سؤال بخصوص التبويض

[noonaS]

السلام عليكم و رحمة الله و بركاته

أنا مش متأكدة بصراحة هو ده المكان المناسب للسؤال ده و لأ..

عادة وقت التبويض كنت بلاحظ نزول الإفرازات الخاصة بالتبويض و تكون يوم 15 تقريباً أكثر غزارة .. المرادي بعد انتهاء الدورة الشهرية بإسبوع (يعني النهاردة اليوم الـ 15 من بداية الدورة) لم أجد أي افرازات على الإطلاق .. و منذ انتهاء الدورة طول هذا الأسبوع اللي فات كانت مجرد الأفرازات العادية اليومية و ليس بها أي شبه بإفرازات التبويض..

هو صحيح أنا لسة في بداية اليوم الـ 15 يعني لو قلنا إن في احتمال ألاحظ الأفرازات دي لاحقاً أثناء اليوم.. لكن بصراحة أنا قلقانة لأنها عادة بتكون بدأت من اليوم الـ 12 مثلاً بس بكثافة أقل و تبدأ تزيد لحد اليوم الـ 15 ، لكن زي ما قلت مفيش اي أثر لأي شيء

أنا خايفة يكون في حاجة..

هو كدة كدة أنا المفروض عندي خلال أيام موعد مع الدكتور لعمل أشعة بالصبغة على الرحم لأني في حمل الأول أجهضت في الخامس (كان ده في يناير 2013) و من ساعتها محملتش تاني..

إدعولي بالله عليكم.

و رجاءاً إذا كان في أخت عندها معلومة تطمنني و تفيدني يبقى جزاها الله كل خير و أعطاها من خير الدنيا و الآخرة

شكراً :)