| أهلا وسهلا بك إلى منتديات حوامل النسائية. |
| أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا |
|
|||||||
| منتدى فترة النفاس يختص بالأهتمام بصحة وتغذية الأم أثناء فترة النفاس |
02-09-2011, 11:45 PM
|
المشاركة رقم: 1 | ||||||||||||||||||||||||||||||||||||
|
المنتدى :
منتدى فترة النفاس
ملف كامل لمشروبات وماكولات النفاس بالتفصيل
هذا البرنامج نقلته لكم من احد المنتديات وهو تجربة صاحبته مع اسئلة العضوات واجابتها على جميع الاسئله مهم آخر عشر ايام من النفاس راح يكون الفطور تمرمقلب بزبده على نار خفيفه معاه رشاد.. تشربين معاه قهوه او حليب اللي يعجبك..  2- الغداء: *مرقة لحم مع خضار **مطازيز ***شوربة كويكر مع قطع لحمه لما تغرفي الغدا لأكله ضعي عليه ملعقتين ماش مطحون انثريه فوقه وكليه بالعافيه مع الحرص على اضافة الفلفل الاسود كذلك.. 3- العشاء: 1-تمر+حليب 2-اي فاكهه تشتهينها 3-سلطه خضراء او تبوله 4-ممكن وجبة اسماك من اي نوع تحبينه ..  النظافه الشخصيه: *الهدوء في الحركه اول اسبوع مهم جدا والحرص على عدم رش منطقة الخياط بالرشاش..بل رشها باليد من بعيد حتى تسقط الخيوط.. **عدم استخدام المره بتاتا كغسول حتى تسقط الخيوط لأنه يشدها .. بل تمسح بمحلوله الفوطه كل ماحسيتي بحكه.. ***التشطف بماء وملح يوميا بدون المبالغه بكمية الملح . هذا ماعندي باختصار وبدون تعقيد وعند الالتزام به سترون فائده عظيمه بإذن الله تعالى.. الله يسلمك شاي الزنجبيل سهل وممكن تحطين معاه قرفه وممكن بدون.. الطريقه: 4 اكواب مويه 3 ملاعق كبيره زنجبيل مبشور عودين اوثلاثه كبار قرفه..واذا كان مطحون تكفي ملعقه .. بعد ماتغلي المويه نحط الزنجبيل والقرفه ونخليها تغلي خمس دقايق بس.. ونطفي عنه وممكن تضيفين له سكر حسب الرغبه.. وبالهنا والعافيه.. *** الزعتر الورق: ملعقة زعتر ورق مع 4 اكواب مويه بعد مايغلي الماء نصبه على الزعتر الورق بدون طبخ.. نخليه يخمر عشر دقايق.. نضيف له سكر حسب الرغبه رجعت لكم فيه وحده من الاخوات سألت عن الخبزه ومقاديرها وطريقتها وراح اكتب طريقتها هنا لتعم الفائده.. خبزة البر: هذي مقادير خبزه وحده بمقلاة كبيره نصف كاس دقيق بر ربع كاس مويه بيضه ملعقتين كبار حليب بودره ملعقتين كبار حلب بصله صغيره << ممكن الاستغناء عنها رشة ملح رشة سكر للرغبه ولا مستغنين عنه بالعسل.. اللي راح نصبه على الخبزه عند اكلها.. ممكن تخلطين كل هالمقادير بسلطانيه ويكون البصل قطع وممكن انك تحطيها بالخلاط وتخلطيها.. ثم يكون المقلاة مذوب فيها زبده او سمنه للفائده.. تصبين الخبزه فيها وتخلينها على نار هاديه مدة 5-7 دقائق وتقلبيها وكذلك الجنب الثاني..على الاقل خمس دقايق على نار هاديه.. وبعدين تحطينها بصحن ولما تبرد شوي تصبين عليها ملعقة او ملعقتين عسل حسب الرغبه وتاكليها بالعافيه مع حليب مضاف له فلفل اسود.. وبالهنا والعافيه على قلوبكم.. ذكرتي من مقادير خبز البر ( حلب ) شو هذا وكيف شكله وله مسمى ثاني (انا من الامارات) او عندك صوره له؟ وبالنسبه للماش هو حبوب البقول الخضرا ؟ احب اعرف ما فائدته للنفاس ؟ وهل استخدمه حب ولا مطحون؟ وهل استخدمه نيء او ناضج؟ واذا استخدمته نيء ... ما يسوي غازات لي وللبيبي ؟ وبالنسبه للقهوه .. هل هي القهوه العاديه ولا القشور؟وكيف طريقتها ؟؟هل اقوم بتحميصها ؟وهل اضيفلها اشياء ثانيه؟ الحين ذي الاشياء الا ذكرتيها ما تأثر على رضاعة الرضيع ؟؟ و الا اعرفه ان العسل و التمر يوسعون الـ ...!! مشكوره اختي العامريه هذا اللي ادور عليه من زمان وتصدقين بعد ماستخدمت نظام فيافي حرمت استخدم اي نظام فيه خرابيط كثيره بعد ماشفت من الخراب الله لايوريكم قعدت سته شهوربعدالنفاس وانا اعاني وقمه الفشيله والإحراج وكانت هذي اول مره استخدم فيها اعشاب غريبه ماعمر امي ولاجدتي شافوها اوسمعو فيها وبولاداتي اللي قبل ماشالله اطلع زي الفل لاني ماكنت اخربط استخدم الأشياء المعروفه زي ماتفضلتي اختي العامريه حتى امي تقول اهم شي تستخدمينه في النفاس الفلفل الأسود والحلبه والتمر والمره والزنجبيل والكمون والحبة السودا والرشاد وصدقت وانصحكم يابنات من تجربه شخصيه وبعد استخدام نظام فيافي بحذافيره انكم تستخدمون الأشياء المعروفة فقط عشان ماتعانون زي ماعانيت ونظامك اختي العامريه بعتمده ان شاالله لانه يشبه النظام اللي تسويه لي امي بس ياليت اختي تشرحين هذي العباره اكثر ذكرتي من مقادير خبز البر ( حلب ) شو هذا وكيف شكله وله مسمى ثاني (انا من الامارات) او عندك صوره له؟ عزيزتي الحلب هو نفسه الحلبه.. حبوب صفراء صغيره صلبه يستخدمها اخواننا المصريين كمشروب يومي كالشاي.. دورت له صوره للاسف ماحصلت.. وفايدته يستخدم لأي مريض في فترة نقاهه يعيد بإذن الله للجسم قوته ومفيد في تعويض الجسم عن الدم المفقود اثناء الولاده والنفاس.. وايضا من فوائد الحلبه لتلين الحلق و المعدة ، لأمراض الصدر و السعال و الربو و المغص ، للضعف الجنسي ، تعالج الإمساك بخلطها مع العسل , لطرد الديدان المعوية ، لعلاج البواسير للمرضعات اللواتي يعانين من قله الحليب ، غذاء أساسي للنفساء. *** وبالنسبه للماش هو حبوب البقول الخضرا ؟ احب اعرف ما فائدته للنفاس ؟ وهل استخدمه حب ولا مطحون؟ وهل استخدمه نيء او ناضج؟ واذا استخدمته نيء ... ما يسوي غازات لي وللبيبي ؟ ايوه هو الحبوب الخضراء اللي وسطها خط اسود وصغيره يمكن اكبر من حبة العدس شوي.. استخدمه انا مطحون نيء.. ولله الحمد مايسبب غازات.. والبيبي خلي له رضعة كمون او نصف رضعه باليوم.. لأن الغازات في الطفل شي طبيعي كل الثلاث شهور الاولى.. وبالنسبه للقهوه .. هل هي القهوه العاديه ولا القشور؟وكيف طريقتها ؟؟هل اقوم بتحميصها ؟وهل اضيفلها اشياء ثانيه بالنسبه للقهوه المقصود فيها قهوتنا العربيه اللي نشربها يوميا ..بدون زياده ولانقصان.. كل اللي ذكرت ماله اي تأثير على الرضاعه الطبيعيه بالعكس ممكن يكون محفز اكثر لإدرار الحليب بإذن الله والعسل والتمر تقولين يوسعن  هالغذائين انفع شي للإنسان بكافة مراحل حياته.. وكيف اجل العسل والتمر مع الرشاد اهم وصفه معروفه للتضويق!! لكنها ماتصلح اول الايام علشان الرشاد ينشف الدم ويحجزه جوا الرحم.. صدقوني يابنات ماجاب لي ولامي ولخالاتي القولون الا هاللهوم والاعشاب المجمعه بغير علم ولاقياس.. انا طبعا ماجربت نظام فيافي للأمانه.. بس كنا نشتري لهوم من حريم معروفات اشهر من نار على علم ونغصب انفسنا على اكل هاللهوم وتلوع كبودنا وتحتر معدتنا والنتيجه لاشيء.. يعني الحريم المساكين يجتهدون وودهم بالزين بس ترا مازاد عن حده انقلب ضده.. حتى هالعادات اللي تقيد الوحده فيها نفسها بالاربعين من بخورات ولهومات وتحميلات ممكن تتعب نفسيتها .. وللمعلوميه ترا اكثر خراب الحريم بسبب الحاله النفسيه ..