مشكلتي مع زوجي

[نهآل]

سسلآم .. انا طبعا كنت متابعه منتداكم من بداية حملي ودحين ولدي عمرو اربعه شهور صراحه واستفدت كثير من تجاربكم ودا اول موضوع ليا ..'
اتمنى تقبلوني اخت بينكم

مشكلتي انو زوجي يحب يتابع افلام الحروب القديمه طيب المهم في مره اخد فلم حرب من اخوه الفلم على اجزاء وقلي ترى الفلم وصخ انا قلتلو طيب عادي نتابعو سوا انا كان على بالي لقطات عاديه الا لما شفت لقطه مره وصخه الي هيا حرمه عريانه المهم مره اتنرفزت ووقف الفلم على طول المهم بان عليا اني عصبت وزعلت بعدين جاني الغرفه قلي انا عارف انو الفلم زعلك خلاص ادا ماتبيني اتابعو روحي احذفيه قلتلو براحتك المهم بعدين سار يتابعو لما انام يعني مايتفرجو قدامي تابع الجزء الاول والثاني وباقي ثلاث حلقات من الجزء الاول بس انا لما نام رحت حذفتو لانو ماكنت مرتاحه في الايام الي جلس يتابع فيها الفلم كنت ما اقدر انام من القهر كل شويه افز من نومي واذكر انو قاعد عالفلم
امس شفت لابتبو مفتوح وهوا في العاده دايما مسكر ومحطوط عالرف الي بالصاله المهم جيت فتحتو لقيتو قاعد يحمل نفس الفلم واليوم جا من العمل قعد يتابعو وانا نايمه طيب دحين ارجع افاتحو بالموضوع ولا اطنشو وكاني ماشفت شي وصراحه هوا دايما يلومني يقلي انتي في كل شي جالستلي تبيني على كيفك