رجعت لكم بتجربتي في عملية تضييق المهبل

[تفاصيل الهوى]

بسم الله الرحمن الرحيم



طبعا سبق نزلت موضوع استفسر فيه عن تجارب البنات اللي سووها

وما قصرتم مشكورين

انا سويتها امس في مستوصف الاحمدي
عند الدكتوره لطيفه ب2000 ريال

بما إني مدمنة قهوه فمافاد فيني البنج للاسف حسيت بالعوار
مرررره عورني
وكنت متوقعه اصلا اني رح اتالم وما بياثر فيني البنج

وبحسب معرفتي بالدكتوره انها شاطره بس مشكلتها ما تحب تتكلم وشوي عصبيه
بس الحمدلله وقت العمليه كانت رايقه عالاخر
تسولف وتمزح وترفع معنوياتي وتساعدني في اللبس لما خلصت من العمليه

وبعد ما خلص المغذي رجعت البيت وارتحت شوي ولحد الحين الالم محتمل مع المسكنات

اناعمري بالعشرينات و عندي ولدين 4 سنين و الثاني 9 شهور
يعني سويتها بعد الولاده ب 9 شهور وما افكر بالحمل ل5 سنين قدام بإذن الله

اوزان عيالي ماشاء الله كانت كبيره شوي وتعسرت ولاداتي فيهم
واللي تقولي كان سويتي اعشاب ومدري ايش انا من النوع اللي ما اعترف بذي الاشياء
اني ادخل خلطات واعشاب لذي المنطقه وبعد كل هذا تجيب نتائج مؤقته
احب امشي بالمضمون

هذي تجربتي وحبيت تستفيدوا منها