ماله دخل بالنظام.. اعرف وحده نظامها صارم بالاربعين بس نفسيتها تعباااااااااانه مره وتطلع ماطهرت وافرازات ومويات وحالتها صعبه.. اهتموا يابنات بحالتكم النفسيه زين.. واهتمي بتنظيم الاكل اكثر من تكثيره لأن حتى المعده الخربانه ممكن تدمرك وتطلعك خربانه.. واحذروا كل الحذر من التحاميل اللي يسوونها حريم.. يابنات حرام عليكم تدخلون شي بمنطقه حساسه ماتدرون وش الايدين اللي سوته وش مستوى تنظيف الاعشاب اللي دخلت فيه.. ولاتطحن بغبارها واوصاخها وتباع لكم.. لايقرب المنطقه هذي اي تحاميل الا طبيه للحاجه.. انتبهوا ياما ناس صابهم التهابات وقرحه وحبوب داخليه وصديد بسبب تحاميل هالحريم. اشكرك ذات الوشاح اللي ذكرتي لنا قصتك لانك ذكرتيني من زمان ودي احذر البنات عن هالاشياء.. طيب لية الرشاد بس اخر عشر ايام من النفاس ماهو تحديداً آخر عشر ايام متى ماانقطع الدم (تماماً) ابدي استخدميه وبالعاده ينقطع الدم ب 30 يوم تقريباً.. اختي الرشاد مايصلح والدم ينزل لأنه يوقفه على غير سنع.. اتمنى تكونين استفدتي *** وردة حائل هلا بوردة حايل يابعد حيي ياللي زينهم يدعي الراس مايل جزاك الله خير. *** خالص أمنياتي واياك الله يهون عليك اختي وان شاء الله قريب تبشريننا بالمولود.. الله يقومك وياه بالسلامه.. نظامك هذا قريب من نظام فيافي ,, بغيت اسال عن التمر والرشاد ,, انتى قلتى هي وصفة للتضويق ,, متى اقدر استخدمها بالدورة او النفاس ؟؟؟ يعني هل هي ممنوعة اول الايام ؟؟؟ اقدر استخدمه على مدار الشهر ايام الطهارة ,, تعتقدين راح تجيب نتيجة والا ماراح تنفع ,, التمر والرشاد اللي ذكرتيه ؟؟ ينحط معه سمن والا لا ؟؟ انا احب التمر وماعندي مانع اذا اكلته مع الرشاد ,, لكن ماحبه مع السمن ,, اقدر استغنى عنها ؟؟؟ اقدر استغني عن الحلبة فتره الدورة ؟؟ لان ريحتها قويه وبالنسبه لنظام فيافي مااعرفه لكن اسمع كثير يتكلمون فيه ومشهور بس الصدق ماقد جربته.. هذا نظامي الخاص من آخر ولد جبته.. استعنت بالله وجمعت لنفسي اللي اشوف فيه الفايده بدون غموض خلطات وخرابيط.. والحمد لله من فضل ربي كان احسن نفاس طلعت منه.. واتمنى يفيدكم زي مافادني.. *** اختي التمر والرشاد مايستخدم الا آخر شي اذا بقى بس افرازات ومويات.. ويستخدم حتى ايام الدوره مافيه مشكله بآخر يومين.. لكن انا افضل عليه قشر الرمان احسه افضل لما بعد الدوره.. وممكن استخدام قشر الرمان مع العصير حتى بالايام العاديه.. وانتي طاهره مامنه مضره بإذن الله.. لكن بمقدار وبنفس الطريقه. والتمر والرشاد ممكن بدون سمن..لكن انا ماجربته بدونه.. ممكن تستخدمين الزبده اذا كنتي ماتحبين نكهة السمنه.. الحلبه ممكن تستغنين عنها لأن وظيفتها تقوية الدم وتقوي الجسم.. مالها دخل بشغل التضويق وغيره..مهمتها التعويض عن مافقدتيه من دم واعادة القوه البدنيه.. وتراها مفيده بإذن الله لإدرار الحليب.. مشكورة اختى على هالمعلومات ,, انا فعلا مستغربة لان الكل يمدح التمر بالرشاد طول فترة الدورة اوالنفاس ,, معلومه جديدة بالنسبة لي ,, وراح اجربها مشكوورة علي النظاام وااضح انة مفيد وفية حواايج معرروفة للكل وما تضرر لوو ماا نفعت بس عندي شوية اسئلة اداا ماا فية كلافة اناا بولدتي الثاانية مدري وش صاارلي الصرااحة طلعت من الاربعين واناا احس بدووخة اياام الكلية مااتحمل الوقفة مع اني صاارلي يمكن بعد النفااس شهرر حتي بوقت الحمل اشتغل واتعب ماا تجيني ابد الشي الثااني كل البناات والمدرااساات اول ماا شفووني يقوولولي وجهك مصفرر وتعباان قلت يمكن لسة عشااني ماا طلعت بس و**** قعدت 6 شهوور وهداا تعليقهم علي عااد اناا قلت لنفسي اكيد نظاامي كاان كلة غلط اكل عشواائي بدوون فواائد هل نظاامك هداا ينورر بالوجة ويقوي الجسم يعني ماايتكرر الوضع الي صاارلي ومااداا عن الموية وعصير البرتقاال وش رايك فية علي فكررة انا خفت من وضعي الدوخة وصفاار الوجة ورحت حللت طلع الدم عندي سليم وقالت الدكتوورة مااتحتااجين حديد الاني بفترة الحمل يجيني فقر دم انتي تقوولين انك ولدتي بالوفاا الصرااحة خوفتيني الاني نااوية اوولد عندهم وفتح ملف وش رايك مع اني اناا مجرربة مستشفي سعوود وممتااز بمعني الكلمة من نااحية الخياطة والعنااية مااعندي علية اي تعليق الا شي وااحد انوو يوم ولادتي احتااجو الدكااترة يسولي خيااطة بنج كاامل وصاار فية شبااب سعودين ممرضين يعني ونحررجت منهم قلت ارووح هل مرة داام كلة طااقم نساائي وفية صوصية اسفة طوولت عليك وقلتك قصة حيااتي بس بغيت استفسرر من تجرربتك و**** يووفقك وين ومااتروحين ويجعل كل اياامك سعاادة يالغاليه اللي صابك هزال .. صرتي تاكلين ادويه وتسد نفسك عن الاكل المفيد..