انا والغيره

[كنوز25]

سلام عليكمحبيت تشاركوني بمشكلتي وأشوف آراكم
انا متزوجة من ثلاث سنين ونص مشكلتي أغار على زوجي غيره مو طبيعيه و حاولت أخفف من غيرتي عليه بس بدون فايده
والمشكلة الثانية انا وأختي وزوجي كنا بغرفتي وأختي جتها الدوره وهي واقفه والله يعزكم الدم بالأرض وزوجي شاف وفهم السالفة
والله تعبت نفسيتي دائماً ابكي كرهت غرفتي بيتي اختي
رحت جلست بفندق لأني تعبانه نفسيا وجسديا لان من أسبوعين مسويه عمليه كبيره بالعظم أحس نفسي بختنق
أرجوكم أبي رأيكم

[كنوز25]

15 مشاهده ولا رد

[*شفق*]

اختي مو واضح انت على شو ضايجة وتبكين وضحي اكثر وشنو خطأ اختج ماشوفها غلطانة بشي

[ام سينا]

ما فهمت السالفة انتي زعلانه من أختك ماسوت شئ

وبعدين الغيره من الخوات مي حلوه مرض موغيره

وضحي حتى نفيدك

[♥IcE pRiNcEsS♥]

يا ريت توضحي مشكلتك اكثررر
مشان نقدر نساعدك !!!

[الأمورة سوس]

فاهمة انك بتغار من زوجك بكل شي
الله يساعدك لازم تثقي بزوج اكثر
وهو بيعطيك التقدير وراح ترتاحي
ولازم يساعدك زوجك لان هاي الغيرة مرض لو تزيد بتخرب حياتك وان مريت ولا زلت هيك لكن بمحاولات زوجي وثقتي فيه خفيت كثييير
الله يساعدك

لكن السموحة في احد تجيه الدورة واقفه و مو حاسه بنزولها شدعوى ولا وماقدرت تخبي الشي قدام زوجك
اصلاً شو جاب اختك لزوجك بالغرفة
وسمحي ليه بس ما دخات مخي

[أم ولودي]

حبيتي لحظه في حاجه مش فاهمتها وشلون نزل الدم كذا بالمنظر وبهالكثر ؟؟؟ إحنا اكيد مرينا بالموقف انو تجي الدورة مرات فجاءه وممكن في أسوأ الظروف مع بعض البنات خصوصا إلي ماتطبط وقت دورتها. تطبع على الملابس هذا في أسوأ الظروف مع أنها مستحيل تطلع برا الكلوت لكن تنقط مستحيل. وبعدين إذا انتي تغارين ليش تسمحين لأختك أصلا تجلس معك انتي وزوجك أنا ماغار من خواتي لكن بحياتنا ماجلسنا مع أزواج بعض بنفس الغرفه لأنه ماله داعي. ،،،،. الله يهدي بالك ويصلح أمورك ويخلي زوجك لك ويبعده عن الحرام ومايشوف بحياته غيرك وتخف غيرتك

[كنوز25]

اقسم بالله أني صادقه بكل كلمه قلتها واني مسويه عمليه من أسبوعين وأختي وزوجي كانو يساعدوني ف ترتيب غرفتي وأنا على السرير ما قادره أتحرك واسوي لنفسي شي وصار هالموقف الي قلت لكم عنه وهي طلعت من الغرفه على طول
وبعدها زوجي نظف مكان الدم وطلع برا عشان بيودي المفرش للمغسله
وجت عندي أختي وقالت لي أنها ما حست بالألم ولا حست فيها وهي تنزل انا تضايقت منها كثير لأني انا بنفسي مو مصدقه هالشي واللي قاهرني اكثر أن زوجي شافها وهي والدم و فهم الموضوع
انا اول مره اكتب مشكله لي بالمنتدى والسموحه اذا خانني التعبير بس كنت اكتب ونا ابكي لاني بحاله صحيه ونفسيه ما يعلم بها الا رب العالمين تمنيت اموت وقت العمليه ولا يصير هالموقف قدامي
بس طلع الكل ما فاهمني ومو مصدقني أتمنى الي يدش لا يعلق وأتمنى المشرفات يحذفو موضوعي
والسموحه اذا أخذت من وقتكم وطولت عليكم

[كنوز25]

انا ما كتبت الموضوع حتى احصل ردود كثيره بس كتبته لأني كنت محتاجه اللي يساعدني وينصحني لأني لما قلت لاختي الثانيه الموضوع ماحست فيني وكانت تبرر موقف أختي اللي كانت ف الغرفه ولهذا السبب كنت محتاجتكم لان محد راضي يفهمني
أرجو حذف الموضوع

[شوق وحنين]

حبيبيتي اهدي شوي :) ولا تزعلين روحج..

أتوقع كل الي فيج حالة اكتئاب بسبب العملية وانج حاسة روحج مو قادرة تتحركين ولا تقومين بنفسج.

أنا حاسة فيج والله لأن صادني نفس الشي بعد ولادتي صادني بواسير من نوع قوي صرت شبه مشلولة بس أمشي للحمام وأرجع بصعوبة. وحتى التقلب على الفراش يمين ويسار كان عذاب، وفي الليل أتأوه من الألم. كنت فعلاً مكتئبة وكله أبكي لأن ما أقدر أشيل ولدي ولا أتحرك ولا حتى أقعد تخيلي. بس ربج رحيم والحمد لله تحسنت بالعلاج.

لا تلومين اختج أبداً مو بيدها ترى.. والتمسي لها العذر.. أصلا مستحيل وحدة عاقل تدري إن فيها الدورة وتسكت أو ما تسوي شي. تلقينها بروحها منحرجة من الموقف :(