هذي هي قصة حياتي

[امنيتي اكون ام]

خطبني شخص مثل المواصفات الي كنت اتمناها ..
فرحت مثل اي بنت تفرح في يوم مثل هذا اليوم .. شفته وشافني وارتحت له كثير وراح
وصورته طول فترة الخطوبه مافارقت خيالي وامنت وقتها بالحب من نظره
كنت اصلي وادعي ربي بكل صلاه انه يجي يوم قريب ونتزوج
على العلم انه كان طالب .. كنت ادعي واردد اللهم ياجامع الناس في يوم لاريب فيه اجمع بيني وبينه
على ماتحب يارب
والحمدلله مرت الايام سريعه وملكنا وحبيته وحبني لدرجة كان الكل يتكلم عن حبنا الي جا بدري
قدما موعد الزواج والكل كان متخوف من هذي السرعه رتبنا كل امور حياتنا بس عشان نكون انا وياه سوا
ونعيش ببيت واحد
والحمدلله ربي يسر لنا وتزوجنا
سالني مره في الخطوبه عن موضوع الاطفال وقلت له انا في يوم ميلادي صديقاتي قالو لي ايش تتمنين
قلت اتمنى ان يوم ميلادي الجديد احتفل فيه مع طفلي وكنت ابكي وانا اقولها لهم ووقتها كنت بس مخطوبه
احب الاطفال بشكل غير معقول اموت اموت فيهم وبجوهم كنت اشتغل في روضه عشان اكون قريبه منهم مع ان الراتب كان جدا ضئيل
لم عرف زوجي وجهة نظري وشغفي للاطفال قالي انا ما افكر فيهم حاليا ابي بعد سنه من زواجنا تحملين
وقلت له الي يريحك ..
لم تزوجنا ما اخذت موانع نهائي وكل شي كان غريب.. سافرنا اول ايام كان يجيني كنت اتخوف من الكلام الي اقراه عن البنات وتجاربهم في ليلة الدخله
صار شي غريب يمكن استحي اقوله بس والله حالتي الي انا فيها اااه بس الله كريم
الي صار ان زوجي بعد محاولات كثير تفشل دخله فيني وانا لابسه شي خفيف باقوى شي عنده
وماتوقعت اني فقدت البكاره عشان الوضعيه وكنت اخذ قبل الزواج حبوب تاخر الدوره
رحت الحمام الله يكرمكم لقيت نازل معي دم فاتح فاتح مرا خفيف وردي يميل للون البيج
رحت الصيدليه شرحت حالتي للصيدلانيه وبصعوبة اللغه استوعبت قالت عادي تصير وعطتني فوط صحيه
رجعت لقيت الدم يزيد والدوره جايتني وانا ماخذه حبوب تاخرها
استمر الدم تقريبا اسبوع بعدها جاني زوجي بس مشكلتي اني دايم اخاف واكون متمدده على ظهري وافتح رجولي شي بسيط وعندي تشنج لا ارادي في فخوذي لم يحاول يفتحها اكثر
احاول كل مره اصلي ادعي ان خالخوف يروح وللاسف احسه يزيد
تعبت نفسيا وصرنا على هذي الوضعيه والحاله تقريبا 4 شهور
وطول هالفتره كنت احاول اقنعه بالحمل وهو يمنع نفسه
بعد 5 شهور تقريبا صار يبيني احمل وقرر ان كل شي يكون طبيعي بدون موانع
المهم الشهر الاول انتظرت حمل ولاصار
رحت لدكتوره على اساس انها بتشوف ايش المشكله انصدمت من نفسها الخايسه
دخلت فيني حديده للكشف خلتني اتعقد بعدها وقمت ماتحملت الالم ورفضت انها تدخلها فيني
سوت لي اشعه الي تحت السره قالت بويضاتك حجمها صغير جدا اخذي كلوميد وابره تفجيريه
وانشالله تحملين
اخذتها وانتظرت حمل الشهر وللاسف جاتني الدوره
بعدها قالت لي امي بوديك عند وحده من الطب الشعبي تمرخ وكويسه ماكنت ابد أأمن بهالسوالف بس لم اتذكر ان هذا الشي بيخليني ام بعد فضل ربي اضغط على نفسي واروح
قالت لي مبايضك سليمه والدكتوره الي رحتي لها نصابه
رجعت واخذت تحاميل ملح ومره وماني عارفه ايش من هذي الحرمه واستخدمتها كان حجم التحاميل كبير مره وتحملت عشان اكون ام
بعدها جا زوجي قرا في وضعيات الحمل اني لازم انام على ظهري واكون رافعه رجولي فوق وفاتحه فخوذي
حاول معاي مره ثنتين ثلاثه والتشنج اللا ارادي مستمر الين ماعصب مني مره وقالي انتي شكلك للحين بنت ولا انفتحتي
جلست اصيح واشك بهالشي ايام كثير وبنفس الوقت اسال نفسي كيف دخلت التحميلات
وكنت اوقف ولاتطيح ومره ثانيه اقول اجل لو اني انفتحت كيف ما احمل
وجا الشهر الي بعده ولا حملت لخبطت دورتي بس

بعدها رحت لحرمه ثانيه عن طريق وحده من البنات تمرخ ومدحتها لي قالت لي نفس الكلام رحمك مايل وخذي لك ادويه طعمها ماينذاق شي ع الريق وشي قبل النوم وحوسه
وتحملت قلت ان شالله هالشهر حامل
وللاسف كل شهر اشتري اختبار الحمل ويطلع سالب ومع كل سالب سائل دموع

احس الدنيا ضاقت فيني ولا اتحمل الي انا فيه انا بنت اولا انا عقيم اولا كل هالاسئله لخبطت حياتي
والي يحطمني شعوري بالنقس قدام كل الي تزوجو معاي وحملو وبعضهم ولدو بعد
ما احسدهم وربي يشهد الله يهنيهم ويرزقني بس صار زوجي من اجي اقوله جاتني الدوره كاني مبشرته بعز االله يحفظنا
مره تعبت رحت العمره دعيت الله وبكيت يارب ياكريم كما بلغتني بيتك الحرام بلغني بخبر حملي
يارب لاتذرني فردا وانت خير الوارثين
رجعت من العمره وجاتني الدوره والحمدلله على كل حال
بس الي صار ان هذا الشهر ياست ولا افكر اروح اتعالج صار تفكيري بالانابيب ومره اقول ودي اروح
لاي دكتوره اقولها انا عروس شوفي انا بنت اولا
تفكيري تشتت
والله كريم
شورو علي افيدوني الله يوفق من تساعدني