صح؟ بنات اسمعوا كلامي..لايهمكم الوزن وقت النفاس ترا الريجيم القاسي ممكن يخرررررررررب وقد اعذر من انذر.. خلو الريجيم بعد ثلاث شهور من الولاده او اكثر.. لأن انتي بحاجه تعوضين تعب الحمل+الولاده+الرضاعه+رعاية رضيع متعب هذا اسم فيتامين مهم جدا..كليه من اول النفاس ..لحد ماتحسين بتحسن شهرين ثلاثه او اكثر.. مفيد جدا ويعيد النضاره بإذن الله للبشره والشعر. ومااداا عن الموية وعصير البرتقاال وش رايك فية علي فكررة انا خفت من وضعي الدوخة وصفاار الوجة ورحت حللت طلع الدم عندي سليم وقالت الدكتوورة مااتحتااجين حديد الاني بفترة الحمل يجيني فقر دم المويه ضروريه جدا جدا للنضاره اشربيها دايما ولالها تأثير ضار ابد.. بس لاتكون بارده مره. وعصير البرتقال الطبيعي مفيد جداً وماجاكم علي.. اشربيه كل يوم..واذا وقف الدم وبقى الافرازات اشربيه وحطي معه الرمان اللي وصفت لكم طريقته..مره باليوم طبعاً يالغلا.. كل اللي ذكرتي يعوظك عن اللحمه.. فيه طريقه لذيذه لطبخ اللحم.. بعطيك اياها ..وياليت تسوين لو اول اسبوع بس خذي قدر الضغط وحطي فيه الله يسلمك.. 2 بصل مقطع ناعم.. 2-طماطم مقطع ناعم.. 2-فلفل بارد مقطع قطع لحم صغيره هبر او بعظم عادي صلصه..شوي زيت قرفه عودين بهارات(كمون-فلفل اسود كثري شوي-ملح-ماجي شوي لو حبيتي) اخلطيييييييييييهم مع بعض زين مازين.. وحطي بيالة مويه بس واخلطي.. وسكري القدر واكتميه..وخليه على نار صغيره واطيه مررررره خليه من نصف ساعه الى ساعه الا ربع. بعدها ممكن تزيديه كوب ماء وتخلينه يغلي شوي وممكن تاكلينه كذا مع خبز او رز ابيض. واذا كنتي على كل حال كلش ماحبيتي حتى هالطريقه ترا الدجاج وقطع السمك تقوم مقام اللحم. بس كثري مرقتها علشان تقدرين تضيفين ماش بودره او حلب..وكلهم مع بعض مافي مشكله. ترا انا مثلك اول اللحم اللي ينطبخ بقدر عادي الله يكرم النعمه ماآكله ابد  لكن بقدر الضغط غييييييير رهيب طعمه ماتملين منه. يعطيك العافيه ***** الله بس عندي كم سوال 1- الحلبه يقولون في اول ايام النفاس مي زينه تسببب مويات احسن شي بعد 20 يوم 2- المره يقولون اذا نقعتيها يتحلل الرصاص اللي فيها وتسبب التهابات وتقرحات 3- التمر والرشاد نفس الشي يقولون اخر النفاس واذا سمعتى عن شي اسمه المحلب يقولون اهل حايل يستخدمونه اخر النفاس بلهمه ممتاز ماادري اذ اعندك خلفيه اتمنى تفيدينى لان بولد ***** الله واحترت بصراحه وبالنسبه للحم نفس الشي يقولون موزين اول النفاس اللي ماني فاهمته متى يبدا النفاس اذا كان كل شي مو او الايام متى .؟؟؟؟؟؟ 1- صح كلامك وهذاالسبب اللي يخلينا نقول انها اول الايام.. لانها بآخر الايام راح تفيدك لكن راح تخربك من تحت... 2-ليه المره من قال يطلع منها رصاص؟؟ هذي المره المغشوشه اشتري مره اصليه وانقعيها ولانت شايفه الا كل خير بإذن الله. 3-التمر والرشاد عكس الحلب يوقف الافرازات وينشفها لذلك الافضل يستخدم آخر الايام حتى ماينشف الدم بالرحم ويحبسه. المحلب تقول امي انه مو طيب الا للي متعوده تاكله.والله اعلم.  اما اللحم مو زين هذي نكتة الموسم اللحم لاااااااااااااااازم لزوم..