بسم الله الرحمن الرحيم
حياكم على بعض الاطباق اللذيذة كنت مسويتها خلال الاسبوع للعشى
اول طبق دجاج مع الخضار في المقلاة يمي يمي يمي
خذت فكرتة من عضوة في منتدى ثاني اشكرها جدا طبعا غيرت فيه شوي
قطعي دجاجه الى قطع وانا طبعا شلت الجلد
واقليه في مقلاه ساخنة على الصوبين رشي على الدجاج اوريجانو واعشاب ايطاليه وملح
ارفعي الدجاج من المقلاة وحطي اصابع مقطعه من البطاط والجزر قليه شوي
مع رشة اعشاب وملح
وارفعي الجزر والبطاط وحطي اصابع باذنجان
ورشي اعشاب شوي
رجعي كل شي للمقلاة وضيفي عليه شرايح بصل وثوم وفلفل رومي اخضر
حطيت على الدجاج ملعقه كبيرة كاري وكمون وفلفل احمر وبابريكا وفلفل اسود وشوي ملح
وعصير ليمونة وبعدين حطي
ربع كوب ماء على الدجاج ووطي النار وغطي عليه وخليه ينضج وبعدين قدميه مع الرز او العيش وبالهناء