بنت عم زوجي وامها ومشاكلهم بيننا ..

[sweet moon]

هاذي مشكله لوحده من اخواتنا في المنتدى

طلبت مني انزلها في القسم


_______________________________


السلام عليكم :
أعتذر بنات لأني ما رح أقدر أعرض مشكلتي بنفسي لأني بشبك من لاب توب زوجي ومرات بنسى أسجل خروج وبخاف زوجي يشوف الموضوع وتصير بيني وبينو مشكلة زيادة على إلي موجود ....
بنات قصتي :
زوجي عندو بنت عم كانت أمها قبل زواجنا إلي صرلو سنة و3 شهور تحاول تزوجها إلو وصرحتلو بالموضوع لكن هو كان رافض على أساس إنو هي متل أخته ....بعد ما تزوجنا بأشهر خطبت بنت عمو ولما راحلهم زوجي على البيت يباركلهم ما رحت معو ولما رجع قاللي قعدت هي وأمها يغاضو في ويجاكرو ويعرضو عليه ايش خطيبها جابلها هدايا ... ملاحظة أنا والله فرحت لها لما خطبت. المهم شاءت الأقدار إنو ما زبط موضوع خطبتها وفسخو الخطبة بعد أكم شهر .
المشكلة بدت بعد ما ولدت رحت تنفست ببيت أهل زوجي وبيت عمه ساكنين بنفس العمارة فكانت زوجة عمو كل ما سمعت ابني ببكي تيجي من شقتها ترن الجرس وتقلي ليش ببكي يا حرام اشي شكلك مجوعتي واشي شكلو ما خد برد واشي ما بتعرفي تحملي مزبوط ... وكل هاد وأنا محترمة الناس إلي أنا عندهم وما عم بجاوبها لأجلهم ... ومرة من المرات اجت تقول لزوجي إنو الجارة اشتكتلها من صياح ابني طول الليل ....
كمان بعد ولادتي ... أجت حاملة لزوجي زيتون ومخللات وقالتلو عملتلك إياهم وأنا وقتها ما قدرت أسكت قلتلها بس إلو يعني أنا ما آكل وزوجي أخدها إنها مزحة وبس
بنات كمان بحسها بتتجنب إنو أشوف بنتها تمام يعني مرة قالت انها مريضة وسألتها تاني يوم عنها بطيب قلب وردت علي بجلافة وقلتلها طيب بدي أطلع لشقتكم أنا وبنت حماي نشوفها فقالت لأ استنو هلأ بطلع أن للبيت عندي كم شغلة بخلصهم وبنزل أنا وياها وطبعا راحت وما رجعو
أهم شي وإلي بدي مشورتكم فيه هيي بنات قالت قدامي وقدام حماتي وبنت حماي انها عندها كتاب عن لغة الجن وعم تتدرب منو .... وأقلكم والله من هذيك الأيام وأنا حاسة المشاكل بيني وبين زوجي يومية ... زغير هيك كمان لما كانت تيجي سيرتها بيني وبين زوجي كان يصير يتخوت على الموضوع وآخر مرة قاللي ما عندك فضول تتعرفي على بنت عمي ,وووييييييي جنيت بس قلتلو لأ وسكرت الموضوع .... ما بعرف شو بدي أسألكم بس بدي رأيكم بقصتي وأي نصائح أو على الأقل دعواتكم
ومشكورين جميع حبيباتي مقدما لأني ما رح أقدر أرد عليكم بالموضوع