اول الايام الوحده تطلع تعبانه ومنهاره ولازم تعيد بناء وتأسيس صحتها من جديد ولا راح تشوف اثر الاهمال بعد كم سنه اذا احتاجت صحتها ذاك الوقت. ترى اللي تفقده الوحده الحمل والولاده والنفاس مو سهل. وقبل اولد باسبوعين جمعت الاغراض ونظفتها من الغبار وغسلتها ونشفتها في الهواو الشمس وطحنت اللي يبي لها طحن وحطيت كل اغراضي بعلب وكتبت عليها وطبعت برنامجك وماشيه عليه بحذافيره الا في كم نقطه واضفت عليه شيئين انا سامعه عنهم برنامجي نفس برنامجك بالضبط ماعدا القرفه والزنجبيل انا اطبخ يانسون وقرفه وقشر لأنه معروف ينظف الرحم من الدم والاشياء الثانيه اللي فيه الشي الثاني انا مع قهوة المغرب آكل تمر معبوط واحط مع كاس القهوه الكبير نصف ملعقه صغيره مسمار مطحون معروف انه يلحم الجروح اذا انحط عليها بس طبعا مااقدر احطه على الخياطه فاشربه افضل اللحم مااحبه كثير صرت اكل دجاج ووجبة العشا الى الان مااكلت تبوله ولا سلطه ولا فواكه خايفه من سالفة انها تزيد المويات والافرازات فاستعيض عنها باني اكل بيض زي حق الفطور او قرصان بر بحليب او تمر وحليب وبقية برنامج ماشيه عليه بحذافيره السؤااااااااااااااااااااا ل المهم واللي اتمنى تردين عليه بسرعه انتي او من عندها خبره من الاخوات المجربات ان الدم وقف من امس وهو اليوم ال11 تقريبا عاشر يوم خف بس وقف امس تماما مابقا شي هل هذا طبيعي او فيه شي غلط علما بأني يوم ولادتي السابقه نفس الشي بعاشر يوم بس كنت حووووووووووسه اكل وشرب حوسه ولا اخذت اي شي الا اليومين الاولى لخبطه مره بس نفس الشي حصل بولادتي هذي وانا مطبقه برنامجك تكفين وتكفون يابنات وش السبب دلوني اخاف آخرة تعبي ولاشي ولاتقولون بردت والله اني اموت من الحر واتصبر اقول لا ابرد ويخرب تعبي ولا شربت ولا اكلت بارد اذا الوحدة منا ماتنفست زين في اخر نفاس لها ,,, تقدر تلحق وتعوض اللي خسرته في نفاسها الاول باتباع برنامجك في نفاسها الجديد عزيزتي قبل نفاسي الاخير اللي استخدمت فيه برنامجي هذا قد اتنفست نفاسين ولله الحمد والشكر.. كلهم اطلع منهم مويات ووسع خليها على الله بس.. الى درجت زوجي كان ينتقد بشده..بس ربك ستر.. حتى ماكان فيه احد ينصحك تتداركين نفسك بالدوره الله المستعان. الله يغنينا واياكم بفضله عن منة خلقه.. المهم تقدر اي وحده بإذن الكريم ترجع اللي فات بالاراده وبالعنايه ايام الدوره مو ضروري النفاس.. من ثلاث الى خمس دورات بالكثير وبإذن الله ترجع تمام.. بالنسبه اني اضمن لك برنامجي ..انا ماحطيته ضمان لاحد حطيته مساعده وتخفيف لكثير من البنات اللي عانوا ماعانيت بنفاساتي الاوله.. لهومات تسد نفسك عن الاكل وتخليك تنصابين غصبن عليك بالخوا والهوا والاكتئاب وتعب المعده.. بالنسبه لي شخصياً ولله الحمد استفدت منه وهذا اللي خلاني اكتبه لاني ابي شي واحد ..فائده تعم ودعوه تخص واسمع كثير عن مصطلح الخراب في المنتدى ,,,, الهواء والاتساع والافرازات الزايدة و المويات ,,, هل اتباع برنامجك يعالج المشاكل هذي نهائي الخراب الله يكفيك شره..صدقي فيه عساه مايجيك.. انا جربته مرتين.. والسبب الاساسي انا اعلمك فيه مو بس برنامجي.. السبب الجوع والاهمال..الناتج عن اللهومات اللي تسد النفس.. اتبعي اي برنامج تبينه بس احرصي على الاكل على سنع..والمشروبات الدافيه وبرنامجي حطيته تخفيف لاخواتي المسلمات وبإذن الله بينفعهم زي مانفعني وهذا ماارجوه. ان نفع فمن فضل ربي وان لم ينفع فأضمن انه لن يضر بحول الله وقوته. شي واحد تجنبيه بكل قوتك..