسمع منكن امين
عزيزاتي لما كنت اصلي جاني شد خفيف اسفل البطن مع مغص
وحسيت بعدها بغازات ف بطني
من صار لها
والام الدورة تروح وتجي ما عرفتلها

[إحساس إمرأة]

أسأل الله العظيم رب العرش العظيم
أن يرزقك بحمل السليم المعافه
ان شاء الله تبشرينا بحملك يالغلاا
ربي يسعدك وييسر امورك يااا رب