بشروني الله يبشركم بالجنة

[أم عبدالله*]

السلام عليكم انا عندي مشكلة رح تجنني يارب تقدروا تساعدوني
دورتي غير منتظمةالله يكرمكم اجت بعد ماأخذت حبوب لتنزيلها يوم 18 اذار وراببع يوم أعطتني الدكتورة كلوميد يوم 21 وفي يوم 26 اذار رحت الدكتورة وقالت كل شي تمام واعطتني ابرة على الاغلب منشطة قالت انه افضل ورحت يوم 31 وقالت حسب مافهمت عليها انه الاباضة تمت بإذن الله وبعد مامر 31 يوم من اول يوم بالدورة حللت تحليل منزلي طلع خط واحد تركت الجهاز وتاني يوم بدي كب الجهاز طلعت عليه لقيت خط تاني بس خفيف لكن ينشاف وهاليوم صرلي 37 يوم وخايفة حلل ويطلع سالب مع العلم انه عندي وجع بالصدر وبالظهر وبالبطن عم حس كأني جوعانة وصرلي يومين كتير عم نام ودوخة بسيطةوتعب بس ابذل اي مجهود وجسمي كله عم حس أنه عم يرجف ومهدود حيلي وفي لعية نفس بس بسيطة ومو دائمة

افيدوني شو اعمل وهل انا حامل بإذن الله مع العلم عندي ولد متل القمر عبدالله وحملت فيه بعد زواجي مباشرة يعني مااجتني الدورة بعد ما اتزوجت وعمره2سنة و7 اشهر وولدت قيصرية

امانة تسامحوني على الاطالة بس بدي حدا يطمني الله يبشركم بالجنة بشروني ولاتبخلوا علي بالردود

ويارب يبشر كل الاخوات بالمنتدى بالحمل ويثبت الحمل لكل حامل يارب

وبالنهاية امانة تدعوا لكل المسلمين وتدعو لسوريا الحبيبة بالفرج والنصر على الطاغية وبالرحمة لابي وبالعافية والصحة لامي وبالفرج والرزق لزوجي وبالهداية لابني وبالحمل والرحمة الي ومرة ثانيةسامحوني

[ام علوان]

الله يرزقج اللي تتمنينه اضعاف
وتكوني حامل بس معظم جهاز البول تكون النتيجة بعده بدقائق معينة مكتوبة في الرشته بس بعد هذا الوقت ما يعتبر النتيجة صحيحة
لا تخافي حللي مرة ثانية وان شاء الله حامل يا عسل وتجيبي بنوته قمر زي عبدلله
ادعيلي انتي بعد الله يخلف عليي بالذرية الصالحة يارب

[أم عبدالله*]

يارب يفرح قلبك ويطعمك الحمل السليم ويعافيكي
ويستجيب كل دعواتك امين يارب

[جروووح الروح]

يارب يرزقك بالحمل ويرزقني ويرزق كل محرومه يارب

[أم عبدالله*]

وين باقي الردود امانه اللي عندها معلومة لاتبخل علي

ويارب اللي ترد واللي ماترد ترزقها الذرية الصالحة امين يارب

[أم عبدالله*]

يارب يرزقك الحمل وتسمعي كلمة ماما

[أم عبدالله*]

الله يسامحكم انا قاعدة علىنار وانتوا ماعم تردوا لوبدعوة
الله يرزقكم الذرية الصالحة

[مياسوه]

ان شاء الله حامل يارب وتيجي اتبشرينا ^^

انا لي 7 سنين من اخر بيبي وصابره والله كريم مابينسانا ان شاء الله

والله يفرج همكم يارب

[ام مراوي]

انة اعتقد انه حمل ان شاء الله والله يرزقك ماتتمني

[أم عبدالله*]

مياسوه الله يرزقني الصبر متلك وانشاالله يارب يطعمك اللي ببالك وتحملي بولد اوبنت او توأم متل مابدك بس يكون متل القمر