جهاز شفط الطفل

[بحه شوق]

السلام عليكم

ابي اسالك عن جهاز شفط الطفل. هل هو مولم ؟؟؟

وش سبب استخدام المستشفى له ؟؟

وهل في الولاده البكريه بنج. ؟؟. احس بالالم او لا


افيدوني جزاكم الله خيران

[منييرة]

حبيبتي و الله ما نعرف بس حبيت ندعي لك ربنا يسهلك و إنشالله يفيدونا البنات يا رب هوان الطلق وحسن الخلق

[aso.]

ماعندي علم بكريه برضوا

الله يسهلناا ان شاء الله

[اليقين]

انا بعد بكرية وماعندي خلفية
بس دخلت هالموضوع ولقيتهم ذاكرين جهاز شفط الطفل بالصور
فحبيت افيدك:

http://forum.hwaml.com/t164043.html

بالتوفيق

[أم ريمان **]

هلا أختي
أنا حصل معي في حملي الأول أنهم سحبو البيبي بالجهاز ولا هو مؤلم بس خفت لا يأثر ع شكل الرأس فااستودعتها الله وقتها والحمدلله ما أثر أبدا
السبب أني طوولت بالولادة ووقت الدفع فترت مرة من التعب وكان الجنين محصور بالحوض وبدأ النبض يزيد فكان آخر حل. عشان يطلع بدون عمليه
أما البنج وقت الولاده أعرف أبره مسكنه تأخذينها وقت الألم والطلق..
الله يهووون علينا يارب ونقووم بالسلامة وكل الحوامل

[بحه شوق]

شكرا لكم


الله يفرج كل من رد علي يارب

[جونة]

عزيزتي ماعرف شي عن جهاز الشفط بس الي اعرفو انو وحده قريبتي شفطوها وطلع عندها تاخر في المخ والسمع والنطق سلامتك وسلامة السامعين..
بس انا برضو شفطوني والحمدلله ماسارلي شي الحمدلله ..

[ملكتني بهمسك]

فيه جهاز شفط وفيه ملقط وهذي مايستخدموها الا اذا انقطع نفسك من كثر الدف وبدا الجنين يفقد نبضه عشان كذا يدخلو وبسرعه يسحبوه لانه اول كذا ياخذ الاكسجين من المشيمه ووقت الولاده يمر بحوض ولازم ينزل بسرعه عشان ياخذ اكسجين من الهواء فاذا طول وهو ماطلع يبدا نبضه يخف عشان كذا يتدخلو بهذي الادوات عشان يلحقو حياته

وبنج فيه اشياء يستخدمها من ابره العضل وابره الظهر وكمامه فيها مخدر

لاتخافي وان شاء الله جنينك يطلع بصحه وعافيه ومايحتاجها

الله يهون ويسهل عليك ويرزقك بساعه طيبه

[السحاب الأحمر]

اللي اعرفه انه في اوروبا وامريكا تم منع طريقة الشفط والملقاط في اغلب مستشفياتهم لانهم اكتشفوا انه يسبب ضرر بالغ للطفل ولمخه ...اما هنا ما زالوا يستخدمونه ....وحده نعرفها طفلها ما فيه شئ بس شفطوه وجلس في الحضانة شهرين وكان راسه كبير جدا بسبب الشفط ...الله يعينها كان اول فرحتها