معاناتي مع الالتهاب + كيف اتخلص منه بطرق طبيعية !!؟

[حبيبةة امها]

يسعد مسائكم ..

انا عندي التهابات حادة مره يقولون التهاب وصديد ومره بكتيريا مره فطريات و الخ ..

عطوني مضاد قوته 500 مرتين باليوم .. كنت ابي ارفض لأن اعرف نفسي المضادات ماتناسبني من وانا صغيره بس هالمره رضيت عشان اتخلص من الالم و منها احافظ على اللي ببطني لان قالوا لو ماعالجتي تجهضين .. المهم بدأت استخدمه اول يوم عادي بس صرت استفرغ وثاني يوم صرت ادوخ و صار يغمى علي و اهلي قالوا وقفيييه خلاص و زوجي قال لاتاخذينه .. قلت على الاقل اكمل 3 ايام وبعدها اعيد التحليل لان هم قالوا 3 ايام نعيده نشوف نفع او لا .. وصبرت عاليوم الثالث ورحت و عدت التحليل طلع نفس الشي والعلاج مانفعني .. الدكتوره قالت ماناسبك و بالعكس زاد و الخ .. كتبت لي مضاد ثاني و غسول و كريم و تحاميل و مسكن 6 حبات باليوم وعلاجات كثيررررة .. لهم يومين عندي وقلبي مو مرتاح ابدأ فيهم لان مابي اكثر العلاجات ومابي اخذ شي يضرني او يضر البيبي ... التحاميل ماقدرت اخذهم لأن اخاف وحاولت وماقدرت .. عشان كذا قررت اتخلص من الالتهاب بطرق طبيعية مثلا اقلل من الجماع و اشرب ماء كثييرررر .. من صرت اشررب راح الالم اللي بكليتي الحمدلله .. بس لسا الله يعزكم اروح للحمام كثير .. و لقيت بالنت يمدحون الزبادي للالتهابات .. و راح استخدم بس الغسول .. وش رايكم ؟ ومين راح منها الالتهاب بدون علاج ؟ كيف تخلصت منه بطرق طبيعية ؟