هلا حبايب قلبي
اعذروني ما دخلت المنتدى صارلي فتره لاني كنت تعبانه
تعرفون حبايب قلبي اني كنت حامل بنوأم بس ما كنت ادري حامل داخل الرحم وخارج الرحم يوم الخميس الماضي تاريخ 24-3-2011 قبلها بيومين كان عندي آلالام كثيره في بطني وظهري وما هتميت كثير تبون الصراحه ويوم الخميس الظهر وانا اصلي نزل دم شوي وكل ما اتحرك يزيد الدم المهم رحت وشربت ماء و ملح مشان يخف الدم الحمدلله خف والعصر ما نزل عندي شي بالمره والمغرب رحت اعمل لابني الله يحفظه رضاعة حليب وانا واقفه اعمل له ما أشوف الا رجلي كلها دم وقفت وانا مصدومه مب عارفه شو اسوي وقفت جنب خزانة الملابس الا والنزيف يزيد رحت الحمام الله يكرمكم الا ويزيد اكثر ويوم خلعت ملابسي الداخليه تكرموا شفت جنين فيها نزفت بما فيه الكفايه وأغمى علي وشالوني بالاسعاف مانتبهت الا انا نايمه في المستشفى وساعتها عرفت اني حامل داخل وخارج الرحم ولي خارج الرحم نزل ولي داخل الرحم الحمدلله زين بس المشكله الحين المشيمه نازله عندي ومفتوحه شوي والله يستر ومهدده بالاجهاض ادعوا لي الله يقومني بالسلامه ويتمم حملي على خير انا الحين بالاسبوع الثاني عشر يعني نهاية الثالث.
من الاخت ريان علي