التحاميل والخرابيط اللي تتدخل من تحت.. الا شي طبي ومكتوب لك كعلاج. *** مجهود تشكرين عليه لكن لية البرنامج مايحتوي على الرشاد ,,,,,لان من وجهه نظري مهم للنفاس والا ايش رايك,,, وبالنسبة للحسو ,,,مادري اذا تعرفينة هو يحتوي على اشياء كثيرة وطعمه حلو ,,,, يتاكل على الفطور او العشاء بالنسبه للحسو لامااعرفه بس اسمع فيه وبما انه وجبه تقوم مقام الغدا والعشا فمامنه الا فايده ان شاء الله. طعامكم بالغدا والعشا والفطور على ماتعودتوا هذي مجرد اقتراحات اقترحتها انا..وهي اللي انا ماشيه عليه.. ولافيه شك ان كل اهل منطقه لهم وجباتهم الخاصه. وبالنسبه للنظام لو رجعتي قريتيه بتلاقين الرشاد مذكور يالغلى بس ماانتبهتي اي افضل المره الحضرميه ولا المره العمانيه المنطقه مالي خبره بها.. لكن الشكل يوحي لك بالافضل المره اللي حمرا فاتحه على صفار هذي الاصليه ..البنيه والسودا ماهي طيبه. *** ثانيا ورق الزعتر هل يكون طازج ولا ناشف عادي ان لقيتي طازج امر طيب لكن الناشف اسهل واوفر في التخزين. *** ثالثا الزنجبيل المبشور هل يكون طازج طبعاً طازج خليه بعلب بالفريزر وخذي منه قدر حاجتك. *** رابعا بالنسبه للغسول الي ذكرتيه في الرابط الموجود على التوقيع غسول الالتهابات (ديو-سيبت) هل ينفع استخدمه وقت النفاس وكم مره والى متى مااستخدمته وقت النفاس.. لكن الافضل ماتستخدمين مواد صابونيه وفيك دم.. خليه لحد ماتطهرين احسن. *** واخيرا ممكن تشرحين لي طريقتك في تنشيف الادويه لاني محتاره احاف اطلعهم برا ويتعرضون للهوا والشمس اخاف يطيرون مع الهوا خصوصا الايام هذي عندنا غبار بالشرقيه والف شكر لك عندنا وعندكم خير .. الله يرحمنا برحمته الادويه الاهم انك تشتريها جديده وتنقيها مظبوط.. مسألة غسلها وتنشيفها هذا راجع لرغبة كل وحده.. ممكن تطحنينها على طول بعد التنقيه مع اني اشوف ان القرفه بالذات والاشياء اللي تنشرب يبي لها تنظيف جيد.. وماهي مشكله لانها ماتنطحن..تغسل كل ماجيتي تستخدمينها. بالنسبه للحلب والرشاد مايناسبه الغسل يكفي تنقيه وتهويه ان قدرتي.. لانه يتدرن بعد الغسل ... اي سؤال احنا حاضرين. والله ينفعني واياكم فيه. -العسل لاتشتري الغالي على اعتبار انه الاصلي وفي الغالب للأسف يغشون بغذاء النحله لتنتج لهم بوفره بغض النظر عن جودة الانتاج.. وانا اشتري من مده العسل الالماني langnese لانه ثبت بشهادة مربي نحل خبير انه الاصلي.. 4- التمر ممكن استخدامه معجون او عدل كله مفيد بس لقيت المعجون اطعم واشهىللأكل بس اذا كنتي بتلقين شي نظيف ومن ثقه.. 5-الحبه السوداء تخلط سبع حبات مع العسل وتؤكل كل يوم ملعقه على الريق من يوم الولاده الى 30 يوم.. بالنسبه للحبه السوداء ذكرتي نخلط سبع حبات حبه سوداء مع العسل هل تقصدين العسل الالماني يعني نحط سبع حبات بعلبه العسل كلها وكم حجم علبه العسل واسفه على اسئلتي الكثيره الوجبات: 1- الفطور: عندي خيارين بالنسبه لي هما: * سندويشة بيض مقلي مرشوش عليها ملعقه كبيره حلبه مطحونه +فلفل اسود **خبزه بالمقلاة عباره عن(بر+حلبه+حليب بودره+ملح+سكر+بصله) تعجن بماء وتدهن بعد ماتجهز بعسل وتؤكل بالعافيه. ***تمر + حليب اللي سبق شرحه. مهم آخر عشر ايام من النفاس راح يكون الفطور تمرمقلب بزبده على نار خفيفه معاه رشاد.. تشربين معاه قهوه او حليب اللي يعجبك.. 2- الغداء: *مرقة لحم مع خضار **مطازيز ***شوربة كويكر مع قطع لحمه لما تغرفي الغدا لأكله ضعي عليه ملعقتين ماش مطحون انثريه فوقه وكليه بالعافيه مع الحرص على اضافة الفلفل الاسود كذلك.. 3- العشاء: 1-تمر+حليب 2-اي فاكهه تشتهينها 3-سلطه خضراء او تبوله 4-ممكن وجبة اسماك من اي نوع تحبينه .. بالنسبه للفطور ذكرتي وضع ملعقه كبيره حلبه مطحونه (سؤالي الى متى وانا استخدم الحلبه هل الثلاثين يوم الاولى من النفاس وبعد كذا راح يكون فطوري تمر مع رشاد؟) بالنسبه للخيار الثالث للفطور ذكرتي التمر +الحليب سؤالي يعني اكل تمر عادي واشرب وراه حليب ولا يوجد هناك طريقه ثانيه لاكله ادري سؤال غبي بس تحمليني انا حريصه مره. بالنسبه للغداء ذكرتي ان لما نغرف الغداء للاكل نضع عليه ملعقتين ماش مطحون مع الفلفل الاسود سؤالي:ملعقتين كبار ولاصغار حق الماش وهل نستخدم الماش والفلفل الاسود مع الغداء طيله الاربعين يوم ؟ والله يعطيكي العافيه واستحمليني تراني غثيثه بالنسبه للحبه السوداء ذكرتي نخلط سبع حبات حبه سوداء مع العسل هل تقصدين العسل الالماني يعني نحط سبع حبات بعلبه العسل كلها وكم حجم علبه العسل واسفه على اسئلتي الكثيره قصدي مع الملعقه الوحده.. وممكن تاخذين من العسل الحجم الكبير ..او ممكن تشترين كل ماخلصت العلبه من عندك *** بالنسبه للفطور ذكرتي وضع ملعقه كبيره حلبه مطحونه (سؤالي الى متى وانا استخدم الحلبه هل الثلاثين يوم الاولى من النفاس وبعد كذا راح يكون فطوري تمر مع رشاد؟) بالنسبه للخيار الثالث للفطور ذكرتي التمر +الحليب سؤالي يعني اكل تمر عادي واشرب وراه حليب ولا يوجد هناك طريقه ثانيه لاكله ادري سؤال غبي بس تحمليني انا حريصه مره. الحلبه استخدامها على الكثير حتى العشرين يوم الاولى بس.. بعدها تقطعينها حتى من الخبزه اللي تكون من مكوناتها. التمر مع الرشاد تبدين فيه آخر عشر ايام او ممكن اذا انقطع عنك الدم تماماً قبلها.. بالنسبه للتمر + الحليب تاكلين تمر ممكن معجون مع كوب او كوبين حليب مفوح معاه فلفل اسود.. او تاكلينه حبات بالشكل اللي يعجبك..مكنوز او تمر ثلاجه اللي يجي بعلب برضه مع حليب حار.. بالنسبه للغداء ذكرتي ان لما نغرف الغداء للاكل نضع عليه ملعقتين ماش مطحون مع الفلفل الاسود سؤالي:ملعقتين كبار ولاصغار حق الماش وهل نستخدم الماش والفلفل الاسود مع الغداء طيله الاربعين يوم ؟ ممكن ملاعق كبار حقت الشوربه وممكن صغار في البدايه حتى تتعودي على طعمه فايدته للعظام عظيمه جداً..حتى اللي جربت النفاس من قبل يابنات ولاكانت تاخذ ماش واخذت هالمره بتحس بالفرق بقوتها البدنيه وسلامة رجولها وظهرها من الالم الدائم كم سنه بعد الولاده.. احرصوا على صحتكم لان السلبيات ماراح تظهر الا بسن اليأس او قريب منه.. انتي تامرين امر يالغاليه واسألي زي ماتبين عسى ربي ينفعني واياكم ويصلح النيه والذريه. *** عقد الالماس الله يجعلك من دعواتك الطيبه اعظم الحظ والنصيب جزاك الله عني خير. *** ممكن اختي بازيد كم سؤال على اسئلتي السابقه وتحملينا الله يجعل تعبك في ميزان حسناتك انا ملتزمه جدا بنظامك والحين كملت العشرين يوم ووقفت الحلبه وابي اسألك عن قشر الرمان هل ممكن الاستعاضه عنه بشرب العصير لأن طعمه مر جدا واذا لا مالنا الا نشربه ولو مر عشان نستفيد وبعدين وش فائدة الحبة السودا على الريق مع العسل مااحس بفرق معها مع اني ملتزمه ولا لخبطت بأي شي ابد الى الآن الله يستر والتزم الباقي مع ان برنامجك سهل مايحسس بالتعب والزعتر قبل النوم وش فائدته احسه بنومني مررررره وفيه شي بعد انا افكر اتبخر بمره وكمون وخوا جوا هل عندك خبر عن الموضوع وهل من تجاربك السابقه حسيتي ان الكبو شين وعلى فكره كلمتني وحده خويتي والده قبلي بفرته خوفتني يوم قلت لها اكل ماش وزين قالت بس ينزل المويات فقمت قطعته من اليوم العشرين زي الحلبه صح والا خطأ والرشاد تقوول ليش الى الحين مااخذتيه وانها هي اخذته من رابع يوم وتقول ان الرشاد هو اللي ينظف الرحم وينزل الدم وعلى فكره نسيت اقول لك ان الدم انقطع بس يومين ورجع والحين كملت الواحد وعشرين بكره 22 ولازال معي الدم بس اخف عن قبل يعني جد احس اني نظفت تمام وان كل الوسخ جالس ينزل مع برنامجك الحلو آسفه للاطاله بس انا عاهدت نفسي اني اكتب النتايج السلبيه والايجابيه وبصراحه للآن ماشفت الا الزين بقا ابو الشباب نشوف رأيه اذا خلصت انشاء الله على خير وسؤال بعد هل التزم بنفس البرنامج مع اخت النفاس والا لا |
