اللي مثل حالتي تدخل

[سابتسم رغم الجراح]

مالقيت احد اقضفض له الا انتن لانكن مريتن بنفس حالتي

انا لي سنتين واربع شهور ماحملت

تابعت التبويض ممتاز
رحت لوحده تمرخ قالت رحمك يبله تمريخ ومرختني شهرين واخر مره قالت الحمد لله رحمك رجع لوضعه
انتظرت ولا صار حمل

يابنات باقي على دورتي يومين ماقدرت اصبر قلت لاخوي يجيب لي تحليل لان زوجي بيرفض

وحللت 😔
وطلع مافيه حمل
يابنات مدري وش حسيت فيه ذيك اللحظه زوجي مو عندي جلست ابكي مثل الصغار اشاهق واكلم نفسي اقول ليه اللي تزوجو معنا عيالهم يركضون قدامهم ليه اللي بعدنا ينتظرون ولادة حريمهم وانا لا ليه ليه ليه

كل اللي اجلس معهم دايم اللي بالشهر الثالث وتتوحم واللي بالشهر السابع والا بالتاسع تتنظر ولادتها واللي بالثامن

تكفن اجبرن خاطري ماعدت اقدر اتحمل تعبت اوهم الناس اني مابي الحمل تعبببببببت

يارب ارجووووووك فرحني وفرح خواتي اللي يقرون موضوعي بالحمل قرييييييب قرييييييب

[فوضت امري لله]

حبيبتي

ياقلبي الله يقر عينك بالذريه الصالحه

ياحياتي الحزن مو زين

والقنوط من رحمه الله صعبه جدااااا

ياقلبي غيرك 10 و20 سنه وصابرين ويحمدون رب العالمين

احسني الظن بالله وصدقيني راح ترزقين بالذريه الصالحه

ياقلبي

رب العالمين امره بين الكاف والنون

وقادر ربي يقول كن فيكون

فكوني حسنه الظن بالله

ولاتقارني نفسك مع اللي جاهم ذريه

لا قارني نفسك مع ناس اقل منك

يارب يارب يارب

في هالساعه الكريمه

وباخر الليل يارب يارحيم ياوهاب

هب لأختي ذريه صالحه

يارب يارب

أسال الله العظيم بمنه وكرمه

ان يشرح صدرك وييسر امرك

ويجعل لك من كل هم فرجا

ومن كل ضيق مخرجا

ويرزقك من حيث لاتحتسبي

[سابتسم رغم الجراح]

الله يجزاك الجنه وربي من قريت كلامك دمعت عيوني

الله يسعدك

[مكتومه]

الله يفرج همك ويسر امورك ويكتب لك الحمل في هذا الشهر الفضيل .. عاجل غير آجل ويكتب لكل محرومه يااارب توكلي على الله .. وياااارب يااارب يكتب لك الحمل يااارب

[Alhnouf]

ياحبيبتي الله يكتب لك ذريه صالحه
ولاتبكين وتضيقين صدرك. ترا كل تأخيره فيها خيره لك ولزوجك.
واكثري من دعاء وصلاة بأخر ليل.

وترا هذا شى طبيعي غيرك جلس سنين وسنين والحين حمدالله ربي ارزقهم.
ولا تفكرين بهشئ انسسسي الموضوع وان شاءالله ربي بيرزقك بشهر الفضيل..

الله يفرح قلبك وجميع اخواتي يارب. :) *

[المتأمله خير]

لا تبكي حبيبتي ولا تضايقي وانتي قلتي باقي يومين على دورتك يعني في امل قومي صلي واطلبي من الله انك تكوني حامل ويااااااااااااااارب ماتنزل الدوره وما تشوفيها....خبرينا شو حاسه يمكن عندك أعراض تبشر بالخير

[سابتسم رغم الجراح]

انا سويت تحليل حمل مابان حتى صرت ارجعله كل شوي قلت يمكن يطلع شي بس ماكو شي
ماحس بشي غير احيان الم بالمبيض الايسر حسيت فيه بعد الدوره باسبوع وحسيت فيه امس

[جرة عسل]

ياحياتي لاتقنطي من رحمه الله
ربي قدير يرزقك ويرزق غيرك بس ربي له حكمه في كل شيء
وربي وحده تزوجت معي وصرت حامل بالثاني وهي لسى ماحملت
وتعالجيت وربي رزقها باربعه اثنين ورى بعض
واثنين توئم
حبيبتي انتي لو تنسي التفكير بالحمل شويه وتلجئين لله راح ترتاحين
استغفري وصلي الوتر واقرئي قران والله علاجنا بذكر الله بس احنا غااااااااافلين
حبيبتي
رجاءا لاعاد تيئسي ولا عاد تقولين ليش وليش لان هذا اعتراض ع حكم الله
ادعي وربي قادر انه يفرح قلبك
والحين رمضان فرصه تريحي نفسك شوي من العلاجات وتنسين وتقابلين طاعتك
وربي اول قريت باحد المنتديات قصه وحده تقول لي 3 سنوات اتعالج وبعدها تعبت وقررت انسى وجلست سنه بدون علاج ولا تفكير
وسبحان الله مادريت بنفسي الا وانا حامل
اسال الله الكريم رب العرش العظيم ان يرزقك ويرزق جميع البنات المحرومات

[Forgotten Rain]

أختي أنا أيضا مثلك سنتين وأنا أحاول جاهدة الحمل ومن كثرة تفكيري أصبحت دورتي تتأخر كل شهر أكثر من الذي قبله وفي كل مرة أوهم نفسي بالحمل وأبقى أحلل حتى تنزل ومرة حللت دم حتى بعد نزولها لأني بقيت متعلقة بحمل لم يوجد
لكن الحمد لله على كل حال منذ سنة تقريبا لم أعد كما كنت وتركت أمر الحمل بين يدي الله عز وجل هو من يدري إن كان لي فيه خير أم لا وبدأت آخذ بالأسباب الحمد لله
أنا أيضا جربت التمريخ هذا الشهر ولله الحمد أشعر براحة كبيرة من بعده ومادامت الممرخة قالت لك أن رحمك عاد لمكانه فمن يدري قد تكونين حامل هذا الشهر أو اللذي بعده إطلبي الله في سجودك بإلحاح وإخلاص وكوني موقنة أنه لن يرد طلبك

[فتاة الورد]

اعرف وحده من 12 سنه ماحملت وماشاء الله عليهاا كانه ماصاير شي بس لماا تسمع احد محتااج هي اول وحده تتبرع والله اكرمهااا بصبرهااا هذه سنه خير الهااا حملت وجاابتت ولد جمييل ماشاء الله علييه ,,,,وانااا توو ادخل تسع شهور من زواجي حالتي حاله الله يرزقني ويرزقكم الذريه الصالحه