نبض الجنين وهرمون الحمل

[حنون فلسطين]

هذا حملي الأول بعد سنه ونص من الزواج وفرحتي كانت كبيره ولله الحمد والمنه
بس للأسف لما ذهبت لأروح لفحص النبض بالأسبوع السادس ما في نبض وفحصت الهرمون وكان 5180 وبعد 3 أيام كان 5300 وما في نبض وبعد يوم تقريبا 6840 وما في نبض الخوف كان من الحمل خارج الرحم بس الحمد لله ما في حمل خارج الرحم بعد ذهابي أكتر من دكتوره وأكتر من فحص مهلبي وبطني وكان في كيس على المبيض الأيمن بس ما بخوف الحمد لله
و خبروني إنه ما رح يكمل الحمل ورح ينزل لوحده وما طلبوا مني آخد أيا دواء لينزل
حابب مين عرفت أو سمعت بمثل حالتي وتم حملها وكان كل شي طبيعي
لأنه مش عارف أعتبر حالي حامل و لا لأ؟
يا ريت تفيدوني
وربي يكتبلي الخير إلي ولأبني إذا ربي أراد إنه يتم الحمل فهو قادر على كل شي
وربي يكتبلكم الخير

[heba yousef]

حبيبتي بما انو نسبه الهرمون بتزيد اتوقع طبيعي انا ما بعرف بالزبط شو لازم تكون النسبه بالاسبوع السادس بس بما انو ما في زياده بالهرمون ان شاء الله بكون الحمل سليم وعشان النبض عادي في ناس ما يبين معهم النبض للاسبوع ٨ عشان هيك استني شوي وخودي الفوليك اسيد وهاد ما بضر في كل الاحوال وان شاء الله خير والله يهدي بالك ويطمنك على جنينك يا رب

[ريماس احمد]

حبيبتي ما عندي فكرة بس انا شايفة انو هرمون الحمل بزيد يعني المفروض الحمل كويس
حبيت ادعيلك ربي يثبتلك حملك ويفرحك بشوفة طفلك يااااااااااااااااااارب

[hnb]

حبيبتي الله يثبتلك حملك انا زيك هرموني كان 5017 و مش مبين الكيس حتى بس الاسبوع هادا بين بس صارلي نزيف و بستنى هيني :(
اما النبض فلسة بدري بيقولو بالاسبوع 7 او 8 ببين و في ناس بيتاخر سلفتي باول الشهر التالت لما بين

[حنون فلسطين]

الله يطمنكم ويطمني بشوفت أولادنا يا رب هو وحده القادر على كل شي
وأخت hnb أتمنى من ربي يستجبلك دعواتك ويتمم حملك على خير وتفرحي بإبنك عن قريب العاجل

[حياتي توأمي]

حبيبتي نسبتك ماشاء الله في تزايد
لاتخافي وكلي امرك لله. واطلبي من ربك يحفظه بعينه اللتي لاتنام
لاتاخذي بكلام الأطباء بيهبطوا الواحد حتى لو ماعندك مشكله
استغفر الله منهم
حبيبتي إذا حملك كان ضعيف او لاسمح الله مافي نبض ماكان الهرمون في تزايد
عادي في ناس بيبان معاهم النبض متأخر
وكلي امرك لله وحده ربي وحده قادر يثبته ويحفظلك اياه
ربي يثبت حملك وحملي وحمل جميع البنات يارب

[فداك الكون]

أنا ما بين النبض معي إلا بنص الأسبوع التاسع

[soohaa]

الله يثبت حملك يارب

[حنون فلسطين]

حياتي توأمي : الله يثبت حملك وشكرا لأنك طمنتيني
فداك الكون : شكرا كتير إلك ورفعتي معنوياتي
سها : شكرا لدعائك

[مضاووووووي]

الله يثبت حملي
و حملك يا رب