||||||||||||||||||||||||||||||||||||
|
|
||||||||||||||||||||||||||||||||||||
عزيزة النفس 
|
02-09-2011, 11:52 PM
|
المشاركة رقم: 2 | ||||||||||||||||||||||||||||||||||||
|
كاتب الموضوع :
عزيزة النفس
المنتدى :
منتدى فترة النفاس
رد: ملف كامل لمروبات وماكولات النفاس بالتفصيل
هلا بالاخت الغاليه |
||||||||||||||||||||||||||||||||||||
|
|
|
||||||||||||||||||||||||||||||||||||
)
<< تلميح...|
02-09-2011, 11:56 PM
|
المشاركة رقم: 3 | ||||||||||||||||||||||||||||||||||||
|
كاتب الموضوع :
عزيزة النفس
المنتدى :
منتدى فترة النفاس
رد: ملف كامل لمروبات وماكولات النفاس بالتفصيل
انا دائم اسمع عن العنزروت كيف طريقته ومن متى استخدمه عزيزتي بالنسبه لي ماجربته لكن اسمع الحريم الكبار يذكرونه |
||||||||||||||||||||||||||||||||||||
|
|
|
||||||||||||||||||||||||||||||||||||
تحلينها بمويه وتشربين مقدار ملعقه صغيره|
02-10-2011, 12:04 AM
|
المشاركة رقم: 4 | ||||||||||||||||||||||||||||||||||||
|
كاتب الموضوع :
عزيزة النفس
المنتدى :
منتدى فترة النفاس
رد: ملف كامل لمروبات وماكولات النفاس بالتفصيل
فأهملت نفسي من ناحية الأكل لأني مشغوله مع العيال وما أصدق أوجد فرصه علشان أنام ، الشي الوحيد إلى عملته إني أشرب الحبة الحمراء بس مش كل يوم ياللاسف ليه كذا..الصراحه اهملتي نفسك بشكل كبير جدا.. |
||||||||||||||||||||||||||||||||||||
|
|
|
||||||||||||||||||||||||||||||||||||
|
02-10-2011, 12:14 AM
|
المشاركة رقم: 5 | ||||||||||||||||||||||||||||||||||||
|
كاتب الموضوع :
عزيزة النفس
المنتدى :
منتدى فترة النفاس
رد: ملف كامل لمروبات وماكولات النفاس بالتفصيل
انا ستخدم الادويه زي ماقلتي حسب قدرتي واشرب شاهي زنجبيل طازج وقرفه العصر نايمه اشرب المغرب وقبل الليل وزعتر ماعندي وحلبه اشربها مع الحليب حاطه بزمزميه حلبه مطحونه وزنجبيل وعسل واصب عليهم حليب حار واسكره واخليه عند راسي وبس اشرب منه كل ماقدرت اقوم لايكون غلط |
||||||||||||||||||||||||||||||||||||
|
|
|
||||||||||||||||||||||||||||||||||||
<< متفشله |
09-26-2011, 12:28 AM
|
المشاركة رقم: 6 | ||||||||||||||||||||||||||||||||||
|
كاتب الموضوع :
عزيزة النفس
المنتدى :
منتدى فترة النفاس
رد: ملف كامل لمشروبات وماكولات النفاس بالتفصيل
جزاكي الله خير |
||||||||||||||||||||||||||||||||||
|
|
|
||||||||||||||||||||||||||||||||||
|
09-26-2011, 12:59 AM
|
المشاركة رقم: 7 | ||||||||||||||||||||||||||||||||||||||
|
كاتب الموضوع :
عزيزة النفس
المنتدى :
منتدى فترة النفاس
رد: ملف كامل لمشروبات وماكولات النفاس بالتفصيل
جزاك الله خيرا على الملف المتكامل
|
||||||||||||||||||||||||||||||||||||||
|
|
|
||||||||||||||||||||||||||||||||||||||
 |
| مواقع النشر (المفضلة) |
جديد منتدى منتدى فترة النفاس
|
|
|
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ملف كامل لطرق العنايه بالجسم والمنطقه الحساسه في فتررة النفاس | عزيزة النفس | منتدى فترة النفاس | 15 | 11-24-2013 08:40 PM |
| أكلات من تراث القصيم تفيد النفاس ملف كامل بالصور | عزيزة النفس | منتدى فترة النفاس | 10 | 01-11-2013 11:29 PM |
| مشروبات النفاس,قهوة النفاس,قشر القهوه للنفاس | عزيزة النفس | منتدى فترة النفاس | 6 | 09-09-2012 12:13 PM |
