قصه ولادتي و التوكل علي الله +خروع + قرفه زنجبيل كمون 😷

[اجوااان]

السلام عليكم ورحمه الله
حبيت اكتب لكم قصه ولادتي كاامله
اولا الحمد والشكر والثناء لله تعالي وحده ان يسرها لي
واسال الله الله ان ييسرها لبنات المسلمين جميعاااا
اللهم امين
في البدايه وزي كل وحده تدخل التااااااسع تبدا تدور اشياء تعجل ولادتها والنفسيه زفت
الله يرحمنا برحمته
اللي صار
دخلت باول اسبوع ورحت اكشف سونار قالت لي الدكتوره البيبي وزنه 3كيلو لازم تولدين خلال الاسبوعين الجايه قبل يكبر حجمه زياده ولا راح تولدين قيصري

طبعا انا عندي ولدي البكر طبيعي وبنتي الثانيه قيصري بسبب ان راسها فوق

وانا مصره اولد الثالثه طبيعي بعد اراده الله سبحانه
اللي صار عيشتني خوف مو طبيعي من القيصري
واساسا من دخلت التاسع والطلوق تجيني بارده ومتوسطه بس ما تجزم سبحان الله
والراس بالحوض والم بعظمه العانه احسه بتنكسر من الضغط وبهذله بالنوم وتعب الله يأجرناااا يارب
المهم صرت كلما يمر يوم وانا اخاف يزيد وزنه عن 3كيلووو وخوف من القيصري
جاني في يوم الام طلق وصرت اقول ان شالله ولاده باذن الله واكلم رجلي وجاني بسرعه وعلي المشفي قسم الطورائ وحطو لي تخطيط قالت لي عندك طلوق متوسطه بس الرحم مغلق وجاني احباااااط واطلع للبيت قررت امشي وبعد اربع ايام رجعت لي الطلوق ونزل مني دم وركض لطوارئ ابي بصيص امل بالولاده
وكشفو علي قالت لي مفتوح 2سانتي بس لساا الرحم عندك طويل وقاسي قلت لها طيب ابي طلق صناعي او تحريض لانو لو ما ولدتها الحين بيزيد حجمها واولد قيصري قالت من قالك هالكلام بالعكس كلشي تمااام عندك وان شالله طبيعي
قلت يارب واطلع وانا خلاص نفسيه وقعدت ابكي
وزوجي يواسيني كل تاخيره وفيها خيره
بس فرحت يوم قالت مفتوح 2سانتي يعني اقدر اشرب قرفه وكف مريم وزنجبيل
وبديت اشررررب وامشي وانزل الدرج
واسوي رياضه وحالتي صعبه
ورحت ثالث مره المره الاخيره ههههههه طردوني لاعااااد تجين لين تفتح المويه او ينزل دم كتيرررر علي قولت الفلبينيه قلت خير ان شالله
وامشي واستغفر واصلي علي النبي الف مره والاذكار وادعيه تسهيل الولاده
وكل يوم علي هالحال من غير شغل البيت كل هاذا استعجال ولاده
لين مر اسبوعين ونص وانا ما يعلم بحالي. الا رب العالمين نفسيه واكتئاب وبس اصيح اخر الليل
حتي ما خليت قصه ولاده بالنت الا قريته ولا تجربه الا وقريته
المهم مالكم بالطويله
كان يوم خميس اروح لاهلي اخذت اغراضي ورحت وانا ما فيني شي كلش بااارد طلق بارد
ومن دخلت قالت امي بطنك مرتفع مطوله انواع الاحباط
وكنا نبي نطلع عند وحده ورحنا لها قلت خليني انسي
والله يجزاها خير سوت لي زنجبيل كمون وقرفه وقالت اشربي تراه زييييين بالحيل وبس تدعيلي الله يوفقه ويجزاه خير
ونصحتني اشرب خروع دام الرحم مفتوح وقررت اشرب خروع ومن طلعنا من عندها قلت لاخوي مر الصيدليه واخذت خروع بنكه الفراوله
وكنت متردده بسبب الكلام اللي ينقال عنه
استخرت ودعيت وتوكلت علي الله وقريت لي كم قصه ههههههههه بالنت عن الخروع
واستعين بالله واخذ لي ملعقه مع عصير تفاح طازج

