فضفضة من كروشة بالشهر الخامس

[أم فروحة]

السلام عليكم ورحمة الله وبركاته
كيفكم كروشااااات وش اخباركم؟؟
بنات انا قبل ما أحمل بشهرين حلمت بحرمة شالت ولد صغير من على الأرض وعطتني ياه وقالت اسمه محمد وكان على شباك غرفتي فيه حمامة* ولما قلت لأمي الحلم قالت لي هذي بشارة حمل بولد تسمينه محمد*
وسبحان الله بعد شهرين فعلا حملت يا بنات ومدري ليش احساسي قوي خاصة ان الحلم أثر فيني وخلاص حطيت في بالي ان حملي بكون ولد وبسميه محمد وخاصة اني حلمت بنفس الشهر اللي حللت فيه وطلعت حامل اني لبست خاتم ذهب وقالوا لي ان الخاتم الذهب بالحلم ولد
وبعد شهر حلمت اني حطيت يدي بكيس وتعلق شي قوي بيدي كنه ارنب وقالوا تفسيره انك حامل والحين صار علقة لأنه تعلق بقوة بيدك ...ومرتين يا بنات أحلم اني ولدت وجبت ولد يشبه أخوي وأنا هذا الأخ ما أتمنى إني أجيب شبهه لأني أتمنى أجيب شبه أخوي الكبير
والحين الحمد الله أنا في منتصف الشهر الخامس واليوم رحت سويت سونار وقالت لي الدكتورة احتمال بنت ...مابي أقول إني تضايقت لا والله كله هبة من رب العالمين بس زي ما تقولون كذا احساس غريب ومتقلب مو قادرة اصدق أحلامي ولا كلام الدكتورة بين الأمل والرجا وبين إني مابي أتأمل وأتفاءل زيادة عن اللزوم
طبعا الموضوع مو محتاج اني اكبره بس مدري حبيت تشاركوني بأفكاركم بأي شي حلووووو
حسيت اني بحاجة اطلع شعوري هنااا خاصة إني بغربة وأهلي بعيدين عني
خاصة اني حسيت وجه زوجي تغير في لحظتها شوي
هو حرام والله ماقال شي وطلع مبتسم في السيارة وقال نسميها غلا بس أنا شفت وجهه في غرفة السونار وشلون عض على شفايفه لما طلعنا أنا عارفة الحركة هذي يسويها لما يتضايق من شي أو يستنكر شي
الحين بتقولون يعني الزبدة وش تبين ههههههههههههههههه
والله مدري بس احنا هنا زي الخوات وحبيت أفضفض
وان شالله كل وحدة من خواتي الكروشات ربي يرزقها بالذرية اللي تتمناها