هل السفر ممتع للحامل؟؟

[اجوان]

هاي عسولااااات كيفكم

حبيت استفسر من العضوات الجميلات ,, انا زوجي مره مشتهي السفر بالصيفيه
وانا بالصيف بكون بالشهر الخامس تقريبا ,, وبصراحه مره متحمسه اسافر بس استفسار بسييييط

انا بكريه يعني اول مره احمل << لاياشيخه

فهل الحامل بالشهر الخامس لو سافرت راح تنبسط وتروح وتجي وتاكل وتدور بالملاهي وتلعب العاب خفيفه وتتمشى بالمنتجعات ولا اروح واتعب واتبهذل عالفاضي ؟؟؟؟

بليز افيدوني عشان نبغى نخطط من الحين

طيب سؤال ثاني

لو قلتو ايوا عادي مثلا
ايش رايكم نروح مكان جديد ونستكشفها ونسوي مغامرات
ولا نروح مكان قد رحنالو من قبل ونروق ونستجم فيه ونخلي الاستكشاف بعدين ؟؟

وبس

[سمار]

الأفضل انك تخلي اللعب والإستكشاف بعدين أحسن لك وللجنين علشان ماتندمين بعدين
خليها بعد الولاده وقتها روحي براحتك وبالعكس بتكوني محتاجتها أكثر ممتعه أكثر والحين خليها سفره عاديه مافيها أي مجهود زايد
والله يتمملك على خير

[اجوان]

سمار,,
مشكوره حبيبتي عالرد :)
بس يعني بالخامس راح اقدر امشي ونتمشى ونصحى الصباح وكذا ولا مرهق ويكون في احساس ثقل؟؟؟

[أم البيبي]

ياقلبي نصيحتي لك اجلي السفر لان الحامل محتاجه راحه حتى لوماتحسي بتعب بس عشان البيبي خذيها نصيحه من اخت مجربه مارحمت نفسي والنتيجه فقدت بكري واول فرحتي

[شعاع الشمس الدافئ]

نصيحة من محب اجلي السفرلبعد الولادة وجددي شهر العسل
الحامل تحتاج لراحه والسفر مرهق وتعب والله يكتب لك السعادة

[ام تميم 66]

اخل السفر لين تولدين با السلامه يا الغلا,,,

[اجوان]

مشكوووووورين عالنصائح اجل شكلي راح أأجل الفكره لبعد الولاده مع اني مره نفسي اغير جووووو :(
بصراحه من كلامكم خفت يصير لي ولا للبيبي شي الله يستر ..

[حسايف]

اجلي سفرك لبعد الولاده احسن ويكون نوع من التغيير

انا سافرت وكنت مره محافظه على نفسي لا امشي ولا اتعب نفسي

با الاخير رجعت من السفر ونزل معي دم ومنعتني الدكتوره من المشي والطلعات

[تذكار25]

امممممممم ... انا لو مكانك بسافر بصراحة >>> تعشق السفر
بس بروح مكان فية استجمام وهدوء ويكون مافية تماشي وطلعات كثير عشان النفس امارة بالسوء ههههه ماراح اقدر اقعد وفي مكان مارحت له
استخيري احسن

[Dado]

حبيبتي اجوان انا نفس الحاله نفسسسسسسسي اسافر ماليزيا مره تانيه
اختي تقلي ما انتي عايشه بامريكا ليش كل دي الطفاسه

بس قررنا لما اجيب البيبي نروح انا و زوجي وحخليه عند اهلي
انشالله

ارتاحي اهم شي النونو يجي بسلامه وبعدها كل شي مقدور عليه