الحمدلله فوق كل شي :)

[ام توته باذن الله]

صباح الخير
هالشهر كملت سنتييييين من بعد الاجهاض والحمدلله. تمنيت كثير اني اكون حامل لكن جاتني الدوره امس
لكن ربيي كاتتبلي الخير اكيدد
مابقولكم عن نفسيتي وهالكلام اكيد كل محرومه عارفه شحس اللحين :)

المهم زوجي عدد حيواناته 15 مليون بس ممكن يصير حمل ؟
النسبه ضعيفه ومو متعاون معي من ناحيه العلاج وقريت انه لو اهملها تنقص اكثرررر واكثر لين ماتوصل صفر الله لايقوله هالكلام صحيح ؟
اللي تعرف فيتامينات ممتازه للرجال من جي ان سي ياليت تعطيني اسمها
وافكر اسوي اشعه صبغه بس والله خايفه من الامها كثير وهو اللي متردده عشانه

واللي تدخل تدعيلي بالحمل الله لايحرم ولا وحده من ضناها يارب ترزق كل خواتي المتاخرات بالحمل

[عاشقة السفر]

يارب يرزقك الحمل عاجلا غير اجل ، حبيبتي هو صحيح لازم يكون عدد الحيوانات أكثر من هالعدد بس هو يحتاج حيوان منوي واحد فقط للتلقيح فاعتقد ١٥ مليون نسبة جيدة ماشالله وإذا أراد أن يقول للشي كن فيكون دائماً تذكري هالشي.. أما بالنسبة للحبوب في حبوب اسمه elve it هو مخصوص لزيادة ا للحيوانات المنوية والعسل مفيد جداً .. وانا عملت أشعة الصبغة والله ما حسيت بشي والحمد الله حملت بعدها علطول ..

[حياتي توأمي]

حبيبتي سارون
الله يرزقك يارب بواسع فضله وكرمه ان الله كريم بعباده
انا زوجي ماكان متعاون بالعالج معاي وفوق كل هذا قدرة رب العالمين فوق كل شيء
عليج بالصدقه بنيه الحمل والدعاء لله والتضرع له والالحاح أكثري من الاستغفار خلي يوصل استغفارك آلاف المرات باليوم
وصدقيني راح تشوفي اللي يسرك بإذن الله

وخذي طبعاً بالأسباب
حبيبتي اعملي اشعه الصبغه فهي بإذن الله بعد ارادة الله تسهل مرور الحيوان المنوي داخل قنوات فالوب وبالتالي تسهل تلقيح البويضه
الله يرزقك حبيبتي
ولاتخافي ابداً آلامها جدا بسيطه ومحتمله
أغلب البنات حملوا بعدها وانا منهم حملت بعد اسويتها تقريباً بشهرين
توكلي على الله حبيبتي وسويها مالها ضرر ابداً ألمها مثل ألم ومغص الدورة لعدة دقائق معدوده فقط وبيعطوكي مضاد قبل وبعد الاشعه . ماعليكي شر ان شاء الله

[عاشقة السفر]

في شئ ثاني حبيت أذكره ، انا بعد ولادتي بابني ما حملت لسنتين ونص ، ما في دكتور مازرته! والله شلت فكرة الحمل من راسي ،، في يوم كنت ابحث بالنت وشفت موضوع عن الالتصاقات، وانا شكيت انو عندي ، لان بعد ولادتي بابني جزء من المشيمة كانت ملتصقة وصار عندي التهابات ... وبعد هالسنتين رحت للمستشفى وعملت أشعة الصبغة وتبين عندي التصاق بجهة الرحم اللي شالو منه المشيمة، والحمد لله علطول فكو الالتصاقات مثل ما قلت من قبل حملت علطول .. وعادة الالتصاقات يصير بعد الاجهاض أو اي عملية للبطن . حبيت أفيدك ويارب تحملي .

[غيمة فرح]

الله يرزززقك ياارررب

[سالي45]

صبآح النور ()
ماعليه حبيبتي علها خيرة ق1
+
فيه فيتامينات كويسة بالجي ان سي بأذن الله اذا رجعت بكرة بصورلك اسمها وارسلها لك
+
خليه يكثر مآء وجرجير وحبة سودآء وعسل وترا الحجامة تزيد عدد الحيوانات المنوية
الله يسهل لك يآرب :"

[روح سعيد]

حبيبتي سارونه
الله يرزقج يا رب
عليج بالاستغفار حبيبتي والله يسخر ريلج يا رب ويرضى يتعالج

[الماسة26]

في حبوب وصفتها الدكتوره لزوجي إسمه Fertility blend + E-Complex وفي غيره بعد بس أرجع البيت بشوفه برسلك إسمه




أسألك اللهم يا مالك الملك يا من تؤتى الملك لمن تشاء وتنزع الملك ممن تشاء وتعز من تشاء بيدك الخير كله . يا حى يا قيوم . يا رحمن ويا رحيم .

لا تذرنا فردا وأنت خير الوارثين يا أرحم الراحمين . أدعوك اللهم إنك ترزقني وأخواتي المنتظرات الذرية الصالحة والخلف الصالح وتجعلني وتجعلهم مقيمى الصلاة ومن ذرياتنا وذرياتهم

ربى وتقبل دعــــــــــــــــاء..........

[رنيم1]

الله يكتبلك الحمل وهو على كل شئ قدير ويفرح قلبك يارب ..

[السعاده بطاعة الله]

الله يعوضك سارون بالعكس اشغة الصبغة ألمهد بسيط اناسويتها والله ثواني وانتي مخلصه بس مدري ليه مهولينها البعض