وحسيت ملعقه ما تكفي قلت يابنت زيدي ملعقه ثانيه واشربها
وقمت انااااااام
وكلل اشوي حمااااام لازم اقوم عشر مرات الله يكرمكم بوووول وبراز
وقمت العصر حامت كبدي من كثر ما احاول انوم نفسي
خخخخ
وتجلس بالصاله واحس باوجاع بالظهر وانا اقول زي كل مره شكلي مطوله
قمت بروح لغرفتي عشان اصلي ما امداني دخلت الغرفه وينزل مني مويه دافيه كانت الساعه خمسه وانادي امي تعالي شوفي قالت يالله علي المشفي دقي علي رجلك واتصل كم مره ما يرد تلف اعصابي يوم رد قلت له خلاص ولاده نزلت مويه البيبي
قال طيب خلي اخوك يوديك علي بال ما اوصل للمشفي
ورحت مع اخوي وبالسياره بدت الام الطلق تتقارب وتزيد
وانا ادعي وامي تقرا علي
دخلت الطواري ودخلوني كشفت الدكتوره قالت مفتوح 3 وبدت الطلوووق تزيد وتقوي وانا اتلوي بالفرااااااش واتالم واتأوه وحسيت ابي استفرغ
وامي تدعي لي وتقرا علي وزوجي مضطرب يشوفني ولا يتفاهم مع الاستقبال
المهم قالو خلاص ولاده بنرقيك فوق وجلس ساااعه اتلحط من الطلوق صياااح وتالم لدرجه امي صاحت معي وتدعي لي سوينا اكشن قدام رجلي يحاول يهدي الوضع بس مو لمه ابدا وكان مره راحمني صرت انتفض من الالم بالسريرررر كني بموت
اخر شي جت تقيس من تحت قالت خلاص ولاده وتتصل علي الدكتوره اللي بتولدني وجت وبدت مرحله الولاده حطو رجولي بالرافعه ويالله اول ما تجي الطلقه ادفعي من تحت كنك تتبرزين استغربت اخابر الدف يكون من فوق بس يالله من تحت من تحت وادفع لين ينقطع نفسي ولما اخذ نفس يرجع الراس وهي تقولي ادفعي كمان لا توقفي وتشجعني وسعت لي عشان تطلع وانا ما يعلم بي الا الله ولما طلع نص الراس حسيت بالم شدييييييد وصرخت صرخه قووويه لحد ما طلع راسها بعدين جرتهاوطلع جسمها اخيرااا واسمع صوتهااااا تبكي كانت رصاصيه
فرحتي لا توصف حمدت الله كثيررررر
وبدت الحين معاناه الخياطه قلت تكفين لا تبدين لين تنوميني وبعدها خيطي عطتني منوم بس ما نمت وانا اتنفس من قلب بس ما فيه فايده لين خلصت خياطه وانا اتالم واقوله ليش ما انااااام تضحك علي تقولي تنفسي طيب
وااتنفس زي المهبوله ما فيه فايده لين انتهاااا العذاب الحمد لله
وصرت احمد الله وما ارتحت لين نزلو ارجولي من الرافعه وعقموني ودخلوني غرفتي الشي الي عجبني حيل فيهم حطولي زي الخرطوووم يطلع هواء دااااااااافي غطوني باللحاف وحطو الخرطوم جوا اللحاف يدفيني
ياااالبيه تخدررررت وحسيت بالنوم ودي اغمض واناااااام شوي دخل زوجي تحمد لي بالسلااامه ودخلت امي وضمتني وتبكي وتبوسني وبكينا الاكشن الثاني هههههههه وزوجي يتفرج


هاذي قصتي كااااامله لكم
حبيت تستفيدو منها
واسال الله ان يهون عليكم حملكن ويسهلها لكم
يارب

دمتم بود 🎀
اجوان

[حــــلا]

مبرووووووووووك والحمدلله ولدتي بالسلامه قصتك حلوه وولادتك سريعه ماشالله وامك ياحبي لها فديتها الله لايحرمكم من بعض
يازين الامهات,,, والحمددلله ولدتي وافتكيتي .. يارب يحفظلك النونو ويسعدك

[farfocha]

مبروك حبيبتي فكرتيني فالولادة وخفت ياربي انا بكرية و بتخيل الولادة عجيبة هههه ، يارب سهل علينا

["ام تولين"]

الفف مبرووك والحمدلله ع سسلامتك

[قطوف دانية]

مبارك عليك النونو وحمد لله على سلامتك
يازينك الله يسعدك موتيني ضحك
عقبالنا يارب

[عاشقة السفر]

ألف مبروك حبيبتي بس ما قلتيلنا كم كانت وزنها عند الولادة؟

[اجوااان]

كان وزنها ٣ ونص كيلو بس شكلها لو تشوفونها ٢كيلو ما صدقنا انا وامي
اختي فرفشه ترا يوم انا بكريه كانت ولادتي بابني سهللللله ولا بالفرق مقارنه بولادتي هاذي الاخيره اعتقد كل بكريه ولادتها تكون سهلها باذن الله

[اجوااان]

بس اللي استغربته ان الدكتوره تقولي ادفعي كنك تبغي تتبرزين لا تدفعين من قدااااام وكنت ادفع بقووووه
بس الضريبه يوم خلصت ولاده الم الله يكرمكم من ورا حتي مقدر اتبرز احس تاثرت المنطقه من الدفع
الله يستر خايفه تسبب لي بواسير ولا شي
��

[بسمة أمل 111]

الف الحمد لله على السلامة ومبروكة البنوتة
بس بدي اي ساعة اولدتي يعني بعد ما نزلت مية الراس بكم ساعة ولدتي
وبالنسبة لانو الدكتورة قالتلك كأنك تتبرزي هادا الشي طبيعي كل وحدة ابتولد بتحس حالها -وانتي بعافية -كأنها تتبرز وانا والدة مرتين والحمد لله طبيعي حتى خياطة ما عملولي بعد الولادة الحمد لله رب العالمين

[ام رتوو99]

ماشالله مبروك والحمدلله على السلامه

سبحان الله اول مايطلع الجنين وتسمعين صياحه خلااااااااااص

تنسين الالم ويهون عندك كل شي

اجمل لحظه

الله لايحرمنا هذي اللحظه ويرزق كل محرومه ياااارب