الفحص بعد الاجهاض

[أم عمران]

السلام عليكم ورحمة الله وبركاته
عيدكم مبارك خواتي شخباركم؟؟ ما بطول عليك بدخل في الموضوع دايركت اني طرحت جنيني قبل شهر وكان عمره 5 شهور واسبوع وحاليا اني للحين ما طلعت من الاربعين بس الدم وقف عني صار له فترة وعلاقتي بزوجي رجعت طبيعيه وسبب الاجهاض عندي قالت ليي الدكتورة انه عنق الرحم كان ضعيف فقالت مرة ثانيه لازم ايسوني ربط , وقالت يفضل اني اتاخر في الحمل على الاقل 3 شهور بس اني صراحه خاطري احمل لاني صار ليي سنتين وشوي متزوجه وفي حملي الاول تاخرت لين ما حملت بس المشكله يا بنات انه يو اطرح عطوني موعد للمراجعه في المستشفى والموعد بيكون في شهر 12 ومكتوب في الموعد انه بيسوون التراساوند اعتقد هي الفحص حق عقب الولادة . سؤالي الحين لو صار حمل في هالفترة قبل الموعد هل الالتراساوند بتاثر على الجنين لانه بيكون توه متكون؟؟
وياريت تخبروني عن شلون هالفحص اللي عقب الولاده؟؟ لانه سمعت يقولون انه احتمال يدخلون شئ في المهبل للرحم عشان ياخذون عينه ( وهالشئ اعتقد مو زين اذا في حمل ) صح كلامي ؟؟؟ ومشكوووورين ومسامحه طولت عليكم
ودمتم بخير