ولدت ومكتئبة الحمد الله

[nanoosh86]

مرحبا كيفكم حبيباتي ؟

أنا الحمد الله رب العالمين ولدت ب 5/09/2013 وأخيرا واسفة بغرفطولت عليكم لأخبركم بس الله أعلم بالحال ابني المسكين ما بعرف شو صار معه بالزبط بس عنده خصية من الخصيتين لفت ع حالها وماتت ,, لا حول ولا قوة الا بالله الغلي العظيم وعملناله عملية استئصال لإلها بيني وبينكم يا بنات والله مش عارفة بشس نفسي افضفض ,,, الحمد الله رب العالمين ع كل حال بس محروق قلبي عليه ونفسية بعد الولادة سيئة جدا وما عم بفكر باشي الا الموت وكيف انو الدنيا رايحة ومش باقي فيها حدا وبضلني خايفة عليه وع زوجي كتييير وهو كمان يا علي تعبان العملية ما كانت سهلة أبدا وما اهتمت بحالي ابدا بعد الولادة ولا عملت اشي يذكر وهلأ عند ألم كتير بالحوض لدرجة اني بس اقوم من ع الكرسي بقعد خمس دقايق وانا بتوجع وعضلاتي شادين ومش عارفة شو بدي اعمل لأنه ه الولد بدو رعاية فوق ما تخيلت ,,, شو في عندكم نصائح اعملها بركي خف الوجع ويا حبيباتي ادعولي انا وابني الله يخفف علينا ويفرجها يارب