[عزيزة النفس]

إذا قدرتي تسوين مثلا

حنيني (خوذي معجون التمر الخالي من النوى) .. وبعد ما تسوينه تجين تقسمينه

لعدة أقسام بحيث انه يكفي لعدة أيام تاخذين كل قسم وتكيسينه بكيس وترصينه زين بعدين تدخلينه الفريزر

ولما تبغى جارتك تحميه كل ما عليها انها طلعه كيسه وحده

وتجيب صينية فرن وتدهنها بزبده أو سمنه وتطلع الحنيني من كيسه وتحطه في الصينية وتولع الفرن

على نار هادية يعني تحميه على روااااااق

وكمان تقدرين توسوين الفريك وتتبعين نفس الطريقة

وعندك كمان عصيدة أهل نجد (المحلا)

تسوي نفس الطريقة كمان ....

وأيضااا عندك المطازيز

ممكن تسوين مثل مطازيز بنده تخبرينهاااا ؟؟؟

تعجنين العجينة عادي وبعدين بعد ما تطززينه تحطينها في علب بلاستيك (طبعا اقصد ان العجين لسه يكون ني )

بس أول شيء تفرشين في العلبة كيس أو قلاد بعدين تصفين طبقة من المطازيز المطزز (العجين الني)

بعد ما تنتهي الطبقة تفرشين قلاد ثاني وتصفين فوقه المطازيز المطززه وبين كل طبقة قلاد أو كيس

ودخلينها الفريزر ..

وتصير جارتك كل ما بغت ماطزيز طلع الكمية اللي تبغاها لهاليوم

وتكون مولعه على اللحمة وبعد ما تستوي اللحمة تقريبا او إذا قارب على الإستواء تحط اقراص المطازيز على اللحمة

وتخليها تطبخ معها لين تستوي ..

والله الله بالخضار والفواكة وخصوصا التفاحة مهمة ...

وخليها تبعد عن الغازيات والحلوياات ..



مهم انها تبدا فطورها بالتمر

لأنه مليّن بالإضافة إلى البيض (يعني مقدار بيضة وحده حلو يكفي )يعوضها لأن عظامها تكون تعبانه من بعد الولاده

تحتاج شد وتحرص على شرب الحليب والعصيرات الطازجة عشان الرضاعة ..

يعني لازم يكون غذائها صحي عشان تعوض اللي نقصها في فترة الحمل وكمان أثناء الولاده وبالإضافة انها تحتاج

الغذاء الصحي عشان الرضاعة ..

وبالنسبة لطريقة الحنيني :


أول شي تجيبين تمر بدون نوى

قرصان لين يعني مسوى في البيت . أو خبز بر

ماء حاار يعني مغلي

فنجال زيت

زبده مذوبة

الطريقه:

تجيبين قدر وتصبين فيه موية مغلية والزيت بعدين تغطين فيه القرصان أو الخبز البر المهم الي متوفر عندك ويرفع يعني بسرعه حتى لايتقطع .

- ثم تفرمين القرصان مع التمر بمفرمة اللحم ولازم تكون كمية القرصان والتمر متساوية إلا إذا بغيتيه حالي شوي زيدي التمر .

- قسميها إلى أقسام وحطيها بأكياس ودخليها في الفريزر ومتى ما احتجتيه حمي قدر الحاجة .

- بعدين قبل تقديمه بساعة حطي في قدر شوية زبده بعدين حطي عليه الحنيني اللي طلعتي وحطيه على نار هادئة

انتبهي لازم هادئه حتى يذوب على راحته .. أو سوي نفس الطريقه لكن بدل القدر صينية فرن وخليه بالفرن يذوب

على راحته

- إذا شفتي انه ذايب بالمره حطيه في صحن التقديم ..

وهذي طريقة المحلى النجدية أخذتها لك من موقع ...

المقادير
كاسين ونصف طحين أسمر
علبه أو باكت من التمر الجاهز المعجون الخاص بالمعمول وإن لم يوجد يستبدل بـــ كاسين من التمر المكنوز منزوع النوى يضاف له كاسة ونصف من الماء إلى كاستين ويغلى على النار حتى يثخن.. بعدها يخلط بكاس الخلاط ويصفى..
سمن أو زبده حسب الرغبه..
ماء

الطريقه:
يحمس أولا الطحين الأسمر قليلا حتى يعطي نكهه ولون خفيف. فقط..

نضع على النار باكت التمر الجاهز بعد أضافه الماء المغلي له وتركه حتى يغلي.. أو التمر المنزوع النوى السابق ذكره.. وعلى فكره هو أطعم من التمر الجاهز بالعلب..

نترك التمر مع الماء حتىىىى يغليييييييييي بعدها نبدأ بإضافه الطحين المحموس شوي شوي ونخلطهم بالسلك الخاص بالكيك عشان ما يكون فيه عقد... <<< الله يعينكم على التحريك

وأثناء ذلك وبين انتي ما تحطين الطحين شوي شوي ضيفي ملعقه كبيره من السمن أو الزبده حسب ما تحبين بس كل ما بانت وكثرت صاااار أطيب..

ولو حسيتي أن الخليط ثقيل تقديرين تضيفين الماء المغلي عليه شووي شوي ماراح يضره أن شاااااااااااء الله..
وأهم شي بالمحلى أنك تغطينه زين وهو يطبخ.. أكتمييييييييييييه كتم..

يعني لما تضيفين الطحين شوي شوي غطيه ... بعدين أرجعي ضيفي المقدار..

وكل ما طال صار أحلىىىى... يعني لا يقل طبخه عن سااااااااااااعه ويمتد لثلاث ساعات...

بعد كذا طفي النار وضيفي له شوي سمن بعدين حطيه في الحافظه لأنه لازم يكون حار أثناء التقديم بعدها رشي عليه
شويه فلفل أسوووود حسب الرغبه وسويله فتحه بالوسط وصبي فيها شوي سمن واللي يبي يضيف على صحنه يضيييييييييييف..