لله الامر من قبل ومن بعد

[sharo_shereen]

السلام عليكم حبيباتي
انا كنت كتبت موضوع هنا عن اني طلعت حامل بعد معناة مع الاجهاض لمدة سنتين وقد ايه كنت طايرة من الفرحة
وكل الاخوات الله يجازيهم عني خير كانوا بيدعولي ودعواتهم كانت بتفرحني جدااااااااااااااااا
لكن اللي حصل اني امس كنت مسافرة عند ناس اقارب زوجي وخرجنا نقضي يوم علي البحر
وبعد ما صليت العصر بساعة لاقيت مغص وحاجة سخنة نزلت روحت علي الحمام وانا في طريقي للحمام كنت بدعي انها تكون افرازات ولما دخلت الحمام عشان اشوف ايه اللي حصل لاقيت فخدي غرقان دم احمر مش غامق زي دم الدورة
ومالوش ريحة بصراحة مقدرتش امسك نفسي بكيت كتيرر جدا ولما هديت رجعت للناس بس كان باين علي
جوزها سالني مالك قلت مافيش ضغطي علي شوية ومراته سالتني بيني وبينها محبتش اخبي عليها لتفتكر انها عملت شيء ضايقني حكيت ليها اللي حصل زعلت خالص لانها عارفة اني نفسي اخلف وان لو كان علي اخر حمل كان المفروض ولدت في العيد الكبير
عمري ما حسيت اني مقهورة بالشكل ده بس الحمد لله ما قلت شيء يغضب ربنا كنت دايما اقول انا لله وانا اليه راجعون
وبعدين لما روحت فكرت ممكن تكون دورة متأخرة طيب لو دورة نتيجة الاختبار اللي ظاهرة جدااواعراض الحمل من كبر هالة الصدر والغممان والدوخة وغيره
انا حاسة اني تايهة ومش فاهمة حاجة
اسفة اني طولت عليكوا بس حبيت افضفض لاني محدش يعرف موضوع حملي غيركوا حتي ماما واختي ما يعرفوش كنت مستنية اطمن الاول واتاكد ان كل شيء تمام وبعدين افرحهم