بنتي المسكينة والتبول الاارادي

[شهلا]

السلام عليكم أخواتي ...
حبيت تشاركوني همي بخبراتكم ..
بنتي كملت الخمس سنوات والسنة الجاية ’ داخلة ابتدائي ان شاءالله ’ الى الآن
تبول على نفسها وهي نايمة * مع ان اول ماعلمتها الحمام * اتقنت الموضوع وهي نايمة *
وكنت أقول لصديقاتي واستغربوا * بعد ما تعلمت انها تدخل في النهار انتكست في حق الليل’ وصرت البسها حفاض وقت النوم * وطبعا كل مرة تصحى فيها من النوم يكون مليان * جربت ما ألبسها عشان لاتعتمد عليه * واصحيها في نص النوم * لمن ادخلها الحمام تبكي وما تسوي شي وتسويها لمن ترجع تنام * اتهلكت غسيل * ورجعت للحفايض
واحنا في هذي الدوامة الى الآن * مافي فايدة * قبل فترة هي اعترضت على الحفاض وجلست تبكي لانها شافت بنت اختي اصغر منها بسنتين ما تلبس وهي نايمة * صار عندها اصرار انها ما تعملها على نفسها * وفعلا استمرت اسبوعين ما شاالله بعد كذا انتكست ثاني
أبغى أعرف دكتور أو دكتورة في جدة يعالجو هذي الحالات لان الدكتورة اللي اعرفها تركت المستشفى وما ادري وين راحت * أحس بنتي عندها شعور بالنقص بسبب هذا الموضوع

[شهلا]

ما حد رد أحس الموضوع من جد صعب

[هاشميه]

والله نفس حالتك عندي ولدي نفس الشئ
وعرضته عادكتور اطفال وعملوا له تحاليل وتصوير وقالوا سليم
والظاهر تعويد او النوم ثقيل

[4يو]

انا نفس مشكلتك عندي عيالي الثلاثه مو عارفه ايش اسوي

[شهلا]

فور يو و الهاشمية والله حيرتوني فوق حيرتي
أحد يخبرنا بالحل نحن بالانتظار اخواتي العزيزات

[شمس الربيع]

اخي لما كان صغير كان عنده هاذي المشكلة و تعافى منها من تقريبا كان عندو تمن سنين

امي كانت دايما توقظه بالليل مرة مرتين و مع ذلك كان يعمل عليه بس مع المداومة يوميا بتكون نتيجة ان شاء الله

لازم توقظيها بالليل عشان الحمام و لو تبكي خليها لين تعملها بالحمام مش عليها يعني اصبري معاها و هكذا لين تتعود انها تستيقظ وحدها عشان تروح الحمام

المهم لا ترجعيلها الحفاظ ابدا و كذلك لا تقوليلها فلانة تروح حمام وحدها و هي اصغر منك و فلان و فلانة لاااااااا خطررررر بتتعقد من حالها خلي عندها ثقة بنفسها هاذي حالة كثير اطفال بيمروا فيها عادي

انتي دايما ايقظيها بالليل و اذا عملتها بالحمام بالنهار شجعيها و اعطيها شي تحبه و شوي شوي ان شاء الله رح تتعالج بس اصبرييييييييييي فالصبر مفتاح الفرح

[الله أملي ورجائي]

نفس مشكلتك

تخيلي ولدي عمره ٧ وعلى نفس الحاله

وهالشي جدا مضايقني

[υм вtℓαα]

من الافضل تعطون الطفل قبل ماينام ملعقة عسسل
وفيه دواء اسمه مينارين للتبول الارادي قاله عبد الباسط مره

[إحساس إمرأة]

انا سمعت ان العسل وحبه سوداء
قبل النوم يوسع المثانه
بس لا تكثرين الحبه السوداء 3 حبات مع ملعقه عسل
واهم شي لاتشرب عصير
ولا شي قبل النوم بساعتين
الله يشفي بنتك ويعافيها

[إحساس إمرأة]

قبل لا تنام خليها تروح الحمام
وبعد نومها بساعة بالضبط صحيها وخذيها للحمام
الله يعينك ياقلبي طولي بالك سوي
واذا ما صحت حمليها وانتي تكلمينها
وقولي ياماما احنا الحين بنروح الحمام
وجلسيها عالمرحاض وحاولي معاها لين تعملها
وبكل هدوء رجعيها تنام
ان شاء الله تفيدك هالطريقه يالغلا