صدت زوجي يكلم بنت خاله شاسوي ساعدوني

[ايمان31]

السلام عليكم ورحمة الله وبركاته

صدت زوجي يكلم بنت خاله عالبلاك بيري والله اين فقدت اعصابي وانهرت لما شفت الكلام الي دار بينهم كلام بذئ ما ينقال ولما كلمت زوجي. قال لي ليش. تتعبثين في تلفوني والله انه طلب مني اسامحه وقام يبكي وقال انها غلطه وماراح يكررها ولما سالته ليش انا مقصره معاك كنت حاسه انه بيقول اين السبب وصدق احساسي لما قال لي اين مقصره معاه وما ياخذ حقه بس شاسوي انا متنسيه فيه واكرهه لما يجرب يمي او اشوفه معاي في الغرفه بس هاذي مو عذر والله اين افكر بالطلاق ما اقدر انسى الكلام اللي قريته بينهم واحس اين لي شفتها بتهاوش معاها لا وقليلة الادب تسال عن ابوه بعد مع انه مسحها جدامي من لستته بس والله الشك لاعب فيني لعبه شاسوي نوروني الله ينوركم فيني قهر فيني حره

[العطر الفرنسي]

يالله هااادي صااارت عاااده عند الرجااااال اعوذبالله منهم والله مايخافو الله .. حسبي الله فيهم ...
شو أحكيلك ولاشو وولاشو كل شي قليل بحقهم ..أووووووووووووف منهم ..

هلا الله يصبرك حبيبتي ويكتبلك القوه والصبر وعفكره مو بس هو كل الرجااااال كدا الخيانه بدهم حتى بالنظر ...
هلا لازم تطولي بالك ولاتاخدب الأمور بعصبيه وحاااولي تحليها بهداووووه وتحوليها لمصلحتك وتخلي متل الخاتم بإصبعك .... يعني ممكن تسااامحي بس تنشفي ريقه وتطلعي عيونو ليلمسك .. وخيري ياإنتي يا الحرااام ...
وعاقبي بالهجر ولاتسلمي نفسك بسهووووووووووووووله ...
لازم تعرفي تستخدمي عقلك ولاتستعجلي بإتخاااد القراااااار ...الله ينور قلبك بالخير ويصبرك ....

[abrar]

عذبونا هالرجال الله يهديهم
الخيانه بدمهم
وبنت خالته ذي حسبي الله عليها لاتسكتين لها افضحيها عند ابوها واهلها والعني اللي جابها والله هالحين به الزمن صار البنات مايستحووووووووووون ابدا تكلم ولد عمها او ولد خالها يعني عادي تكلم واحد يقرب لها احس قبل مستحيل تكلم واحد تعرفه الحين عـــــــــــادي الله ياخذهم والله يسخر لك زوجك ويبعد عنه الحرام

[TOomy]

حبيبتي والله لو انا مكانج ما اسكت وحده تكلم زوجي وكلام اعوذ بالله
كلمي بنت خاله ولازم تشوفين لها صرفه وماتخلينها تكلم زوجك
صج ما تستحي
بس الله يعينك

[شوق زوجها]

الله يهديه ويسخره لك
ونصيحه لاتفضحين البنت لانك بتفضحين زوجك معه الغلط مو بس منها منه هو ولا ليش يضيفها ويسترسل معها بالكلام البذئ
ادبيه بطريقتك والله يمسح ع قلبك

[سموةالجرح]

كلمي خاله او مرت خاله وبلغيهم ولاتنقهرين ولا شي بلا بها الأشكال

[منتهى الرقة]

الله يعينك
بصراحه الغلط من زوجك لانه حتى لوفرقتي بينه وبين بنت خاله بيلاقي مليون غيرها ياكثرها الاشكال هذي

[امنيتي بتوأم]

هلا وغلا حبيبتي
اول شي لازم تكلمين اهل البنت والكلام لا يطلع برا بس بينك وبينهم
عشان يأدبون بنتهم وينتبهون لها وزوجك لازم يأخذ درس منك واذ احتاج الامر كلمي ابوك او اخوانك عشان يكلومونه عن تصرفه اللي سواه ويتأدب ويأخذ درس
وبالأخير الله يسخره لك وان شاء الله يتوب لربه ومايشوف ان شاء الله غيرك

[سيدة الغرام]

هلا وغلا حبيبتي والله لو انا بدلك والله العظيم الفضحه عند اهله ماخليها في حالها
بنات الايام ماعاد صارو يستحون مثلنا لي تكلام ولد خالها ولا ولده عمه والخ بس ماقول الله يهدي هالرجال كذا والله مامعاكي الاصبر والله يهدي زوجك ويسخرلكي ياقلبي

[زهره الرمان]

كلميها وقولي لها ترى زوجي يلعب معاااك بسواااليف هو قالي

وقولي لزوجك هي ماتدانيك وتقول انها بس تطقطق عليك وماتبغااك

يعني فرقي بينهم وقولي لكل واحد منهم لاتقولين له عشان هو مأمني وبس

رأيي

( واذا ماارتحتي روحي كلمي امها قدامها )