تجمع الجزائريات الغاليات المتأخرات في الحمل ‏

[عبير الحرية]

اهلا بيكم لبنات الزينات بنات الجزائر الحبيبة اليوم نفتحو التجمع من جديد باه نتلمو هنا كيما في دار واحدة و نحكيو و ننصحو بعض عن الحمل تاخره و الاسباب و نعاون بعض و الدعوة مفتوحة للجزائريات كامل نتمنى يكون هذا التجمع فاتحة خير على الجميع ياااارب

[عبير الحرية]

السلام لبنات

كاش اخبار على مريم مسكينة

[سهام فرنسا]

أهلا عبير وش راكي وش راهي بنتك ؟
وش صرا للتجمع لقديم ؟

[mounira]

صباح الخير
عبير بالشفاء على بنتك ..
سهام انشاء الله تكوني بصحة و عافية

[rayhana05]

كل خطرة ابدلونا التجمع علاش هذي الحقرة و الله غيرسمطوها كان مثبت و من بعد بطلو
المهم خرجولنا قلوبنا وانا يا بعد دوكا نزيد شويا نحلف عليهم
المهم راني عيطت لمريم وما رفدتش عليا ان شاء الله اكون المانع خير
بصح راني خلتلها رسالة ان شاء الله تقراها
بالاك مازالها ماش قادرة تهدر
لعشية نعاود نعيطلها و ان شاء الله خير

[أسيرة زوجي]

حبيباتي مساء الخير
كل التجمعات الي فيها صفحات كثيرة
تغلق و يفتح تجمع جديد

الله يجمعكم على الخير يا رب

[asmabb]

السلام عليكم يا اخواتي انا مينداك نطل على التجمع تا الجزايريات و يعجبني و نحب نشارك مي ما نعرفش لبنات
ان شاء الله تكون معرفة خير ونتعاونو و نفيدو بعضانا
انا اسما من الجوائر العاصمة عمري 30 سنة متزوجة عندي عامين و نص و ما حملتش السبب ان زوجي عندو ضعف العدد و الحركة و انا الحمد لله رانا ندعيو و نصليو ربي يفرج علينا و يرزقنا ان شاء الله

[الماسة26]

مرحبا بالغوالي تقضلوا على المسايقه

http://forum.hwaml.com/t280572.html

[ASMA layal]

مافهمتش علاش دايما جايهم على التجمع ديالنا كان مليح ومثبت

قالك التجمع لي يلحق100 صفحة يغلقوه حنا تقريبا في 10 ايام نديرو 100 صفحة يعني كل 10 ايام يمحيوه ويعاودو يفتحو واحد جديد؟؟؟ ماعجبتنيش هاد الفكرة

سبحان الله

[rayhana05]

المشاركة الأصلية كتبت بواسطة asmabb

السلام عليكم يا اخواتي انا مينداك نطل على التجمع تا الجزايريات و يعجبني و نحب نشارك مي ما نعرفش لبنات
ان شاء الله تكون معرفة خير ونتعاونو و نفيدو بعضانا
انا اسما من الجوائر العاصمة عمري 30 سنة متزوجة عندي عامين و نص و ما حملتش السبب ان زوجي عندو ضعف العدد و الحركة و انا الحمد لله رانا ندعيو و نصليو ربي يفرج علينا و يرزقنا ان شاء الله

مرحبا بيك اسماء وشراكي حنونة و مرحبا بيك بين خياتك
و ربي يرزقك في القريب العاجلان شاء الله
و ان شاء الله تلقاي الي تفيدك بيناتنا فيما يخص مشكلتك
وكل وحدة هنا في هذا التجمع عندها حكاية علاش ما حملتش
ان شاء الله ربي افرحكم كامل خاطر و الله يا بنات تجمعنا فحلات و عاقلات وفهمين بعضاتهم نحبكم كامل
و نتمنى تفرحو كامل قبلي انا ان شاء الله ربي يرزقكم الحمل السليم في القريب العاجل

المشاركة الأصلية كتبت بواسطة asma layal

مافهمتش علاش دايما جايهم على التجمع ديالنا كان مليح ومثبت

قالك التجمع لي يلحق100 صفحة يغلقوه حنا تقريبا في 10 ايام نديرو 100 صفحة يعني كل 10 ايام يمحيوه ويعاودو يفتحو واحد جديد؟؟؟ ماعجبتنيش هاد الفكرة

سبحان الله

اسماء انا قبيل كتبت مشاركة و دوكا راهي تبحرت منعرف وين راحت