حركة الجنين مؤلمة

[أم عمر_88]

يابنات ادري بتقولون شي حلو وانه الحركة للجنين حلوة
بس هالحركة غريبة اولا بدأت معي من الثالث
ثانيا نقر وخبط
نقر قوي جدا لدرجة انه احسها في عنق الرحم والمهبل يوم احط يدي من تحت
انا الان في الخامس والحركة زايدة لدرجة اني ما اقدر انام لا على ظهري ولا على جنبي
ايام ما يتحرك ابد بالايام وايام اخرى يتحرك بصورة مستمرة ومؤلمة ليست ممتعه كما يظن البعض !!!!

انا اقول يمكن الجنين جوعان
لانه انا ما اكل ممكن يمر اربع ايام ما اكل شي
مب انعدام شهية ولكن مرات يكون حالة نفسيه متضايقه مخنوقة مثلا
وهل الحركة المستمرة هذي يعني احتمالية وجود ولادة مبكرة
لان شفت الجنين ع السونار في نهاية الرابع
كانت الراس تحت
ام هو فرط حركة

عايشه في صراع والله مليت
ابا حد جرب حالتي
ما اقدر انام بس قاعده واكتم المنطقه من تحت
وارجع مع الحركة احس بنغزة تؤلم كأنه سكين بخلاف وانا نايمة حركة نقر

وكل من كلمت دكتورتي تضحك وتقول عادي
احس وقتها انها غبيه

[أم جنى فديتها]

طيب اكلي اذا مو عشانك عشان الجنين تحملي وغصبي نفسك
ﻷن حركته هاذي يمكن من جوعه مسكين حرام

انا احيان مالي نفس آكل ﻵصرت متضايقه جدآ بس احط في فمي غصب عشانه

[ام حمودي "]

والله انا مثلك بس انا ماحسيت فيها الا ع نهاية الشهر السادس

ومزعجتني مرة احيانا اقوم من النوم واحيانا ماانام بسبة الحركه الزايدة

[سكرهـ مرهـ]

انا مثلك واحيان اصيح بصوت عالي بعد والالم فضيييييع .. بس الدكتوور قال عادي

الله يتمم لك ولنا ع خير

[وتـيـن]

ربي يتمملك على خيررر

هذا عادي والنقر اللي انتي تقولينه ويطووووول هذا شهاق الجننين ههههه عادي ياخذ وقت ويرووح

يالله هانت مااباقي اللي اربع شهوور وتشوفي ضناك وتبوسينه وتحضنينه وتقلولين ليه تعبتني

وعلى فكره انا حركه الجنين عندي توجعني لما يتشقلب فا لاتخافين كل شي طبيعي دام الدكتور طمنك وهذا الحمل وتعبه ربي يهوونها عليك وعلينا جميعاااااا
ويرزق كل محرووووووومه يارب

[moooj]

عادي يا اختي من قوة الظرب تحسيه يجرب عضلاته او بيشق بطنك ويطلع ماشالله انت كلي لو حاجه بسيطه والامور ان شالله تتسهل عليك وعلي وع الجميع

[نبعة الحب]

حبيبتي الجنين ما يحس بالجوع ابدااااداخل الرحم وحتى لو ما اكلتي هو ما راح يتضرر بكد ما الام تضرر لان كما يقال الجنين اناني وياخذ غذائة على حساب امة

بس مو المعنى انج ما تاكلين لان الجنين محتاج فيتامنيات وهذا الشي من خلال طعامج انتي

اما بالنسبة للحركة حركة الجنين تدل على نشاطة يعني احسن من الخمول انا اطفالي ما يتحركون لان ما يوصل الدم للجنين ويكونو ضعاف العكس

صحيح في حركات احيانا تكون مؤلمة وحركة الجنين بيهااا الم بس ما مرة سمعت ان الحركة الزايدة تكون مؤشر سئ كثرة التفكير تضر والافضل ولا تدوخين نفسج

اسالي دكتورتج وهيا تجاوبك وراح ترتاحي

[ملكتني بهمسك]

ياعمري لازم تاكلين صحيح مايضر الجنين لانه ياخذ الي ناقصه من جسمك بس لان جسمك محتاج للفيتامينات وحركه طبيعيه اجل ايش بتسوين بشهر التاسع لمن تكون عظامه مكتمله وشويه قويه كل حركه له مؤلمه وهذي ضريبه الحمل والامومه لازم تتحملين شويه وهانت مابقا شي وتولدين وبعدها بيسر كل هذا الالم مجرد ذكره ربي يسهلها لك ولي ونشوفهم باحضانا سليمين معافين من غير شر يارب

[أحاسيس الترف]

الله يعينك حبيبتي

والاخوات ماقصرو بردودهم

[يغار الحلى]

اااااااااه وربي مره مؤلمه حركته وحااااره الله يعينا ويقومنا بالسسسلآمه

بالشهر الرابع والخانس كنت استمتع فيها لكن انتي ادخلي بالثامن والتاسع بجد راح تتألمي اكثررر الله يعين

وربي يكتبلنا الأجر يارب ..